Meng Klo3
1Iak-e khe mawk rah kowi ang kowh klanguüa kowi ang prüa khai.Nachenganchepaw aia dow uang dowi chekhai.2Kawmat awr rü hanow ang kowh klanguüa kowi marow kowi krawi cham kown mih ang ka tuak khai,marow kowi kowh tiama towng hai viadawng kowi krawi cham kown mih ang ka tuak khai.Now aia kowi dow cham paw ang krawi cham khowk chowdiah.Nachenganchepaw aia kowi ang krum dowi chekhai.3Ang kowi dow marow kowi kowh kangchawng miuüa krawi len khe khita ang khai.Nakhowk khe amatni kowi ang lüntaah mih, “Ang kowh klanguüa kowi enni khi tak bow?” pakhai.4Nami laiklow chur klowpchow now ang kowh klanguüa kowi ang khita khai!Aia kowi dow au kowh kim lak kowi uang pawla dowi mowr ang plawtah dowi,aia kowi dow ang uang penla mih kim lak kowi ang uang pawla khai.5Aw Jerusalem masiuüa, ngahiu hai dowm kowi kowh naki ming rükla se ang tek khowk,akhin taka dowi mowr dow hang cham tanau büa diah.6Süngrüp süngkangma hownia maikhük iowng chunglung mih iawng uaimang mih mia chow?Paingbawng hai nam iungma mih chap maten hown uaimang mih mia chow?7Mü diah! Paimi dow mang Sawlawmawn kowh masi pawk müa kim cha chekhai!Nami masi pawk müa kim cha riaret kowi dow tasen kiakma mih siphai uowi 60 ia chekhai,amatni dow Israel pren kowi kowh tasen kiakma miuüa chekhai.8Amatni tut-e dow saidawng uowi bowk chekhai,amatni dow tasen kiakma kangowh chekhai.Amatni dow kelang kowi saidawng suama kangowh chekhai,iak-e maru ngak nauang sen pami rakowi amatni dow kamrütma uowi reng chekhai.9Nami kim cha dow aia vüi mang Sawlawmawn thawpah mih chekhai.Nami dow Lebanawn hungh kowi kowh sidar singh hown aia thawpah mih chekhai.10Nami masi pawk müa kim cha khawk dow tai hown aia thawpah khai,now aluk dow kuh hown aia thawpah khai.Nakowi kowh chowm rah dow mintau pau rawng uanh hown aia dauah khai.Jerusalem malauüa dow aia kowi naukhi-ah khai.Naiawng rakowi amatni dow nami kim chah lak kowi krawi thawp pe bawng khai.11Aw Zaiawn chamauüa, uang lawt büa diah,mang lukruk krukma mang Sawlawmawn uowi mih mü büa diah.Nami mang lukruk dow a-u kruk pe mih chekhai.Nami dow aia paw masi khe hai piaw khe kowh a-u kruk pe mih chekhai.
The Seed Company