Tara chet miuüa16
1Akat khe Simsawn dow Filistinuüa kowh Gaza marow kowi kowkowi khai. Now nakowi dow aia mih chawkkrawma lowk ia hown takrum khai, now nami chawkkrawma hown aia dow kowtaphua taiua khai.2Now nakowi Simsawn uang mih Gaza marowchakuüa tukta khai. Naiawng rakowi amatni dow tapat lut now marow mih rumah büah khai, now amatni dow uar prowt marow tapplawt kowi hawt pawm Simsawn khai. Amatni dow uar prowt ririmma uowi büah khai. Amatni tatek mih, “Uar thowi now Simsawn kowi a-i saita kown,” pabüah khai.3Nachenganchepaw Simsawn dow nakowi mih uar dawnglang mowr uowila now powt khai. Aia dow marow tapplawt kowi kowh aklia müa lawng hailawm achüng pre buk mih hai tap büng mih burla khai. Now aia dow naiawngün kawtla hanow Hebrawn marow hown atawnchow mih hungh chut kowi kowkowi khai.4Akung kowi dow Simsawn mih Sorek lawngrawi kowi kowh uowi mih masiuüa lowk ia kowi naukhita khai. Nami masiuüa ming dow Delila chekhai.5Filistinuüa kowh tara chet miuüa dow nami masiuüa tut-e kowkowi now tek pe mih, “Simsawn kowi kuanah diah. Aia kowh kür kraingma mih lawnguan kowi lüntaah madiah, now tawng iawng chow tawmah e aia kowh kür nauowi dowi kown mih lüntaah madiah. Tawngplawng kowchow panow aia kowi towkah ngare kown anging nau chekhai. Anging tek iawng che en chang now lowk ia e tai 1,100 iun chi anging nape en kown,” pakhai.6Nahanow Delila tek pe Simsawn mih, “En kowh kür kraingma mih lawnguan hai tawng iawng chow tawm en e en kowh kür nauowi dowi kown mih sakrauma hown tek ang diah,” pakhai.7Simsawn tek pe mih, “Chawpla salangba mih leng sar keu dowi tak mih ranit rüa hown tawm ang now akeng mih maru-uüa iawng ang kowh kür naiaw kown taih,” pape khai.8Now Filistinuüa kowh aluchowuüa dow salangba leng sar keu dowi tak mih Delila kowi uang peah ranit rüa khai. Now Delila mih naiawngün leng hown Simsawn kowi tawmah khai.9Nami dowi rawn khe Delila mih aia kowh towklak kowi Filistinuüa kowi hawt pe pawmah sangrum khai. Now Delila tek pe Simsawn mih, “Simsawn! Filistinuüa uang khüm en khowk,” pakhai. Nakhowk khe Simsawn dow naiawngün leng mih lasin iang kowi maih kam khe kowh tarai iawng raita bun khai. Naiawng hai Filistinuüa dow Simsawn kür mih uan tuk büah dowi chekhai.10Nami kung kowi Delila tek pe Simsawn mih, “En kuan ang khai. En dai ang khai. Tawng hown chow naia tawm en kown mih khaleng dow achingchow tek ang diah,” pape khai.11Simsawn tek pe mih, “Katpaw tawngah dowi tak mih leng sar hown tawm ang now akeng mih maru-uüa iawng ang kowh kür naiaw kown taih,” pape khai.12Naiawng rakowi Delila mih paw leng sangrum hanow Simsawn kowi tawmah khai. Nami dowi rawn khe aia mih aia kowh towklak kowi Filistinuüa kowi hawt pe pawmah sangrum khai. Now Delila tek pe Simsawn mih, “Simsawn! Filistinuüa uang khüm en khowk!” pakhai. Nachenganchepaw Simsawn dow naiawngün leng mih lasin iang iawng raita prowt khai.13Delila tek pe Simsawn mih, “Kawmat mowr kowi dai lai hown en kuan ang rengreng tak. Tawng hown chow naia tawm en kown mih achingchow tek ang diah!” pape khai.
Simsawn tek pe mih, “Ang kowh ranit te mih sam dow powk powng kowi kawngla diah. Now nami powk powng dow chung hown asima cham uowkah diah. Nahanow akeng mih maru-uüa iawng ang kowh kür naiaw kown taih,” pape khai.14Nahanow Delila mih Simsawn kowh sam powk powng kowi kawngla khai bowt. Now nami powk powng dow chung hown cham uowkah khai. Now Delila tek pe Simsawn mih, “Simsawn! Filistinuüa uang khüm en khowk!” pape khai. Nachenganchepaw Simsawn dow awr rü hanow nami chung hai powk powng mih awr thükta bowk khai.15Delila tek pe aia mih, “Mapaw en tuak ang dowi chekhai. Nachenganchepaw en naukhi ang pami tawng iawng chow en tuk tek ang khai? Mami hown en kuan ang sum kat khowk. En kowh kür kraingma mih lawnguan en tek ang dowi,” pape khai.16Naiawng hai Delila dow nami laiklow mih ni towng tiamaliama Simsawn kowi lüntaah khai. Naiawng rakowi Simsawn mih lainowmma pusa khai bowt.17Naiawng rakowi aia dow Delila kowi lawpta pe bowk khai. Aia tek pe mih, “Ang dow katpaw kep sam dowi tak chekhai. Tawngplawng kowchow panow uang dia hownia ang dow CHAKRAMANG vüi chowng Nazaret mih chekhai. Ang che kepta sam hanow ang kowh kür napowt kown towbowt. Nahanow akeng mih maru-uüa iawng ang mih kür naiaw kown taih,” pape khai.18Now nami leng dow aia kowi achingchow Simsawn tek pe bowk mih chowbowt padow Delila ka tuak khai bowt. Nahanow aia dow Filistinuüa kowh aluchowuüa kowi krawi pe satang mih, “Uang plan uang büah akatchow diah. Aia dow achingchow tekta ang bowk khowk,” pakhai. Naiawng rakowi Filistinuüa kowh aluchowuüa mih tai tangka pawla now aia tut-e uang khai.19Delila dow aia thung luk kowi Simsawn kowi pe müiah khai. Now Simsawn kowh ranit te mih sam dow maru lowk ia kowi Delila pe kepah khai, now Simsawn kowh dow kür powt khai bowt. Nakhowk khe aia dow Simsawn kowi toah khai.20Nami kung kowi Delila tek pe Simsawn mih, “Simsawn! Filistinuüa uang khüm en khowk!” pakhai. Now Simsawn dow awr rü müi khai, now aia dow auown khe kowh iawng naia talawng kown taih padow tatuak khai. Tawkche aia kowi CHAKRAMANG powtta pe mih aia hing tuk dowi chekhai.21Nahanow Filistinuüa dow aia kowi khümla hanow mik pre buk trui laita pe khai, now Gaza marow kowi pawla khai. Aia kowi dow kri leng hown tawmah büah khai, now thawngrum lak kowi kowh kawm küa mih lup pe changah khai.22Nachenganchepaw aia kowh sam dow uang plan awm khai iawk.23Nami kung kowi dow Filistinuüa kowh aluchowuüa mih amatni kowh Dagawn thurai vüi kowi nachang phuchua kownkow hai napiaw kownkow arasang takua talawm büah khai. Nakhowk khe amatni tek mih, “A-i kowh thurai dow a-i kowh ransu Simsawn kowi a-i rut kowi apta a-i khai,” pakhai.24Filistinuüa mih khita Simsawn hanow amatni kowh thurai kowi kiow büah khai. Nakhowk khe amatni tek mih, “A-i kowh thurai dow a-i kowh ransu Simsawn kowi a-i rut kowi apta a-i khai; Simsawn dow a-i kowh laih ün piakta a-i khai, now a-i kowh maru-uüa kowi paw saita mih ahuma khowk chekhai,” pabüah khai.25Nami kung kowi dow amatni mih piaw se maiawng hai how sawmlawm khai, “Simsawn kowi uang lawtla diah. Aia kowi anging müah tamasa kown,” pakhai. Naiawng rakowi amatni dow thawngrum hownia Simsawn kowi uang lawtla khai, now amatni dow Simsawn kowi changla tamasa khai bowt. Amatni dow kimchüng takra kowi Simsawn kowi pe iowngah khai.26Aia kowi dowk pe rut mih klanguüa kowi Simsawn tek pe mih, “Ang tane kown nau; thurai kim kowi kowh kimchüng kowi pe kak ang diah,” pape khai.27Nami thurai kim kowi dow masiuüa hai kachakuüa mih akawmma chekhai. Filistinuüa kowh aluchowuüa maten paw nakowi uowi bowk chekhai. Kimluk hownia Simsawn kowh tamasa mük miuüa paw masiuüa hai kachakuüa 3,000 ia ngia chekhai.28Nakhowk khe CHAKRAMANG tut-e Simsawn awr lü mih, “Aw CHAKRAMANG Thurai, sakrauma hown tuak ang diah. Aw Thurai, sakrauma hown pe ang kür akatchow diah. Nahanow lai ang mik mih Filistinuüa kowi ang nasat pe aklai kown,” pakhai.29Now Simsawn dow aia iowngra re-e kowh thurai chup kim kowi kowh achüng pre buk mih kowi hawmlawm pra lowk, lakuai pra lowk dowkah khai. Now aia dow nami kimchüng pre buk mih nawtah khai.30Aia dow hek se tek mih, “Filistinuüa hown ang paw pacham tawi kowng lah!” pakhai. Nahanow aia dow aia kowh kür maten hown kimchüng pre buk mih nawtah khai. Now nami thurai chup kim dow aluchowuüa hai kim lak kowi uowi mih Filistinuüa luk kowi uang iu tim rum khai. Naiawng hai aia sing uowi khe kowh lak-e aia kowng mih khin khe Simsawn mih Filistinuüa kowi lang ia kowngla hu khai.31Nami kung kowi dow atainau-uüa hai a-pa kimchakuüa mih Simsawn uak uang paw büah khai. Now aia uak dow a-pa Manoa kowh tadupra kowi dupah büah khai. Nami tadupra dow Zora hai Estaawl marow takra kowi chekhai. Simsawn dow pirmi ning mowr Israeluüa kowi kruitownla khai.
Simsawn tek pe mih, “Ang kowh ranit te mih sam dow powk powng kowi kawngla diah. Now nami powk powng dow chung hown asima cham uowkah diah. Nahanow akeng mih maru-uüa iawng ang kowh kür naiaw kown taih,” pape khai.14Nahanow Delila mih Simsawn kowh sam powk powng kowi kawngla khai bowt. Now nami powk powng dow chung hown cham uowkah khai. Now Delila tek pe Simsawn mih, “Simsawn! Filistinuüa uang khüm en khowk!” pape khai. Nachenganchepaw Simsawn dow awr rü hanow nami chung hai powk powng mih awr thükta bowk khai.15Delila tek pe aia mih, “Mapaw en tuak ang dowi chekhai. Nachenganchepaw en naukhi ang pami tawng iawng chow en tuk tek ang khai? Mami hown en kuan ang sum kat khowk. En kowh kür kraingma mih lawnguan en tek ang dowi,” pape khai.16Naiawng hai Delila dow nami laiklow mih ni towng tiamaliama Simsawn kowi lüntaah khai. Naiawng rakowi Simsawn mih lainowmma pusa khai bowt.17Naiawng rakowi aia dow Delila kowi lawpta pe bowk khai. Aia tek pe mih, “Ang dow katpaw kep sam dowi tak chekhai. Tawngplawng kowchow panow uang dia hownia ang dow CHAKRAMANG vüi chowng Nazaret mih chekhai. Ang che kepta sam hanow ang kowh kür napowt kown towbowt. Nahanow akeng mih maru-uüa iawng ang mih kür naiaw kown taih,” pape khai.18Now nami leng dow aia kowi achingchow Simsawn tek pe bowk mih chowbowt padow Delila ka tuak khai bowt. Nahanow aia dow Filistinuüa kowh aluchowuüa kowi krawi pe satang mih, “Uang plan uang büah akatchow diah. Aia dow achingchow tekta ang bowk khowk,” pakhai. Naiawng rakowi Filistinuüa kowh aluchowuüa mih tai tangka pawla now aia tut-e uang khai.19Delila dow aia thung luk kowi Simsawn kowi pe müiah khai. Now Simsawn kowh ranit te mih sam dow maru lowk ia kowi Delila pe kepah khai, now Simsawn kowh dow kür powt khai bowt. Nakhowk khe aia dow Simsawn kowi toah khai.20Nami kung kowi Delila tek pe Simsawn mih, “Simsawn! Filistinuüa uang khüm en khowk!” pakhai. Now Simsawn dow awr rü müi khai, now aia dow auown khe kowh iawng naia talawng kown taih padow tatuak khai. Tawkche aia kowi CHAKRAMANG powtta pe mih aia hing tuk dowi chekhai.21Nahanow Filistinuüa dow aia kowi khümla hanow mik pre buk trui laita pe khai, now Gaza marow kowi pawla khai. Aia kowi dow kri leng hown tawmah büah khai, now thawngrum lak kowi kowh kawm küa mih lup pe changah khai.22Nachenganchepaw aia kowh sam dow uang plan awm khai iawk.23Nami kung kowi dow Filistinuüa kowh aluchowuüa mih amatni kowh Dagawn thurai vüi kowi nachang phuchua kownkow hai napiaw kownkow arasang takua talawm büah khai. Nakhowk khe amatni tek mih, “A-i kowh thurai dow a-i kowh ransu Simsawn kowi a-i rut kowi apta a-i khai,” pakhai.24Filistinuüa mih khita Simsawn hanow amatni kowh thurai kowi kiow büah khai. Nakhowk khe amatni tek mih, “A-i kowh thurai dow a-i kowh ransu Simsawn kowi a-i rut kowi apta a-i khai; Simsawn dow a-i kowh laih ün piakta a-i khai, now a-i kowh maru-uüa kowi paw saita mih ahuma khowk chekhai,” pabüah khai.25Nami kung kowi dow amatni mih piaw se maiawng hai how sawmlawm khai, “Simsawn kowi uang lawtla diah. Aia kowi anging müah tamasa kown,” pakhai. Naiawng rakowi amatni dow thawngrum hownia Simsawn kowi uang lawtla khai, now amatni dow Simsawn kowi changla tamasa khai bowt. Amatni dow kimchüng takra kowi Simsawn kowi pe iowngah khai.26Aia kowi dowk pe rut mih klanguüa kowi Simsawn tek pe mih, “Ang tane kown nau; thurai kim kowi kowh kimchüng kowi pe kak ang diah,” pape khai.27Nami thurai kim kowi dow masiuüa hai kachakuüa mih akawmma chekhai. Filistinuüa kowh aluchowuüa maten paw nakowi uowi bowk chekhai. Kimluk hownia Simsawn kowh tamasa mük miuüa paw masiuüa hai kachakuüa 3,000 ia ngia chekhai.28Nakhowk khe CHAKRAMANG tut-e Simsawn awr lü mih, “Aw CHAKRAMANG Thurai, sakrauma hown tuak ang diah. Aw Thurai, sakrauma hown pe ang kür akatchow diah. Nahanow lai ang mik mih Filistinuüa kowi ang nasat pe aklai kown,” pakhai.29Now Simsawn dow aia iowngra re-e kowh thurai chup kim kowi kowh achüng pre buk mih kowi hawmlawm pra lowk, lakuai pra lowk dowkah khai. Now aia dow nami kimchüng pre buk mih nawtah khai.30Aia dow hek se tek mih, “Filistinuüa hown ang paw pacham tawi kowng lah!” pakhai. Nahanow aia dow aia kowh kür maten hown kimchüng pre buk mih nawtah khai. Now nami thurai chup kim dow aluchowuüa hai kim lak kowi uowi mih Filistinuüa luk kowi uang iu tim rum khai. Naiawng hai aia sing uowi khe kowh lak-e aia kowng mih khin khe Simsawn mih Filistinuüa kowi lang ia kowngla hu khai.31Nami kung kowi dow atainau-uüa hai a-pa kimchakuüa mih Simsawn uak uang paw büah khai. Now aia uak dow a-pa Manoa kowh tadupra kowi dupah büah khai. Nami tadupra dow Zora hai Estaawl marow takra kowi chekhai. Simsawn dow pirmi ning mowr Israeluüa kowi kruitownla khai.
The Seed Company