Tara chet miuüa15
1Akung kowi püm ngen khin khe pawla rua chah apum hanow Simsawn mih kowmü amasi khai. Amasi kim kowi kowting khe Simsawn tek pe a-pu mih, “Ang masi kim lak kowi ang kowkup kown chaw,” pakhai. Nachenganchepaw aia kowi dow amasi kim lak kowi a-pu pe kupah dowi chekhai.2A-pu tek pe mih, “Ang ka tuak mih ang chama kowi en sui mih nowm khowk snü. Naiawng rakowi aia kowi dow iuala en mih en auiua lowk ia mih hown ang pe tachawngta tüng khowk. Nachenganchepaw anaumow uowi lowk ia tak. Anaumow dow aia lak-e lang klangiung. Anaumow kowi en paw towbowt,” pape khai.3Nakhowk khe Simsawn tek mih, “Khaleng dow Filistinuüa kowi ang piakah chepaw ang kowh aprek nauowi kown nadowi bowt,” pakhai.4Naiawng tekla kung kowi lawt hanow aia dow cham khüm brenkhui 300 pum khai. Now naiawngün brenkhui maten kowi achum achumchow amai lala sükah now adawnglang kowi aia tap pe maitawng lowk chi khai.5Nami kung kowi dow maitawng maten kowi chan pe maih now Filistinuüa kowh laih kowi aia lawtta pe iua khai. Nami maih dow Filistinuüa kowh cha ngen ia hown ngenah dowi tak mih cha hai kanrawn khang ün kamta pe bowk khai.6Nami khita now Filistinuüa tek mih, “Naiawng mih lup mia chow chang?” pakhai.
Nakhowk khe maru tek pe mih, “Timna kowh mawkchow Simsawn tiah naiawng chang. Amasi kowi a-auiua hown a-pu pe tachawngta tüng kowh chowbowt naiawng Simsawn chang mih,” pakhai. Nami tata hanow Filistinuüa mih Simsawn masi hai a-pu kowi maih kowi nawmah khai.7Nakhowk khe Simsawn tek pe mih, “Naiawng enni chang mih klai ang sat enni dowi kowi mapaw ang nalawt enni kown nadowi,” pakhai.8Now Simsawn mih mapaw sanaah dowi kowi Filistinuüa kowi krawi saiah khai, now Filistinuüa dow akawmma kowng khai. Nami kung kowi dow aia mih Etam huamang kowi kowh puk kowi kowtapet khai.9Nakhowk khe Filistinuüa mih uangah now Juda krungchakuüa kowh süng kowi uang khup tangbung khai, now Lehi marow kowi rumah büah khai.10Nakhowk khe Juda krungchakuüa lüntaah mih, “Tawngplawng kowchow nasen anging kownkow enni uang tuk uang khai?” pakhai.
Now Filistinuüa klangah mih, “Simsawn kowi khümla now napawla kownkow anging uang mih taih. Aia chang anging iawng aia luk kowi paw anging nachangah kown,” pakhai.11Nakhowk khe Juda krungchak hownia maru iun 3,000 ia mih Etam huamang kowi kowh puk re-e kowkowi khai. Now Simsawn kowi kowtek pe büah mih, “Filistinuüa nimkrüa kowi a-i uowi mih en tuk dowi bow? Tawngplawng kowchow naiawng en tuk chang anging khai?” pakhai.
Nakhowk khe Simsawn klangah mih, “Amatni chang ang iawng amatni kowi ang changah mih taih,” pape khai.12Nakhowk khe kowbüah tek pe Simsawn mih, “Natawmla en hanow Filistinuüa tut-e napawla en kownkow anging uang mih chaw,” pakhai.
Now Simsawn klangah mih, “Naiawng now enni matia sai ang dowi kown mih ang tut-e rik kham sawi büa diah,” pape khai.13Nakhowk khe Simsawn kowi kowbüah klangah mih, “Mapaw anging sai en dowi tham; natawmla en hanow Filistinuüa rut kowi anging naap en krowngchow kown taih,” pakhai. Naiawng ki tatek büah kung kowi dow leng sar pre buk hown Simsawn kowi tawmah büah khai, now puk hownia iu dowmla büah khai.14Now Lehi marow re-e kowting büah khe Filistinuüa mih howla sawmlawm se Simsawn prakowi uang haimang khai. Nami khin khe Simsawn luk kowi CHAKRAMANG kowh lümla mih uang ting hanow Simsawn dow akürma uang phaw khai. Nahanow aia bawng kowi kowh tawmla mih leng dow chida kam khe kowh iawng abün chow uang phaw hanow dowh khai.15Nami khin khe aia dow kawrngaramchük kammow hut ka lowk khai. Nami kammow hut hown aia dow maru iun 1,000 ia kowi saita khai.16Nakhowk khe Simsawn mih maiawng tek meng khai,
“Kawrngaramchük kammow lowk hown amatni kowi dow amawngma ang changah khai;kawrngaramchük kammow lowk hown athawng aiawng maru kowng khai,” pakhai.17Naiawng ki tek meng kung kowi kawrngaramchük kammow dow aia kuakta khai. Now nami re-e kowh arah ming dow Ramat Lehi pahai aia chap pe khai. Nami auan dow “Kammow Hungh” pami chekhai.18Nami kung kowi dow Simsawn mih lainowmma tui sakkrai khai. Naiawng rakowi aia dow chup Thurai khai. Aia tek mih, “Aw CHAKRAMANG, en nar kowi awngra iukma en peah khai. Nachenganchepaw kawmat dow tui sakkrai hown maiawngün hiah khampha uanpik dowi mih chenchap tut-e ang kowng natakla kown chekhai bow?” pakhai.19Nakhowk khe CHAKRAMANG mih Lehi marow re-e iu uow pe tuikuam lowk khai, now nami tuikuam hownia mih tui uang lawt iualua khai. Nami tui khamta hanow Simsawn dow plan ka kür khai iawk. Naiawng rakowi nami tuikuam ming dow En-Hakawre pahai aia chap pe khai. Nami auan dow “Chup Thurai mih kowh Tuikuam” pami chekhai. Nami tuikuam dow kawmat paw Lehi marow kowi uowi reng chekhai.20Filistinuüa nimkrüa kowi uowi büah mih khin khe 20 ning mowr amatni Israeluüa kowi Simsawn kruitownah khai.
Nakhowk khe maru tek pe mih, “Timna kowh mawkchow Simsawn tiah naiawng chang. Amasi kowi a-auiua hown a-pu pe tachawngta tüng kowh chowbowt naiawng Simsawn chang mih,” pakhai. Nami tata hanow Filistinuüa mih Simsawn masi hai a-pu kowi maih kowi nawmah khai.7Nakhowk khe Simsawn tek pe mih, “Naiawng enni chang mih klai ang sat enni dowi kowi mapaw ang nalawt enni kown nadowi,” pakhai.8Now Simsawn mih mapaw sanaah dowi kowi Filistinuüa kowi krawi saiah khai, now Filistinuüa dow akawmma kowng khai. Nami kung kowi dow aia mih Etam huamang kowi kowh puk kowi kowtapet khai.9Nakhowk khe Filistinuüa mih uangah now Juda krungchakuüa kowh süng kowi uang khup tangbung khai, now Lehi marow kowi rumah büah khai.10Nakhowk khe Juda krungchakuüa lüntaah mih, “Tawngplawng kowchow nasen anging kownkow enni uang tuk uang khai?” pakhai.
Now Filistinuüa klangah mih, “Simsawn kowi khümla now napawla kownkow anging uang mih taih. Aia chang anging iawng aia luk kowi paw anging nachangah kown,” pakhai.11Nakhowk khe Juda krungchak hownia maru iun 3,000 ia mih Etam huamang kowi kowh puk re-e kowkowi khai. Now Simsawn kowi kowtek pe büah mih, “Filistinuüa nimkrüa kowi a-i uowi mih en tuk dowi bow? Tawngplawng kowchow naiawng en tuk chang anging khai?” pakhai.
Nakhowk khe Simsawn klangah mih, “Amatni chang ang iawng amatni kowi ang changah mih taih,” pape khai.12Nakhowk khe kowbüah tek pe Simsawn mih, “Natawmla en hanow Filistinuüa tut-e napawla en kownkow anging uang mih chaw,” pakhai.
Now Simsawn klangah mih, “Naiawng now enni matia sai ang dowi kown mih ang tut-e rik kham sawi büa diah,” pape khai.13Nakhowk khe Simsawn kowi kowbüah klangah mih, “Mapaw anging sai en dowi tham; natawmla en hanow Filistinuüa rut kowi anging naap en krowngchow kown taih,” pakhai. Naiawng ki tatek büah kung kowi dow leng sar pre buk hown Simsawn kowi tawmah büah khai, now puk hownia iu dowmla büah khai.14Now Lehi marow re-e kowting büah khe Filistinuüa mih howla sawmlawm se Simsawn prakowi uang haimang khai. Nami khin khe Simsawn luk kowi CHAKRAMANG kowh lümla mih uang ting hanow Simsawn dow akürma uang phaw khai. Nahanow aia bawng kowi kowh tawmla mih leng dow chida kam khe kowh iawng abün chow uang phaw hanow dowh khai.15Nami khin khe aia dow kawrngaramchük kammow hut ka lowk khai. Nami kammow hut hown aia dow maru iun 1,000 ia kowi saita khai.16Nakhowk khe Simsawn mih maiawng tek meng khai,
“Kawrngaramchük kammow lowk hown amatni kowi dow amawngma ang changah khai;kawrngaramchük kammow lowk hown athawng aiawng maru kowng khai,” pakhai.17Naiawng ki tek meng kung kowi kawrngaramchük kammow dow aia kuakta khai. Now nami re-e kowh arah ming dow Ramat Lehi pahai aia chap pe khai. Nami auan dow “Kammow Hungh” pami chekhai.18Nami kung kowi dow Simsawn mih lainowmma tui sakkrai khai. Naiawng rakowi aia dow chup Thurai khai. Aia tek mih, “Aw CHAKRAMANG, en nar kowi awngra iukma en peah khai. Nachenganchepaw kawmat dow tui sakkrai hown maiawngün hiah khampha uanpik dowi mih chenchap tut-e ang kowng natakla kown chekhai bow?” pakhai.19Nakhowk khe CHAKRAMANG mih Lehi marow re-e iu uow pe tuikuam lowk khai, now nami tuikuam hownia mih tui uang lawt iualua khai. Nami tui khamta hanow Simsawn dow plan ka kür khai iawk. Naiawng rakowi nami tuikuam ming dow En-Hakawre pahai aia chap pe khai. Nami auan dow “Chup Thurai mih kowh Tuikuam” pami chekhai. Nami tuikuam dow kawmat paw Lehi marow kowi uowi reng chekhai.20Filistinuüa nimkrüa kowi uowi büah mih khin khe 20 ning mowr amatni Israeluüa kowi Simsawn kruitownah khai.
The Seed Company