Daniel3
1Mang Nebuknezar dow kuh hown akro 60 muk hai aiuk 6 muk mih arup thawp lowk khai, now nami arup dow Babulawn pren kowi kowh Dura nai kowi aia towah khai.2Nami kung kowi aia dow nami arup ap pawi kowi nauang tawi sun kownkow pren bak kowi kowh kruitown miuüa, aluchowuüa, prengia pek miuüa, tangka mingkhet miuüa, tara chet miuüa, akeng mih tara chet miuüa hai akeng mih maru iukuüa maten kowi hawah khai.3Nakhowk khe naiawngün maru-uüa dow mang Nebuknezar thawpah mih arup ap pawi kowi uang takua talawm büah khai, now nami arup pur kowi uang iowng büah khai.4Nakhowk khe mang kowh lai phuang mih dow atünma tek mih, “Palusama kowi kowh chen towng chap towng maru-uüa low, mangkri kowh ana pek sünta büa diah.5Enni mih baw, plung, tingteng, taraw, prui hai akeng mih tünteu chap maiow tün ta hown akrowksang tabawk krawm se mang Nebuknezar thawpah mih kuh hown kowh arup kowi nachup kown.6Now tawi chup dowi mih maru kowi dow lün pluplup mih maih khawng kowi nakuakah kown,” pakhai.7Naiawng rakowi naiawngün tünteu ta hanow palusama kowi kowh chen towng chap towng maru-uüa dow krawng kowi tabawk krawm se kuh hown kowh mang Nebuknezar thawpah mih arup kowi chup büah khai.8Nami khin khe Kaldai chenchap maru pre sum ia mih mang tut-e kowkowi hanow Jihudiuüa lawnguan kowi kowchawk lai khai.9Amatni tek pe Nebuknezar mih, “Aw mangkri, chowngdawng sakklangma en pacham sing reng lah.10Baw, tingteng, taraw, prui hai akeng mih tünteu chap maiow tün ta hown krowksang tabawk krawm se en thawpah mih arup kowi nachup ngengche kown mih en pe ana khowk.11Tawi chup dowi mih maru kowi dow lün pluplup mih maih khawng kowi nakuakah kown padow en tek khai.12Tawkche aw mangkri, Babulawn pren kowi mang lup chang mih en pawah mih Jihudi maru pre sum ia dow en kowh ana pek chün dowi chekhai. Amatni dow en kowh thuraiuüa hai kuh hown kowh en thawpah mih arup kowi tawi chup dowi chekhai. Naiawngünuüa dow Sadrak, Mesak hai Abednago büah chekhai,” pakhai.13Nami laiklow tata hanow mang Nebuknezar dow lainowmma kunmarau khai. Naiawng rakowi aia dow Sadrak, Mesak hai Abednago büah kowi nauang hawla kownkow kowchin maru khai. Now kowbüah kowi dow mang pur kowi uang pawla khai.14Nakhowk khe kowbüah kowi mang Nebuknezar tek pe mih, “Aw Sadrak, Mesak hai Abednago, ang kowh thuraiuüa kowi enni tawi chup dowi pe dow? Now kuh hown kowh ang thawpah mih arup kowi paw enni tawi chup dowi pe dow?15Kawmat enni che baw, tingteng, taraw, parui hai akeng mih tünteu chap maiow tün ta hown krowksang kuh hown kowh ang thawpah mih arup kowi tawi chupiia kown nau now iung. Tawkche tawi chupiia dowi hanow lün pluplup mih maih khawng kowi ang nakuak enni kown. Nakhowk khe amia iawng mih thurai paw ang rut hownia uang ia lawng enni kown nadowi,” pakhai.16Nakhowk khe mang Nebuknezar kowi Sadrak, Mesak hai Abednago büah tek pe, “Aw mangkri Nebuknezar, mami lawnguan kowi klang en kown takla pami anging ka tuak dowi.17Anging rowsi kiowriah mih Thurai che nau hanow aia dow nami lün pluplup mih maih khawng hai en rut hownia nauang lawng anging kown taih.18Nachenganchepaw aw mangkri, nami hownia aia lawng anging dowi chepaw en kowh thuraiuüa kowi anging natawi chup kown nadowi, now kuh hown kowh en thawpah mih arup kowi paw anging natawi chup kown nadowi,” pape khai.19Nakhowk khe Sadrak, Mesak hai Abednago büah luk kowi Nebuknezar mih lainowmma kunmarau khai, now aia dow kunmarau lai bowt kowh lumowr minma towbowt. Aia dow maih khawng aiawng den mih lak-e ranit dungna nalang denah kownkow pe ana khai.20Nami kung kowi aia dow sadrak, Mesak hai Abednago büah kowi tawmah now lün pluplup mih maih kuam kowi nakuakah kownkow aia kowh siphai pungmadawng kowi kowh lang kür mih pre sum ia kowi peah ana khai.21Nakhowk khe amatni sum ia kowi dow kowrmow, klowngkrua dawngh, napawng hai akeng mih tawnguat khupma hown tawmah now lün pluplup mih maih kuam kowi kuakah khai.22Mang kowh ana pek khawt lai rakowi hai maih kuam kowi kowh maih den lai rakowi Sadrak, Mesak hai Abednago büah kowi maih kuam kowi kowkuakah mih maru-uüa dow maih den hown kowng khai.23Now kowbüah sum ia dow atawmiama hown lün pluplup mih maih kuam kowi tanawm khai.24Nakhowk khe mang Nebuknezar mih lainowmma awda khai. Naiawng rakowi aia dow alenma awr rü hanow aia kowh prengia pek miuüa kowi tek pe mih, “Maru sum ia kowi nadowi bow tawmah now maih kowi a-i kuakah?” pakhai.
Now amatni klangah mih, “Na chowdiah le mangkri,” pape khai.25Amatni kowi mang tek pe mih, “Tawkche maih dawng kowi maru len tali ia mih ang khi. Amatni dow atawmiama nadowi, now kam paw kam dowi chekhai. Nami tali ia mih pungmadawng kowi kowh lowk ia mih dow apowm thurai iawng chekhai,” pakhai.26Nakhowk khe Nebuknezar dow lün pluplup mih maih kuam plawt re-e kowkowi hanow atünma tek mih, “Aw lang kri lang kraing mih Thurai kowh nar Sadrak, Mesak hai Abednago, maih hownia uang lawt büa diah,” pape khai.
Nahanow Sadrak, Mesak hai Abednago büah dow maih hownia uang lawt khai bowt.27Nakhowk khe pren bak kowi kowh kruitown miuüa, aluchowuüa, prengia pek miuüa hai akeng mih maru iukuüa maten dow kowbüah re-e akawmma uang tachun khai. Amatni dow Sadrak, Mesak hai Abednago büah kowi maih kamah dowi mih, samiang aiangchow khowm kam dowi mih hai tawnguat paw kam dowi mih khi büah khai. Now amatni buk kowi maih nam khowm ta büah dowi chekhai.28Nakhowk khe Nebuknezar tek mih, “Sadrak, Mesak hai Abednago büah kowh Thurai dow akiow pauowi lah. Aia dow aia kowh kramamu kowi uang chin pe hanow aia naruüa kowi lawngah khai. Amatni dow amatni kowh Thurai luk kowi owmsak rakowi ang kowh ana pek chün dowi mih chekhai. Amatni dow amatni kowh Thurai klen kowi akeng mih thuraiuüa hai arup kowi chupiia kown nau dowi rakowi kowng khowm uam takham büah khai.29Naiawng rakowi mami ana ang pe khowk. Sadrak, Mesak hai Abednago büah kowh Thurai kowi kingküala mih laiklow palusama kowi kowh chen towng chap towng maru-uüa naia tek kown nadowi. Tek mih maru kowi dow nadungta naknak kown, now aia kowh kim dow nachangla mawngchawng kuakra kown. Tawngplawng kowchow panow amia iawng mih thurai paw naiawng nowngia lawng dowi chekhai,” pakhai.30Nami kung kowi mang dow Sadrak, Mesak hai Abednago büah kowi Babulawn pren kowi kowh arah lang iuk mih peah khai.
Now amatni klangah mih, “Na chowdiah le mangkri,” pape khai.25Amatni kowi mang tek pe mih, “Tawkche maih dawng kowi maru len tali ia mih ang khi. Amatni dow atawmiama nadowi, now kam paw kam dowi chekhai. Nami tali ia mih pungmadawng kowi kowh lowk ia mih dow apowm thurai iawng chekhai,” pakhai.26Nakhowk khe Nebuknezar dow lün pluplup mih maih kuam plawt re-e kowkowi hanow atünma tek mih, “Aw lang kri lang kraing mih Thurai kowh nar Sadrak, Mesak hai Abednago, maih hownia uang lawt büa diah,” pape khai.
Nahanow Sadrak, Mesak hai Abednago büah dow maih hownia uang lawt khai bowt.27Nakhowk khe pren bak kowi kowh kruitown miuüa, aluchowuüa, prengia pek miuüa hai akeng mih maru iukuüa maten dow kowbüah re-e akawmma uang tachun khai. Amatni dow Sadrak, Mesak hai Abednago büah kowi maih kamah dowi mih, samiang aiangchow khowm kam dowi mih hai tawnguat paw kam dowi mih khi büah khai. Now amatni buk kowi maih nam khowm ta büah dowi chekhai.28Nakhowk khe Nebuknezar tek mih, “Sadrak, Mesak hai Abednago büah kowh Thurai dow akiow pauowi lah. Aia dow aia kowh kramamu kowi uang chin pe hanow aia naruüa kowi lawngah khai. Amatni dow amatni kowh Thurai luk kowi owmsak rakowi ang kowh ana pek chün dowi mih chekhai. Amatni dow amatni kowh Thurai klen kowi akeng mih thuraiuüa hai arup kowi chupiia kown nau dowi rakowi kowng khowm uam takham büah khai.29Naiawng rakowi mami ana ang pe khowk. Sadrak, Mesak hai Abednago büah kowh Thurai kowi kingküala mih laiklow palusama kowi kowh chen towng chap towng maru-uüa naia tek kown nadowi. Tek mih maru kowi dow nadungta naknak kown, now aia kowh kim dow nachangla mawngchawng kuakra kown. Tawngplawng kowchow panow amia iawng mih thurai paw naiawng nowngia lawng dowi chekhai,” pakhai.30Nami kung kowi mang dow Sadrak, Mesak hai Abednago büah kowi Babulawn pren kowi kowh arah lang iuk mih peah khai.
The Seed Company