Yesaya28
Ivyago ku barongozi ba Efurayimu na Yuda
1Ubonye ibara wa rugori rw’ubwibone imborerwa za Efurayimu zineganegana,ubwiza bukayangana bwawe bubaye nk’ishurwe rikabiranye,riri ku mutwe w’ikiyaya kimera cane,igisagara ari co bwibone bw’abagwishwa hasi n’umuvinyu!2Ehe raba Imana yifitiye umunyenkomezi w’intwari.Imeze nk’urubura canke igihuhusi gisambura,nk’imyuzure isendanisha.Izobakubitisha hasi inkomezi nyishi.3Maze urugori rw’ubwibone imborerwa za Efurayimu zineganegana,ruzohonyangirwa hasi.4Iryo shurwe rikabiranye, ryahorana ubwiza n’icubahiro,riri ku mutwe w’ikiyaya kimera cane,rizomera nk’insukoni zihishiye imbere y’iyimbura.Iyo abantu bazibonye, baca bazamura,bakazitamira.5Kuri uwo musi Uhoraho Mushoboravyoseazoba urugori rw’ubwiza bwinshi,urugori rwizaku masigarira y’ubwoko bwiwe.6Azobera impwemu y’ukugororokauwicaye aca imanza,yongere abere isoko ry’inkomeziabasubiza urugamba inyuma y’amarembo.7Ariko Isirayeli na we adandabagiranishwa n’umuvinyu,ibiboreza biramuzungagije.Abaherezi n’abavugishwa badandabagiranishijwe n’ibiboreza,bazengerejwe n’umuvinyu,bazungagijwe n’inzoga.Iyo bariko barerekwa inzozi baradandabagirana,bagatsitagurika iyo bafata ingingo.8Imeza zabo zuzuyeko ivyo badashwe,umwanda ukwiragiye hose.9Barabazanya bati: “Mbega Yesaya yigira iki mu kugerageza kutwigisha?Ni ba nde ariko arabwira ayo majambo yiwe?Tubaye abana bagicuka,canke bakiva kw’ibere rya ba nyina?10Kuko ivyiwe ari:Kora ibi, kora birya,itegeko ry’iki ni iri, itegeko rya kirya ni rirya;dukeya aha, dukeya harya.”11Aho ni vyiza ko biri uko, akanwa k’abanyamahanga, n’indimi zitazwini vyo Imana izovuganiramwo n’aba bantu.12Abo yari yarababwiye ati:“Iki ni co kibanza co kuruhukiramwo, abarushe nibaruhuke”;kandi ati: “Ubu ni bwo buruhukiro;”ariko ntibamwumviye.13Ni co gituma kuri bo, ijambo ry’Uhoraho ryahindutse, rizoba:kora ibi, kora birya,itegeko ni iri kuri iki, ni iri kuri kirya,dukeya aha, dukeya haryakugira ngo nibatambuka bagwire umugongo,bakomereke, bagwe mu mutego maze bafatwe.14None rero mwumve ijambo ry’Uhoraho mwa bacokoranyi mwe,muganje i Yerusalemu.15Mwirata muvuga muti: “Twagiranye isezerano n’urupfu,kandi imva twarumvikanye.Icago gikukumura nicahaca,ntikizodushikako,kuko twarironkeye ubuhungiro mu binyoma,ububeshi ni bwo bwihisho bwacu.”16None rero uku ni ko Uhoraho Nyeninganji avuze:“Raba ndashira ibuye i Siyoni, ibuye ryageragejwe,ibuye ry’igiciro rigumya imfuruka.Uwuryizerantazokwigera anyiganyiga.17Guca imanza zibereye ni vyo nzogira igipimo;kandi ubugororotsi ni bwo nzogira karishourubura ruzosambura ubuhungiro bwanyu, ari vyo binyoma,kandi amazi azokwuzura ubwihisho bwanyu.18Isezerano mwagiraniye n’urupfu rizokurwaho;umwumvikano mwumvikanye n’imva ntuzoramba.Umwuzure ukomeye niwahaca,uzobakubita hasi.19Uwo mwuzure, uko uje kwose, uzokwama ubatwara,uko bukeye, ku murango no mw’ijorouzobatwara.”Kandi gutahura ubu butumwabizobatera guhinda agashitsi kenshi.20Uburiri ni bugufi, ntimuzoronka aho murambiriza,n’uburengeti ni buto, ntimushobora kubwipfuka ngo bubakwire.21Uhoraho azohaguruka nk’uko yahagurutse ku musozi Perazimu,arake nk’uko yarakiye ikiyaya c’i Gibeyoni,akore igikorwa ciwe c’agatangaza,igikorwa kitamenyerewe.22Nuko rero nimugeze ngaho ugushinyagura kwanyu,ahandi hoho ibihano birongerekana.Kuko Uhoraho Mushoboravyose yambwiye ivy’agatikizo,ako yateguriye igihugu cose.23Nimuntege amatwi munyumve,nimwumvirize ivyo ndiko ndavuga.24Mbega umurimyi iyo ariko ararima aho agomba guteragira,yama ariko ararima gusa?Yama ariko ararima ategura ubusize?25Iyo amaze gutegura neza aho yarimye,ntaheza akamija imbuto, akabiba izitwa kumino,akabiba ingano mu kibanza cazo,akabiba izitwa sayiri uko zibibwa,akabiba n’izitwa kusemati uko zibibwa?26Imana yiwe ni yo imwigishaikamwereka ingene abikora neza.27Uburo ntibabusekuza umuhini usongoye,kumino ntibazisekuza ibigata vy’imikogoteUburo bakabukubitisha ikibano,kumino bakayikubitisha inkoni.28Ingano barazisya bakazicumbamwo umutsima.Nta muntu yama ariko arazisya adaheza.Amapine y’umukogote usekura yoshobora gukoreshwa,ariko nta wukoresha ifarasi mu gusekura ingano.29Ubwo bumenyi bwose buva k’Uhoraho Mushoboravyose,we mujenama w’igitangaza,n’ubwenge bw’agahebuza.Biblica, Inc.