Meng Lai76
Mami dow Asaf kowh meng chekhai. Mami meng dow aiang uowi mih tünteu chang müa hown natekah kown mih chekhai.
1Juda chenchapuüa dow Thurai lawnguan tuk bowk chekhai;aia ming dow Israel chenchapuüa tut-e kri kraingma chekhai.2Aia kowh taklowp taklangra te dow Jerusalem marow kowi chekhai,now aia kowh uowi rah dow Zaiawn hungh kowi chekhai.3Aia dow nakowi ransu-uüa kowh tawk pluplup mih salangba sek klowkta pe bowk khai,now amatni kowh kawngma, saidawng hai tasen müa uanh maten piakta pe khai. [Sela]4Aw Thurai, en dow lainowmma kri kraing chekhai;ki senla ransu kowh hungh hownia uang plan mih mang iawngen dow kri kraingma chekhai.5Sakkraingma mih ransu siphaiuüa kowh dawngthawnguan dow pawta pe bowk khai;amatni dow müi mih iawng kowng kowh tamawngla klip towbowt,now amatni kowh rut dow tawngpaw kaah atawng dowi bowt chekhai.6Aw Jakawb kowh Thurai, kawrnga hai kawrnga kari te miuüa kowng khai bowt;amatni dow en nangah rakowi kowng kowh müi mih iawng takuakla kun towbowt.7Aw anging kowh Thurai, en dow lainowmma kramra uowi chekhai,en kunmarau mih khin khe amiapaw en pur kowi nowng iowng dowi chekhai.8En chetah mih tara dow mukuang pren hownia en iu phuangah reng.Aw Thurai, chang ngak miuüa kowi ripah kownkow en awr rü khe,now khamsum khamdaw miuüa kowi natowkala kownkow en awr rü khe,lusa kowi kowh uowi miuüa mih kram kowh ririmma uowi reng chekhai. [Sela]10En kunmarauah miuüa kowi en ripah mih khin khe en maru-uüa dow narowsi en kown,now ta sing uowi miuüa dow en rowsi pawi khe nachupiia en kown.11CHAKRAMANG enni kowh Thurai tut-e takham büa diah,now enni takhamta mih iawng chang büa diah.CHAKRAMANG dow kramra uowima chekhai,ariaret kowi kowh uowi mih maten aia vüi uang pawla pe awmrawm sung diah.12Kruitown miuüa kowh bawrira rimta pe mih dow aia chowtaih,palusama kowi kowh manguüa khowm aia kowi kram reng chekhai.The Seed Company