Meng Lai74
Asaf kowh meng.
1Aw Thurai, chowngchowng saksakma vüi tawngplawng kowchow en nuata anging khai?En kowh maru-uüa luk kowi tawngplawng kowchow naiawng khowt en tuk kunmarauah khai?2En kowh maru en nachangla kownkow achük alai khe kowh en lang kloah miuüa lawnguan sam tuak madiah,nar lup changra hownia en uang klanla mih en kowh krungchakuüa lawnguan sam tuak madiah;en changla en matia uowi rah mih Zaiawn hungh lawnguan sam tuak madiah.3Apiaknama mih en kowh chimsaima mih arah kowi uang krawi len madiah,nami arah kowi kowh uanh maten ransu-uüa piakta nak khowk chekhai.4Nami arah kowi dow en hown anging takrum reng chowdiah;nami arah kowi dow awng khe kowh iawng ransu-uüa krawi how sawmlawm khai,now amatni awng mih amatra natüngla kownkow krawi ruang tamkhuown büah khai.5Amatni dow singh krip miuüa iawng chekhai,amatni dow marek hown kaurawng kowi krawi krip singh miuüa iawng chekhai.6Amatni dow Thurai chup kim kowi kowh singh hown kowh thawpah mih uanh ün krawi piakta khai,naiawngün uanh dow marek hai matul hown krawi piakta büah khai.7Amatni dow en kowh chimsaima mih arah mih towkah khai,amatni dow nami en kowh uowi rah mih kaah tawng dowi pat sürlawkah büah khai.8Sakdawng kowi tek büah mih, “Kowbüah kowi asaima a-i napiakta kown,” pakhai.Amatni dow en hown kowh anging takua talawmla mih rah krawi towkta bowk khai.9Anging vüi kowi tawng iawng mih awdara lup paw chang mih anging khi dowi bowt chekhai;risiuüa uowi dowi bowt rakowi mün ni tak chow naiawng naown kown mih anging tuk dowi chekhai.10Aw Thurai, mün ni tak chow ransu-uüa prawngren anging kown?Chowngchowng saksakma bow en ming kowi ransu-uüa nü dowi klowk dowi kown?11Tawngplawng kowchow en kowh hawmlawm rut akürma mih en plan kawpta khai?En kowh rut akürma mih laiah hanow amatni kowi asaima uang chumta bowt.12Aw Thurai, alai hownia en dow anging kowh Mang chekhai,en dow mami lusa kowi lawngra lup en uang tüng anging reng chekhai.13En kowh kür hown sata tui mih en changah pre bak khai;sata kowi kowh rua mang lu mih en dita pe naknak khai.14Leviathan kowh lu dita pe naknak mih paw en chowtaih,now aia kowh buk dow süngrüp süngkangma kowi kowh asaduauüa kowi en pe chaah khai.15Krawng dawng tui hai awchawng tui hawr rah tia en thawp pe khai;alai hownia kowh hawr klunglung mih aw en pe kangah khai.16Ni paw en kowh chekhai, now uar paw en kowh chekhai;krek, lama hai sat paw en thawpah mih chekhai.17Lusa kowi kowh rihi maten en khowm bowkah mih chekhai;chungrau khin hai satma khin paw en towah mih chekhai.18Aw CHAKRAMANG, ransu-uüa prawngren en mih hangkow tamata diah,prengia uowi dowi miuüa dow en ming kowi nü dowi klowk dowi chekhai.19En kowh ngarema mih maru-uüa kowi kaurawng uaramchak rut kowi hangkow ap-ah diah,nowng changra kowi uowi mih en maru-uüa kowi chowngchowng saksakma hangkow tamata diah.20En kowh sangbowk laitawm laiklow ka tuakah diah;tawngplawng kowchow panow pren kowi dow nowng chang powng chang kangowh towbowt;aiiuma mih arah kowi dow nowng chang powng mih atekma towbowt chekhai.21Nowng changra kowi uowi miuüa kowi tawmpa rukrai hauang pe planah diah;ngarawng ngaraima miuüa hai akhowng takla miuüa kowi en ming kowi pe rowsiah diah.22Aw Thurai, en kowh anowm mih tungah diah,ni chut chi abualama miuüa khare en mih lawnguan hangkow tamata diah.23En kowh ransu-uüa dow atungma hing kingküata en hüah khai,nami kingküa klow mih mapaw hangkow tamata diah.The Seed Company