Jeremia45
1Juda pren kowi Josia kowh chapa Jehoiakim chowm mang mih tali ning khe risi Jeremia hownia kowh laiklow Neria kowh chapa Baruk tut-e uang ting khai.2Baruk kowi risi Jeremia tek pe mih, “Aw Baruk, en lawnguan kowi CHAKRAMANG Israel kowh Thurai tek mih maiawng:3En tek mih, ‘Uh! Ang kowh arau hown CHAKRAMANG mih pe ang akrat ngamlam khai. Ang dow nguk runrun se ang uowi mih ang bowm mih nowm khowk, ang ka tanai dowi bowt,’ pakhai.4“Nachenganchepaw mami laiklow natek en kownkow CHAKRAMANG tek ang mih, ‘Ang thawpah mih mami chenchap kowi ang napiakta kown. Ang chowkta mih maten ang nachawita kown.5Naiawng now tawng iawng chow en matia vüi kri kraingma mih lawnguan kowi en tuk owmsak khai? Naiawng hangkow owmsak diah. Sak kowi towah diah; maru maten luk kowi ang nauang pawla phih kown. Nachenganchepaw en kowi dow lowra kowi en cham kowi chepaw ang natow en sing reng kown. Ang CHAKRAMANG mami laiklow ang tek khowk,’ pakhai,” pape khai.
The Seed Company