Tara chet miuüa14
1Akung kowi Simsawn mih Timna marow kowi kowkowi khai, now nakowi kowh Filistin malauüa lowk ia kowi aia naukhita khai.2Aia dow Timna hownia uang mang now a-u a-pa kowi tek pe mih, “Timna marow kowi kowh Filistin malauüa kowi ang naukhila lowk ia. Paimi malauüa kowi phai kowlo ang iüah; ang changla masi kown,” pakhai.3Nakhowk khe a-u a-pa klangah mih, “A-i tasin taken miuüa pungmadawng kowi hai a-i Israel chen pachenma dawng kowi masiuüa uowi dowi chekhai bow? Tawngplawng kowchow hiah khampha uanpik dowi mih Filistinuüa kowh chama kowi en tuk naukhi khai?” pape khai. Nachenganchepaw Simsawn tek pe mih, “Paimi masiuüa kowi taih ang naukhi. Paimi masiuüa kowi kowlo ang iüah,” pakhai.4Nami dow Filistinuüa hown pacham tasen lah pakowh CHAKRAMANG uang pe phawah mih chekhai. (Nami khin khe Israeluüa kowi kruitownah mih dow Filistinuüa chekhai). Nachenganchepaw naiawng phaw mih dow CHAKRAMANG hownia kowh chekhai pami a-u a-pa iüah hing tuk dowi chekhai.5Akung kowi Simsawn mih a-u a-pa hown Timna marow kowi kowkowi khai. Amatni mih Timna marow re-e kowh grep krum kowi kowting kown chowbowt khe krangsila powrchow changla ran sulu se Simsawn prakowi uang haimang khai.6Nakhowk khe aia kowi dow CHAKRAMANG kowh lümla uang peah kür hanow aia mih akürma uang phaw khai. Naiawng rakowi aia dow nami krangsi kowi rua chah kowi kowh iaita nak mih iawng rut khawma hown aia iaita nak khai. Nachenganchepaw naiawng aia chang mih a-u a-pa kowi aia tek pe dowi chekhai.7Akung kowi aia mih nami malauüa tut-e kowkowiah now kowtalawp khai, now nami malauüa kowi mih aia sak ta-ih klowk chekhai.8Now pre sum ni kung kowi amatni dow nami masiuüa kowi nakowlo kownkow Timna marow kowi kowkowi khai bowt. Amatni kowtarü khe tiama ria kowi kowh krangsi uak nakowmüla kownkow Simsawn mih ta takleng khai. Now aia dow nami krangsi uak raw kowi kuaiba kowi kuai prum hulu mih khita khai.9Nami kuaiba dow pre rut pre pra aia dowkah now chala kuai tui se aia mang khai. Now a-u a-pa kowi paw nami kuai tui aia pela ne khai, now a-u a-pa paw nami kuai tui tawi cha khai. Nachenganchepaw nami kuai tui mih krangsi uak hownia kowh aia pawah mih pami a-u a-pa kowi aia tek pe dowi chekhai.10Now Simsawn pa mih sutawng chang lawnguan kowi natalawp kownkow masiuüa kim kowi kowkowi khai bowt. Nami khin khe Simsawn mih rirow kowi uowi iawng nakowi kowh maru-uüa kowi chang pe pawi khai.11Simsawn kowi khita now Filistinuüa mih Simsawn kowi naiuala kownkow uang pawla pe klanguüa 30 ia khai.12Nami klanguüa hawmh kowi Simsawn tek pe mih, “Ang aw enni lowk tak. Mami pawi ranit ni kowi nami ta-aw uan che enni nowng phuang khai hanow adipükchow mih la hown kowh uanchow akhup chi, now kowrmow hai klowngkrua dawngh atheng chi ang nape enni kown.13Tawkchedow enni che nami auan enni nowng phuang dowi hanow lowk ia e adipükchow mih la hown kowh kawngah mih kowrmow thawng lowk chi, now iawngpa mih kowrmow hai klowngkrua dawngh atheng chi enni nape ang kown takla,” pakhai.
Nakhowk khe klanguüa hawmh tek pe mih, “En kowh ta-aw lai sam tek madiah, anging süntaah matak,” pape khai.14Simsawn tek pe mih,“Achak miia hownia chakkham uang lawt khai,now akürma mih hownia ading uang lawt khai,” pakhai.Nami ta-aw lai dow sum ni mowr mih nowng phuang büah dowi chekhai.15Tali ni mih ni khe dow Simsawn masi tut-e kowkowiah now tek pe büah mih, “En hua kowi kuanah hanow ta-aw lai uan lüntaah madiah, now phuang anging dit. Nadowi now en hai en pa kimchak maten kowi anging natowk enni kown. En hawla anging pawi chak mih en pe ngarai anging kownkow bow?” pakhai.16Nakhowk khe Simsawn masi mih kar hülü se Simsawn kowi tek pe mih, “Mapaw en sakrau ang dowi; sui taih en sui ang. Ang maru-uüa kowi en awah khai. Tawkchedow nami auan en phuangla ang dowi,” pakhai.
Simsawn klangah mih, “A-u apa kowi khowm padow nami auan ang phuang pe dowi pache en kowi tak ü ang phuang en kown?” pape khai.17Now pawi chur ni mowr amasi dow ahua tut-e kar hülü khai. Naiawng amasi kamcheah lai bowt rakowi achur khe dow nami ta-aw uan mih amasi kowi Simsawn phuangta pe khai. Nahanow amasi mih aia maru-uüa kowi nami ta-aw uan dow phuang pe khai.18Ranit ni mih ni khe dow sat kup dowi rawn nami kuachak maru-uüa tek pe Simsawn mih,
“Kuai tui lak-e tawng chow lang ding?Krangsi lak-e tawng chow lang kür?” pakhai.Nakhowk khe Simsawn klangah mih, “Ang matia kowh chia iia hown enni thawn laih dowi panü dow nami ta-aw lai uan enni nowng phuang kown nadowi diah,” pape khai.19Nami kung kowi dow aia luk kowi CHAKRAMANG kowh lümla uang ting hanow aia dow akürma uang phaw khai. Aia dow Askelawn kowi kowkowiah now nakowi kowh maru-uüa kowi kowsaita 30 ia khai. Now naiawngün maru-uüa kowh tawnguat hai uowi mih srui aia pawla pe khai. Now naiawngün tawnguat dow aia awah miuüa kowi aia peah khai. Nami kung kowi aia dow tawmpa kunmarau hown u-pa kim kowi mang khai.20Nakhowk khe aia kowh masi kowi dow a-pu a-piuüa mih aia kowh auiua 30 ia pungmadawng kowi kowh lowk ia hown ta pe tachawngah khai.
Nakhowk khe klanguüa hawmh tek pe mih, “En kowh ta-aw lai sam tek madiah, anging süntaah matak,” pape khai.14Simsawn tek pe mih,“Achak miia hownia chakkham uang lawt khai,now akürma mih hownia ading uang lawt khai,” pakhai.Nami ta-aw lai dow sum ni mowr mih nowng phuang büah dowi chekhai.15Tali ni mih ni khe dow Simsawn masi tut-e kowkowiah now tek pe büah mih, “En hua kowi kuanah hanow ta-aw lai uan lüntaah madiah, now phuang anging dit. Nadowi now en hai en pa kimchak maten kowi anging natowk enni kown. En hawla anging pawi chak mih en pe ngarai anging kownkow bow?” pakhai.16Nakhowk khe Simsawn masi mih kar hülü se Simsawn kowi tek pe mih, “Mapaw en sakrau ang dowi; sui taih en sui ang. Ang maru-uüa kowi en awah khai. Tawkchedow nami auan en phuangla ang dowi,” pakhai.
Simsawn klangah mih, “A-u apa kowi khowm padow nami auan ang phuang pe dowi pache en kowi tak ü ang phuang en kown?” pape khai.17Now pawi chur ni mowr amasi dow ahua tut-e kar hülü khai. Naiawng amasi kamcheah lai bowt rakowi achur khe dow nami ta-aw uan mih amasi kowi Simsawn phuangta pe khai. Nahanow amasi mih aia maru-uüa kowi nami ta-aw uan dow phuang pe khai.18Ranit ni mih ni khe dow sat kup dowi rawn nami kuachak maru-uüa tek pe Simsawn mih,
“Kuai tui lak-e tawng chow lang ding?Krangsi lak-e tawng chow lang kür?” pakhai.Nakhowk khe Simsawn klangah mih, “Ang matia kowh chia iia hown enni thawn laih dowi panü dow nami ta-aw lai uan enni nowng phuang kown nadowi diah,” pape khai.19Nami kung kowi dow aia luk kowi CHAKRAMANG kowh lümla uang ting hanow aia dow akürma uang phaw khai. Aia dow Askelawn kowi kowkowiah now nakowi kowh maru-uüa kowi kowsaita 30 ia khai. Now naiawngün maru-uüa kowh tawnguat hai uowi mih srui aia pawla pe khai. Now naiawngün tawnguat dow aia awah miuüa kowi aia peah khai. Nami kung kowi aia dow tawmpa kunmarau hown u-pa kim kowi mang khai.20Nakhowk khe aia kowh masi kowi dow a-pu a-piuüa mih aia kowh auiua 30 ia pungmadawng kowi kowh lowk ia hown ta pe tachawngah khai.
The Seed Company