Meng Lai2
1Tawngplawng kowchow chenchapuüa tuk kunmarau urlur khai?Tawngplawng kowchow mrawkra uowi dowi mih sangkrangra ngak enni tuk chang khai?2Lusa manguüa mih CHAKRAMANG hai aia nümnapah mih mang kowi kingküaah khai,pren kruitown miuüa maten paw kukpa kukpa cham talawp talai khai.3Amatni tatek mih, “Chu, kowiüah kowh lawngha leng a-i raita pe bowt lah,kowiüah tawmla a-i mih leng a-i pratta bowt lah,” pakhai.4Nami khi hanow CHAKRAMANG dow aia mang chowm rah hownia iu renah khai,aia dow amatni sangkrangta mih lawnguan kowi mukuang hownia iu changla rensi khai.5Aia dow amatni luk kowi mapaw sak-ih dowi rakowi naiu nangah kown,maih iawng lün pluplup mih aia kowh kunmaraura hown nape takrow takraiah kown.6CHAKRAMANG natek kown mih, “Ang kowh mang kowi dow ang khowm bowkta khowk,aia kowi dow ang kowh chimsaima mih Zaiawn hungh kowi ang towta khowk,” pakhai.7Nami mang natek kown mih, “CHAKRAMANG kamrütta khowk mih ang naphuang kown;aia tek ang mih, ‘Ang chapa chowbowt en; ani hownia now en pa chowbowt ang.8En nau mih sia ang tut-e lü diah;nahanow en nachangla dawngthawnguan kownkow chenchap maten ang nape en kown,palusama kowi kowh maru maten dow en low kowi ang nape uowiah bowk kown.9Amatni kowi dow lawngha klowk hown en nahupah kown,amatni kowi dow bawn kawng teu iawng en nadita nak kown,’ pah ang khai,” pakhai.10Naiawng rakowi manguüa low, chanlaima hown uowiah büa diah,lusa kowi kowh kruitown miuüa low, uowiah kaneu büa diah.11Ringkawma hown CHAKRAMANG kowi chupiia büa diah,piaw chepaw sakdawng hownia aia kowi kramla büa diah.12CHAKRAMANG kowh chapa kowi ringkawah büa reng diah,nadowi now aia nasak-ih enni kown nadowi.Now enni changah mih lup rakowi enni napiak kown chekhai.Tawngplawng kowchow panow aia dow linlanma nakunmarau enni chepaw naia kown.Nachenganchepaw aia tut-e tatung tanim mih maru dow prasira uowima chekhai.
The Seed Company