Meng Lai3
Aia chapa Absalawm hownia powt khe kowh mang David kowh meng.
1Aw CHAKRAMANG, ang ransu-uüa kawm krang mü madiah,kingküa ang mih maru mün khowt chow hu mih sam mü madiah.2Maru kawmuüa ang lawnguan kowi tek mih,“Aia kowi Thurai lawngah kown nadowi bowt,” pakhai. [Sela]3Nachenganchepaw aw CHAKRAMANG, en dow ang kowh kawngma chekhai,en pe awng ang hanow ringkawra dow en pe ang khai.4Aw CHAKRAMANG, atünma ang haw en khai,en kowh hungh chimsaima mih hownia en uang klang ang khai. [Sela]5Ang müi chepaw ang plan rü khai.Tawngplawng kowchow panow en khet ang reng chekhai.6Athawng aiawng mih ransu-uüa dow umta ang lut khai.Nachenganchepaw ang kramah dowi chekhai.7Aw CHAKRAMANG, uang now uang lawng ang diah,ang ransu-uüa kowh kammow hown iüng dow uang letta pe diah.8Lawngra lup dow CHAKRAMANG kowh chekhai,en prasi dow en maru-uüa luk kowi pacham uang ting lah. [Sela]The Seed Company