Meng Klo4
1Aw ang kowh manau, en klangiung lai kowbow!en dow lainowmma klangiung khai.Lumowr khu müa uan takra kowi en kowh mik mih uatur iawng klangiungma chekhai,en kowh sam dawng krang dow Gilead süng hownia kowh uang dowm mih rua hawmh iawng chekhai.2En kowh iüngün dow ki kepla pawi kowhuang mang tuiluk mih ruapurma iawng akawma chekhai.Amatni kowh dow achum uowi bowk chekhai,lowkchow paw tama dowi chekhai.3En kowh ve dow aringma mih la iang iawng aringma chekhai,en kowh nawr dow lainowmma klangiung chekhai.Lumowr khu müa uan takra kowi en kowh awm mih dalim uih pra iawng aringma chekhai.4En kowh ngawng dow mang David kowh kimkrowng iawng klangiungma chekhai;nami dow kimkrowng lak kowi kowh siphaiuüa kowh kawngma tabat 1,000 klüng mih iawng chekhai.5En kowh downgprang chak dow lainowmma klangiung chekhai.Nami dow lili pau khang kowi kowh ngahiu chah phir taw mih iawng chekhai.6Uar thowi dowi mowr dow nam iungma mih hungh kowi ang kowkowi kown,now aiiu powt dowi mowr dow maikhük kangowh mih hungh kowi ang nauowi kown.7Aw ang kowh manau, en kowh dow kow ru klangiungma chekhai,en dow amün ama uowi dowi chekhai.8Aw ang kowh masi, Lebanawn hownia ang tut-e uang bowt,Lebanawn hungh hownia ang tut-e uang plan bowt.Amana hungh chut hownia ang tut-e uang dowm bowt,now Senir hai Hermawn hungh hownia ang tut-e uang dowm bowt.Krangsi khawng hownia ang tut-e uang bowt,now pri rengchow uowi rah hownia ang tut-e uang bowt.9Aw ang kowh malauüa, ang kowh masi, en dow pawta ang sak khai;en kowh mik mük hai en kowh kuh leng hown en rupta ang sak khai.10Aw ang kowh malauüa, ang kowh masi, en kowh sakraura dow pe piaw ang khai.En kowh sakraura dow grep tui lak-e paw lang iung khai,nam iungma mih chap maten lak-e paw en dow lang nam iung chekhai.11Aw ang kowh masi, en kowh ve dow kuai tui iawng adingma chekhai,en dai krüa kowi dow kuai tui hai iawn tui uowi mih iawng chekhai.En kowh tawnguat nam dow Lebanawn hungh kowi kowh sidar singh nam iawng chekhai.12Aw ang kowh malauüa, ang kowh masi,en dow tap tapat lut mih bakan iawng chekhai.En dow pitta hüah mih tuikuam iawng chekhai,en dow owngta hüah mih mrawng tui iawng chekhai.13En dow klangiungma mih dalim bakan iawng chekhai;nakowi dow aiung aiungma mih uih-ak uowi chekhai,now chapan singh hai nam iungma mih ruih paw uowi chekhai.14Nami klen kowi nakowi dow nam iungma mih maikhük towk müa singh chap paw uowi bowk chekhai,naiawngün dow naingsa singh, than singh, pruk singh hai singh ding singh chekhai.Nami klen kowi paw nam iungma mih sau singh, sasua singh hai nam iung mih singh chap maten paw uowi bowk chekhai.15En dow bakan kowi kowh tuikuam iawng chekhai,en dow tui awr ue phunglung mih tuikuam iawng chekhai.En dow Lebanawn hownia kowh uang hawr mih tui iawng chekhai.16Aw tawngphak hai mrawkphak li, uang diah,ang kowh bakan luk kowi uang krawi uang diah.Nahanow nami bakan kowi kowh uih nam dow nakrawi tauet kown towbowt.Ang kowh klanguüa ow, en kowh bakan kowi uang bowt,now nakowi kowh uih lang iung mih uang krawi tang bowt.
The Seed Company