Meng Lai4
Mami dow David kowh meng chekhai. Mami meng dow aiang uowi mih tünteu chang müa hown tekah kown mih chekhai.
1Aw ang kowh tachi tanawmra CHAKRAMANG, ang haw en khe uang klang ang diah,en low iawng ang uowi pami en tüng ang reng chekhai.Ang kla phih khe en uang khowng ang khai.Saksing sana ang diah, now ang awr lü mih hawt sünta ang diah.2Aw lusa maru, mün ni tak chow enni ringkaw ang dowi kown?Mün ni tak chow dai lai kowi enni ngown hai nakrawi cham kown?3CHAKRAMANG mih aia kowi sakrau miuüa kowi aia vüi lang krata hüah khowk,ang hawah hanow aia mih nasünta ang kown pami tukah büa reng diah.4Enni kunmarau chepaw hangkow changla angak büa diah,phangbek kowi mawk se ririmma paw tuak phülü diah.5Achinawmma mih saktuak hown chang phuchua büa diah,CHAKRAMANG luk kowi neplawng nesak reng büa diah.6Tawngbak mih maru tek mih, “Mia chow nowng pe anging iungra kown?” pakhai.Aw CHAKRAMANG, en kowh sanara dow anowi iawng anging luk kowi pauang uowi lah.7Luprak hai grep tui sar ahuma ka hanow maru awmrawm reng chekhai,nami lak-e awmrawmra hu ang sak kowi en pe ang khai.8Aw CHAKRAMANG, en chowtaih kramra uowi dowi iawng tow ang reng.Naiawng rakowi ang mawk hanow thaulangma ang nowng müi reng chekhai.The Seed Company