প্রেরিত24
1সাঙায়ুকো নোইতা টেবো পাউ হোনোনিয়া আসা ইচো নিহসো য়হুদি মাটা ওয়ারাংপাবিহা তোর্তুলোস তাওয়া উকিলহিং পারামসা কইসোরিয়াতা দেয়োংয়ে। আবি তাংসা টেবো কাইজিকোতা পাউলকো তোইতা মেংতাপাওয়া নুওয়াংবি জাংসুয়ে।2পাউলহিংয়া টেবো কাইজিকো নাগাই পারানুওয়া তোর্তুলোসহা আকো তোইতা এপা জাংয়ে,
“উটকেওয়া পেলিকোস, নাতিহা দুংজি নিওয়া টেবো কাইজিগা আসা কাবিহা হাত্রংদো তিমেপা নিও। য়োংকো লোই এনতাপা জিংওয়ারে নাকো লামতুউওয়াকো সোতারাং নিদিংয়ো।3কাবিহা ই নুওয়াংবিহা তিংমি নিও আকো সোতা নাতিহিংয়া গারানি তারোওয়া।4কা নাতিহিংপা উইদাং সময় চোইপা নুওয়াং মোয়্যইরোওয়া, আদো ইচো নুওয়াং এদাংচপা জাংকো পিচা।5কাবিকো নাইওয়া ই দিংঙাহা চুসুংমাইসুংপা স্যাসপোইওয়া দিংঙাগা। ই দিংঙাহা নাসরি তাওয়া পারাকো মাটা জিংমসা তাংসা বাসিমতিকো য়হুদিবিকো প্যাকোতা স্যাসপোইমসা তেইদিংয়ো।6ইহা দেমসাহিংনে মেংতাপা জোকো কেংদিংমি। আত্রংরাং কাবিহা ইহিংয়া প্যইমি। কাবিহা য়োংকো আপনিকো লিংপাংতা নিওয়াবেপা ইহিং দোষ তিংপাকো নোদিংমি,7[আদো সেনাপতি লুসিয়োস লেমসা সাডুংপা ইহিংয়া কাবিকোসো গিংচাপুমসা পুরাচায়ে।]8আসা কাবিহিংয়া নাকোতা ওয়াংকো তামসা খুইয়ে। নাতিমি ইহিং উইনাহা কাবিকো জাংওয়া নুওয়াং আজিপ্পারাংগা তামসা ইকোসোরাং সিদা চ্যইরোওয়া।”9দোসরা য়হুদিবিরে ই নুওয়াংহা আজিপ্পারাংগা তামসা জাংজ্রুয়ে।10টেবো কাইজিহা পাউলহিং য়্যইকো পিচানুওয়া পাউলহা এপা জাংয়ে, “কা গেমি নিও, নাতিহা উইসে লো নাগাইসো ই য়হুদি লোইকো টেবো কাইজি আসা ন্যায় জোওয়া জিংমি নিও। আকো সোতা নাকো নাগাইতা কা আপনিকো নুওয়াং য়াংতামসা জাংচাকো ছুমি নিও।11কা য়রুশালেমতা সেংজাহিং তাচাকো হোওয়া বারাদিনরোমা সিওপা মাজিংয়াংতো। ই নুওয়াংহা নাতিহা জাংতোংপারাং গেকো চুরোওয়া।12কা দেমসাতা স্যাসুওয়া হানি য়হুদিবিরে তিংমি নিও তামসা জাংমক্যইরোওয়া, আবিহা কাহিংয়া কাবিকো জোংসুওয়া সাবিতা আসা শহরতা হাংসুহিংনে স্যাসপাকো দুদুইপাওয়ারে মাতিংয়াংতো।13ই নুওয়াং ল্যামসা আবিহা কাহিং তিংপাওয়া দোষকো প্রমানরে আবিহিংপা মোতো।14আদো কা ই নুওয়াং জাংরোওয়া, হানি মুক্তি মুংচাওয়া নাতাহিং আবিহা অ্যাজ্যাপাগে তাদিংমে, আকু নাতাহিং কা নুনুই হুইপুমসা কাবিকো আটা আজাকো সেংজাহিং তাচারোওয়া আসা সেওয়া জোরোওয়া। আদো অগমবক্তাবিকো লাওয়া লিংপাংকো হিগা আসা মোসাকো পিচাওয়া তাংসা লিপাংবিতা কা দেংমগা।15কাহা ইবি ত্যাবাপা এনতাপা আসা মেংতাপা জোওয়া তাংসা দিংঙাবি সিওয়াকো নোইতা ঙারোমি তামসা আশা জোমি ত্যাবাপা কারে সেংজাকো তোইতা আশা জোমি নিও।16আকো সোতা দিংঙা আসা সেংজা নিহসোকো নাগাইতা কা আপনিকো নোওয়াহিংয়া এনতাপা একো কেংরোওয়া।17“উইসে লো পেংপুনতেনুওয়া কা আপনিকো য়হুদি আপু এবিহিং দানবি সোংকো আসা সেংজাহিং ভেটি পিচাকো য়রুশালেমতা ওয়াংমি নিমগা।18ই কাম জোদিংনুরাং আবিহা কাহিংয়া দেমসাতা দোসুয়ে। আত্রংহা কাহা চোসোপা জিংওয়া লিংপাং তাংসা জোপুনতেমি নিমি। হানি পারাবিরে কুং নুনুই মোহুইয়াংমগা আসা মেংতাপা হাংসুহিংপারে মাজিংয়াংমি।19আদো এশিয়া জায়গাবিসো লেওয়া ইচো নিহসো য়হুদিবিহা কাহিং দেমসাতা তিংয়ে, আবিবেমি কুং তোইতা মেংতাপা জাংকো নিনাহা আবিরাং নাকো নাগাইতা লেমসা জাংনেকোগা।20মোকোনাহা য়হুদিবিকো জোংসুওয়াতা কুং দোষ হাং তিংমি নিমমে, আউতা নিমবিরাং জাংপিকো।21ইচো নুওয়াংতা মেংচে আবিহা কাহিং দোষ তিংপাকো চুরোওয়া। আকুহা হাংতানাহা, ‘সিপুওয়া দিংঙা ন্যাসারাং ঙারোরোওয়া তাওয়া নুওয়াংতা কা দেংওয়াকো সোতা ইতা কু নুওয়াং জাংদিংয়ো’ তামসা কাহা সাডিংপা ঙামি নিমি।”22ফেলিকোসহা মুক্তিকো ন্যাতাকো তোইতাহা এনতাপা গেমি নিমি। এপা জিংনুওয়া আকুহা জাংয়ে, “নেহা নাবিকো সেনাপতি লুসিয়োস ওয়াংপুনতেনু মেংচে য়্যইসু জাংসুরো।”23এসে জাংপুনতেনুওয়া পেলিকোসহা ইচো ক্যাপ্টেইনহিং পাউলহিং এনতাপা একো, আদো আকুহিং ঘ্যইওয়া নুওয়াং সাওয়া ব্যারোবিহিংয়া মোয়্যইকো আসা আকুহিংয়া সিওপা সাংগ্লিবিসো মাতাইকো তামসা জাংয়ে।24সাইয়ু নিহয়ুকো নোইতা ফেলিকোসহা আপনিকো য়হুদি মে দ্রর্সিলাহিং পারামসা লেহে। আকুহা পাউলহিং মোউয়ে আসা ইশু খ্রীষ্টতা দেংওয়াকো নুওয়াং পাউলসো হিংয়ে।25আদো পাউলহা সেংজাকো জাংওয়া হিংমসা তাংজিকো কাম জোনেরোওয়া, আপনিকো তুংসিংহা আপনিকোতারাং এনতাপা এনেরোওয়া আসা সেংজাকো ন্যায় জোওয়া দিন দেপানতেয়ো তাওয়া নুওয়াং হিংপানুওয়া ফেলিকোসহা চুসুংপুমসা জাংয়ে, “তুনা, হিনিহা এসেরাং নিচাকো, নেহা নাতিহা হোপুদো ক্যাচেংরোওয়া। সাইয়ু মৌকা মুংনুওয়া নাতিহিংয়া ন্যাসারাং মোউরোওয়া।”26ফেলিকোসরে পাউলকোসো ন্যাস্যাবি মুংচাকোমে তামসা আশা জোদিংমি। আকো সোতা আকুহা পাউলহিং নেকো নেত্তা মোউমসা আকুহিংপা য়্যইসুচাংমি।27এপারাং লো নিহনিং পেংপুয়ে।
আকো নোইতা ফেলিকসকো জায়গাতাহা পার্কিয়োস ফেস্তোস তাওয়া টেবো কাইজি জিংপুয়ে। ফেলিকসহা য়হুদিবিহিং গাগ্রুপাকো পাউলহিং মাল্যাপা জেলতা এহে।
“উটকেওয়া পেলিকোস, নাতিহা দুংজি নিওয়া টেবো কাইজিগা আসা কাবিহা হাত্রংদো তিমেপা নিও। য়োংকো লোই এনতাপা জিংওয়ারে নাকো লামতুউওয়াকো সোতারাং নিদিংয়ো।3কাবিহা ই নুওয়াংবিহা তিংমি নিও আকো সোতা নাতিহিংয়া গারানি তারোওয়া।4কা নাতিহিংপা উইদাং সময় চোইপা নুওয়াং মোয়্যইরোওয়া, আদো ইচো নুওয়াং এদাংচপা জাংকো পিচা।5কাবিকো নাইওয়া ই দিংঙাহা চুসুংমাইসুংপা স্যাসপোইওয়া দিংঙাগা। ই দিংঙাহা নাসরি তাওয়া পারাকো মাটা জিংমসা তাংসা বাসিমতিকো য়হুদিবিকো প্যাকোতা স্যাসপোইমসা তেইদিংয়ো।6ইহা দেমসাহিংনে মেংতাপা জোকো কেংদিংমি। আত্রংরাং কাবিহা ইহিংয়া প্যইমি। কাবিহা য়োংকো আপনিকো লিংপাংতা নিওয়াবেপা ইহিং দোষ তিংপাকো নোদিংমি,7[আদো সেনাপতি লুসিয়োস লেমসা সাডুংপা ইহিংয়া কাবিকোসো গিংচাপুমসা পুরাচায়ে।]8আসা কাবিহিংয়া নাকোতা ওয়াংকো তামসা খুইয়ে। নাতিমি ইহিং উইনাহা কাবিকো জাংওয়া নুওয়াং আজিপ্পারাংগা তামসা ইকোসোরাং সিদা চ্যইরোওয়া।”9দোসরা য়হুদিবিরে ই নুওয়াংহা আজিপ্পারাংগা তামসা জাংজ্রুয়ে।10টেবো কাইজিহা পাউলহিং য়্যইকো পিচানুওয়া পাউলহা এপা জাংয়ে, “কা গেমি নিও, নাতিহা উইসে লো নাগাইসো ই য়হুদি লোইকো টেবো কাইজি আসা ন্যায় জোওয়া জিংমি নিও। আকো সোতা নাকো নাগাইতা কা আপনিকো নুওয়াং য়াংতামসা জাংচাকো ছুমি নিও।11কা য়রুশালেমতা সেংজাহিং তাচাকো হোওয়া বারাদিনরোমা সিওপা মাজিংয়াংতো। ই নুওয়াংহা নাতিহা জাংতোংপারাং গেকো চুরোওয়া।12কা দেমসাতা স্যাসুওয়া হানি য়হুদিবিরে তিংমি নিও তামসা জাংমক্যইরোওয়া, আবিহা কাহিংয়া কাবিকো জোংসুওয়া সাবিতা আসা শহরতা হাংসুহিংনে স্যাসপাকো দুদুইপাওয়ারে মাতিংয়াংতো।13ই নুওয়াং ল্যামসা আবিহা কাহিং তিংপাওয়া দোষকো প্রমানরে আবিহিংপা মোতো।14আদো কা ই নুওয়াং জাংরোওয়া, হানি মুক্তি মুংচাওয়া নাতাহিং আবিহা অ্যাজ্যাপাগে তাদিংমে, আকু নাতাহিং কা নুনুই হুইপুমসা কাবিকো আটা আজাকো সেংজাহিং তাচারোওয়া আসা সেওয়া জোরোওয়া। আদো অগমবক্তাবিকো লাওয়া লিংপাংকো হিগা আসা মোসাকো পিচাওয়া তাংসা লিপাংবিতা কা দেংমগা।15কাহা ইবি ত্যাবাপা এনতাপা আসা মেংতাপা জোওয়া তাংসা দিংঙাবি সিওয়াকো নোইতা ঙারোমি তামসা আশা জোমি ত্যাবাপা কারে সেংজাকো তোইতা আশা জোমি নিও।16আকো সোতা দিংঙা আসা সেংজা নিহসোকো নাগাইতা কা আপনিকো নোওয়াহিংয়া এনতাপা একো কেংরোওয়া।17“উইসে লো পেংপুনতেনুওয়া কা আপনিকো য়হুদি আপু এবিহিং দানবি সোংকো আসা সেংজাহিং ভেটি পিচাকো য়রুশালেমতা ওয়াংমি নিমগা।18ই কাম জোদিংনুরাং আবিহা কাহিংয়া দেমসাতা দোসুয়ে। আত্রংহা কাহা চোসোপা জিংওয়া লিংপাং তাংসা জোপুনতেমি নিমি। হানি পারাবিরে কুং নুনুই মোহুইয়াংমগা আসা মেংতাপা হাংসুহিংপারে মাজিংয়াংমি।19আদো এশিয়া জায়গাবিসো লেওয়া ইচো নিহসো য়হুদিবিহা কাহিং দেমসাতা তিংয়ে, আবিবেমি কুং তোইতা মেংতাপা জাংকো নিনাহা আবিরাং নাকো নাগাইতা লেমসা জাংনেকোগা।20মোকোনাহা য়হুদিবিকো জোংসুওয়াতা কুং দোষ হাং তিংমি নিমমে, আউতা নিমবিরাং জাংপিকো।21ইচো নুওয়াংতা মেংচে আবিহা কাহিং দোষ তিংপাকো চুরোওয়া। আকুহা হাংতানাহা, ‘সিপুওয়া দিংঙা ন্যাসারাং ঙারোরোওয়া তাওয়া নুওয়াংতা কা দেংওয়াকো সোতা ইতা কু নুওয়াং জাংদিংয়ো’ তামসা কাহা সাডিংপা ঙামি নিমি।”22ফেলিকোসহা মুক্তিকো ন্যাতাকো তোইতাহা এনতাপা গেমি নিমি। এপা জিংনুওয়া আকুহা জাংয়ে, “নেহা নাবিকো সেনাপতি লুসিয়োস ওয়াংপুনতেনু মেংচে য়্যইসু জাংসুরো।”23এসে জাংপুনতেনুওয়া পেলিকোসহা ইচো ক্যাপ্টেইনহিং পাউলহিং এনতাপা একো, আদো আকুহিং ঘ্যইওয়া নুওয়াং সাওয়া ব্যারোবিহিংয়া মোয়্যইকো আসা আকুহিংয়া সিওপা সাংগ্লিবিসো মাতাইকো তামসা জাংয়ে।24সাইয়ু নিহয়ুকো নোইতা ফেলিকোসহা আপনিকো য়হুদি মে দ্রর্সিলাহিং পারামসা লেহে। আকুহা পাউলহিং মোউয়ে আসা ইশু খ্রীষ্টতা দেংওয়াকো নুওয়াং পাউলসো হিংয়ে।25আদো পাউলহা সেংজাকো জাংওয়া হিংমসা তাংজিকো কাম জোনেরোওয়া, আপনিকো তুংসিংহা আপনিকোতারাং এনতাপা এনেরোওয়া আসা সেংজাকো ন্যায় জোওয়া দিন দেপানতেয়ো তাওয়া নুওয়াং হিংপানুওয়া ফেলিকোসহা চুসুংপুমসা জাংয়ে, “তুনা, হিনিহা এসেরাং নিচাকো, নেহা নাতিহা হোপুদো ক্যাচেংরোওয়া। সাইয়ু মৌকা মুংনুওয়া নাতিহিংয়া ন্যাসারাং মোউরোওয়া।”26ফেলিকোসরে পাউলকোসো ন্যাস্যাবি মুংচাকোমে তামসা আশা জোদিংমি। আকো সোতা আকুহা পাউলহিং নেকো নেত্তা মোউমসা আকুহিংপা য়্যইসুচাংমি।27এপারাং লো নিহনিং পেংপুয়ে।
আকো নোইতা ফেলিকসকো জায়গাতাহা পার্কিয়োস ফেস্তোস তাওয়া টেবো কাইজি জিংপুয়ে। ফেলিকসহা য়হুদিবিহিং গাগ্রুপাকো পাউলহিং মাল্যাপা জেলতা এহে।
The Seed Company