Meng Lai75
Mami dow Asaf kowh meng chekhai. Mami meng dow “Hangkow piak diah” pami meng owi iawng natekah kown takla.
1Aw Thurai, anging tek en awmrawm lai reng.Tawngplawng kowchow panow en dow anging hown atawnchow uowi reng,anging dow en kowh awdara lup lawnguan krawi phuang reng chekhai.2En tek mih, “Tara chet khin ang khowm bowkta khowk,anowmma hai ang nauang chet tara kown.3Lusa chü nurlur khe lusa maru dow lainowmma kram chekhai.Nami khin khe lusa chüng town mih dow ang chowtaih. [Sela]4“Bawrima miuüa kowi ang tek pe mih, ‘Hang chang bawri büah,’ pakhai.Now maru ngakuüa kowi ang tek pe mih, ‘Hang tanü büa diah.5Hang chang bawri büah naknak diah,hang chang owrow büa diah,’ pape khai” pakhai.6Tara chet mih dow satlawt hai satkup hownia uang dowi tham,now süngrüp süngkangma hownia paw amiapaw uang dowi tham.7Tara chet miia dow Thurai chowtaih chekhai;aia chowtaih mia chow awng mih hai mia chow sum mih naphuang kown.8Aia rut kowi dow rak tui atekma mih bia uowi lowk chekhai,nami arak pawp chualua mih dow Thurai kowh kunmaraura chekhai.Nami arak dow lusa kowi aia nauang iu khükah kown.Nami dow maru ngakuüa maten mih achir pat nakhamta kown.9Nachenganchepaw ang dow chowngchowng saksakma en lawnguan nakrawi phuang kown,Jakawb kowh Thurai vüi ang natek rowsi meng reng kown.10Thurai tek mih, “Maru ngakuüa kowh kür mih ang napiakta pe kown.Tawkche achinawmma miuüa kowi dow ang nahu pe kür ngamlam kown,” pakhai.The Seed Company