মথি17
1সাটুয়ু নোইতা ইশুহা পত্রস, য়াকুব আসা আকো এ য়হুন্নাহিং মেংচে আকুহিংপা তোলোংওয়া য়্যাগ্যইকো তোইতা পুরামসা হোয়ে।2তোইতা দেকানুওয়া য়োংতোংবি ন্যইদিংওয়া কোকোইত্তা ইশুকো য়ুওয়্যাই দোসরা জিংপুয়ে। আকো য়ুওয়্যাইহা সানি বেপা হাহাইপা জিংপুয়ে আসা আকো আংদুংহা চাচাইপা হাংপাপা জিংপুয়ে।3একবিরি আউতাহা অগমবক্তা মোসা আসা এলিয়া তিংরেয়ে আসা ইশুহিংপা য়্যইসুয়ে।4ই তিংমসা পত্রসহা ইশুহিং জাংয়ে, “প্রভু, কাবিরে ইতা নিওয়াহা এনতাপারাং জিংয়ো। নাকো ইচ্ছা জিংনাহা কা ইতা সুংচো গ্যই বানাইরোওয়া, ইচোহা নাতিহিং, ইচোহা মোসাহিং, আসা ইচোহা এলিয়াহিং।”5পত্রসহা এপা জাংমসা য়্যইওয়া কোকোইত্তা আউতাহা গুইং তুরেপুয়ে আসা আকু গুইং তুওয়াসোহা আবিহা ইচো ক্যা হিংয়ে, “ইহা কুং জেজেংওয়া চেংওয়াগা, কা ইহিংপা গাগ্রুপা নিও। নাবিহা ইকো নুওয়াং হিং।”6ই ক্যা হিংমসা য়োংতোংবিহা চুসুংপুমসা লিতা নুউমসা চুনুইসুয়ে।7আদো ইশু লেমসা আবিহিং সুমসা জাংয়ে, “লো, মাচ্ছুংগে!”8আসা আবি লোমসা কাংনুওয়া আউতাহা ইশু মেংচে নিমি, দোসরাহা হাংসুরে মাতামি।9য়্যাগ্যইসো উইপামসা লেপানুওয়া ইশুহা আবিহিং আজ্ঞা জোয়ে, “কাং, কা দিংঙাকো চেংওয়া সিমসা মাঙারোনু চোইপা নাবিকো ই তিংওয়া নুওয়াংহা হাংসুহিংনে মাজাংঘ্যই।”10য়োংতোংবিহা ইশুহিং উইয়ে, “তাংজিকো উটকেওয়াবিহা হাংপাসা খ্রীষ্টরোমা নাগাইহা এলিয়া লেনেরো তামসা জাংচাংমগা?”11ইশুহা জাংয়ে, “ওই, আজিপ্পারাং এলিয়াহা তাংসা নুওয়াং তৈয়ার জোকো লেনেরোওয়া।12কাং, কা নাবিহিং জাংরোওয়া, এলিয়াহা লেপুনতেও। আদো দিংঙাবিহা আকুহিংয়া নাইমক্যইতো আসা আবিহা আকুহিংয়া হাই জোদাংবেপা জিং, আকুরাং জোয়ো আসা কা দিংঙাকো চেংওয়াহিংনে আবিহা এপারাং জোরোওয়া।”13আত্রং মেংচে ইশুহা বাপ্তিস্মা পিচাওয়া য়হুন্নাকো তোইতা জাংমকো গুং তামসা য়োংতোংবিহা কোইয়ে।14আকো নোইতা ইশুহা য়োংতোংবিহিংপা উইসে দিংঙা নিওয়াতা ওয়াংপুনতেনুকো নোইতাহা ইচো দিংঙাহা আকো আবেইতা তুরুই চুইনুইমসা জাংয়ে,15“প্রভু, কুং চেংওয়াকো তোইতা লামতুপি, হাংপাতানাহা ইহিংয়া জ্যান্যাপেইওয়া য়োংন্যা নিওয়াকো সোতা সিওপারাং দুঃখ মুংদিংনা। আকুহা লেচোংহা মেতা আসা লেচোংহা তিতা ইপুচাংমি।16কাহা আকুহিংয়া নাকো য়োংতোংবিকোতা পারায়ে, আদো আবিহা আকুহিংয়া সাংপামক্যইতো।”17আত্রংহা ইশুহা জাংয়ে, “ও দেংকো মোচুওয়া আসা ভ্রমতা পরেওয়া দিংঙাবাই! হাত্রং চোইপা কা নাবিহিংপা য়ুংকোগা? আকুহিং ইতা কুংতা পারা।”18ইশুহা আকু জেসাংহিংয়া চিংচাইয়ে, আসা আকু জেসাংহা আকু পোজাকো জুপাসো নোপুয়ে। আসা আকু পোজাহা আত্রংতারাং সাংয়ে।19আত্রংহা য়োংতোংবিহা ইশুকোতা চেকেপা ওয়াংমসা জাংয়ে, “কাবিহা আকু জেসাংহিংয়া হাংপা নোপাকো মাচুমগা?”20আকুহা য়োংতোংবিহিংয়া জাংয়ে, “নাবিকো দেংওয়া লিয়োমকো সোতাগা। আজিপ্পারাং কা নাবিহিং জাংরোওয়া, নাবিকোতা তৌরিকো অংসে এসেকোমি দেংওয়া নিনাহা ই য়্যাগ্যইহিং ‘ইসো ওয়েংপু’ তানাহা আকুহা ওয়েংপুরোওয়া। আসা নাবিহা হাই জিংদো জোক্যইরোওয়া।21[আদো এপাজিংওয়া জেসাংহা পাচাইওয়া আসা উপাস মাতানাহা মোনোমগা।”]22আবিহা গালীল জায়গাতা য়ুংদিংনুওয়া ইশুহা য়োংতোংবিহিংয়া জাংয়ে, “দিংঙাকো চেংওয়াহিংয়া প্যইমসা দিংঙাবিকো খুইতা স্যইপুরোওয়া।23আসা আবিহা আকুহিংয়া স্যাপুরোওয়া, আদো আকুহা সাসুংয়ুকো নোইতাহা ঙারোরোওয়া।”
ই হিংমসা য়োংতোংবিহা সিওপারাং তুংসিং চিচাপুয়ে।24হাত্রং ইশু আসা আকো য়োংতোংবি কোর্ফরনহুমতা ওয়াং, আত্রংহা দেমসাকো তোংক্যা জুমবিহা পত্রসকোতা ওয়াংমসা জাংয়ে, “নাবিকো উটকেওয়াহা তোংক্যা মাতাকোগা?”25আকুহা জাংয়ে, “ওই তারোওয়ে।”
পত্রস সাতা দেয়োংতেনুওয়া ইশুহা আকুহিংয়া উইয়ে, “সিমোন, নাকো নোচেংতাহা হেপা জিংচাংমগা? ই বাসিমতিকো জাইপুবিহা হাংসুকোসো তোংক্যা জুকোগা? আপনিকো চেংচুবিকোসোগা না দোসরাবিকোসোগা?”26পত্রসহা জাংয়ে, “দোসরাবিকোসো।”
ইশুহা আকুহিংয়া জাংয়ে, “এপা বেনাহা আপনিকো চেংবিহা তোংক্যা তামঘ্যরগুং।27আদো য়াংবিহা ই দিংঙাবিহিংয়া তুংসিং মাচিচপাসি। নাতিহা হোতু, আসা দাব্রিতা জেরে তিকাতু। আসা হানিরোমা নাগাই জেরেতা ওয়াংওয়া নায়া নোপামসা আকো নামু ওয়ে। আকো নামুতা নাতিহা জাতাংকো ইচো টাংকা দোরোওয়া। আকুহা দেমসাকো তোংক্যা জুওয়াবিকোতা সামসা য়োংকো নিহসোকোসা তাতে।”
ই হিংমসা য়োংতোংবিহা সিওপারাং তুংসিং চিচাপুয়ে।24হাত্রং ইশু আসা আকো য়োংতোংবি কোর্ফরনহুমতা ওয়াং, আত্রংহা দেমসাকো তোংক্যা জুমবিহা পত্রসকোতা ওয়াংমসা জাংয়ে, “নাবিকো উটকেওয়াহা তোংক্যা মাতাকোগা?”25আকুহা জাংয়ে, “ওই তারোওয়ে।”
পত্রস সাতা দেয়োংতেনুওয়া ইশুহা আকুহিংয়া উইয়ে, “সিমোন, নাকো নোচেংতাহা হেপা জিংচাংমগা? ই বাসিমতিকো জাইপুবিহা হাংসুকোসো তোংক্যা জুকোগা? আপনিকো চেংচুবিকোসোগা না দোসরাবিকোসোগা?”26পত্রসহা জাংয়ে, “দোসরাবিকোসো।”
ইশুহা আকুহিংয়া জাংয়ে, “এপা বেনাহা আপনিকো চেংবিহা তোংক্যা তামঘ্যরগুং।27আদো য়াংবিহা ই দিংঙাবিহিংয়া তুংসিং মাচিচপাসি। নাতিহা হোতু, আসা দাব্রিতা জেরে তিকাতু। আসা হানিরোমা নাগাই জেরেতা ওয়াংওয়া নায়া নোপামসা আকো নামু ওয়ে। আকো নামুতা নাতিহা জাতাংকো ইচো টাংকা দোরোওয়া। আকুহা দেমসাকো তোংক্যা জুওয়াবিকোতা সামসা য়োংকো নিহসোকোসা তাতে।”
The Seed Company