Meng Klo2
1Ang dow Sarawn pami arah kowi kowh paingbawng pau iawng chekhai,ang dow lawngrawi kowi kowh awr thar mih lili pau iawng chekhai.2Ang kowh manau dow chuh mung kowi kowh awr pau mih lili pau iawng chekhai,aia dow malauüa pungmadawng kowi kowh lang klangiung mih chekhai.3Ang kowh manau dow kaurawng kowi kowh singh pungmadawng kowi apel singh iawng chekhai,aia dow klanguüa pungmadawng kowi kowh lang klangiung mih chekhai.Ang dow aia kowh klim kowi piaw reng chekhai,aia kowh sakraura uih dow ang tut-e lainowmma ding chekhai.4Aia dow hawm chakra kim lak kowi pawla ang khai,now aia naukhi ang mih dow maru akawmma pur kowi phuangah khai.5Grep uih keu pe cha ang hanow pe ang kür diah,Apel uih pe cha ang hanow kow khawtma chang ang diah.Tawngplawng kowchow panow ang dow naukhi en lai bowt kowh kow uak khai bowt.6Aia kowh lakuai rut kowi dow ang nüa lu khai,now hawmlawm rut hown dow aia dawi ang khai.7Aw Jerusalem masiuüa, ngahiu hai dowm kowi kowh naki ming rükla se ang tek khowk,akhin taka dowi mowr dow hang cham tanau büa diah.8Ang kowh klanguüa uaimang mih klow hawt sünta büa diah,aia dow hungma mawngma luk iawng tapowrla dowklowk se uang haimang khowk.9Ang kowh klanguüa dow ngahiu hai naki chah iawng akürma chekhai.Aia dow tap khung kowi iowng downglowng khai.Aia dow tawngpawk hownia haimü ang khai,aia dow tawngpawk kua hownia ku rua ang khai.10Ang kowh manau tek ang mih, “Ang kowh manau ow, rü bowt.Klangiung ow, ang tut-e uang tawi bowt.11Mü diah, chungrau khin prowng khai bowt,now siadawng khin paw towng khai bowt.12Dowm kowi pau uang awr thar khai bowt,uakling uaber hawmh kowh meng tek khin paw uang ting khai bowt.Kaurawng uatur laiklow paw anging pren kowi ta khai bowt.13Uidut singh kowi uidut uih khai bowt,grep ruih kowi kowh pau nam krawi tauet khai bowt.Aw ang kowh manau, awr rü bowt,klangiung ow, ang tut-e uang tawi bowt,” pakhai.14Aw ang kowh uatur, en dow hungh takra kowi tapet khai;en kowh lumowr tüng ang diah,en kowh klow uang pe ta ang diah.Tawngplawng kowchow panow en kowh kraw dow lainowmma iung khai,now en kowh powm paw lainowmma klangiung chekhai.15Nami brenkhui kowi khüm büa diah,now nami brenkhui chauüa kowi paw khüm büa diah.Tawngplawng kowchow panow naiawngün dow krawi piak grep krum khai;anging kowh grep krum kowi grep pau chen kla thüm khowk.16Ang kowh klanguüa dow ang kowh chekhai,ang dow aia kowh malauüa chekhai.Aia dow lili pau dawng kowi krawi mang khai.17Aw ang kowh klanguüa, ang tut-e uang plan bowt,hungh luk kowi kowh ngahiu hai naki chah iawng uang plan bowt.Uar thowi dowi mowr ang re-e tawi uowila ang diah.
The Seed Company