Daniel4
1Akung kowi dow mang Nebuknezar mih palusama kowi kowh chen towng chap towng maru-uüa tut-e mami satang krawi phuang khai: Enni tut-e thaulangra ahuma pacham uowi lah.2Lang kri lang kraing mih Thurai dow ang vüi amatra lup hai awdara lup maten tüng ang khai. Naiawng rakowi nami dow awmrawmma hown ang phuang enni mih chekhai.3Aia kowh amatra lup ün dow kri kraingma chekhai,now aia kowh awdara lup ün paw awdara uowima chekhai.Aia kowh mang chowm rah dow chowngchowng saksakma anikma chekhai,now aia kowh kruitownra paw chowngchowng saksakma anikma chekhai.4Ang Nebuknezar mih mang kim kowi asowrma hai apiawma ang uowi khai.5Phangbek kowi ang mawk mih khin khe ang khi mang lowk. Nami mang lak kowi kowh ang khi-ah mih dow lainowmma kramra uowi khai. Naiawng rakowi ang kram khai.6Naiawng rakowi ang mang khi-ah mih auan naphuang ang kownkow Babulawn pren kowi kowh mang prengia pek mih maten kowi ang pur kowi nauang pawla kownkow ang pe ana khai.7Maiaklese sarauüa, süngnam tawn miuüa, mantan sarauüa hai hawra sarauüa ang tut-e uang towm hanow ang khi-ah mih mang amatni kowi ang phat pe khai. Tawkchedow amatni mih nami mang uan nowng phuang ang dowi chekhai.8Achur kowi Daniel mih ang pur kowi uang hanow aia kowi dow ang khi-ah mih mang ang phat pe khai. (Aia kowi dow maiawngün uang phaw dowi rawn ang kowh thurai ming iawng Beltesazar pahai ang rük pe ming khai). Aia tut-e dow chimsaima mih thuraiuüa lümla uowi chekhai.9Ang tek pe mih, “Aw maiaklese sarauüa kowi kowh lang kri mih Beltesazar, en tut-e dow chimsaima mih thuraiuüa lümla uowi mih ang tuk. Now en tut-e dow tukah dowi mih chap natuk kown mih akratma nadowi chekhai. Mami ang mang khi-ah mih auan phuang ang diah.10Phangbek kowi ang mawk mih khin khe mami mukmang ang khi khai. Ang tang mü hanow lusa dawnglang kowi alowngma mih singh iowng dawnglawng mih ang khi lowk khai.11Nami singh dow awr iuk hanow aiukma hai akhawtma uang phaw khai. Now nami singh chem dow kuang kowi tawk khai; nami singh dow prenchur nammowt hownia paw nowngia khi chekhai.12Nami singh kowi kowh aram ün dow lainowmma klangiung khai, now auih paw lainowmma chak khai. Nami singh hownia dow maru maten ka chakkham khai. Nami singh klim kowi dow tawncher hawmh ka tanaira khai, now kuang dawng kowi kowh uakling uaber hawmh paw nami singh mia kowi ka chang bai khai. Asak uowi mih maten nami singh hownia ka chakkham reng chekhai.13“Phangbek kowi ang mawk mih khin khe nami mukmang kowi ang krawi tang mü khai, now chimsaima mih satang phowng mih lowk ia kowi mukuang pren hownia uang iu dowm mih ang khi khai.14Nami maru atünma tek mih, ‘Nami singh kripta diah, amia maten paw pletta diah; aram ün paw rawtta bowk diah, now auih ün dow howngta bowk diah. Nahanow nami singh krüa kowi kowh uowi mih tawncher hai singh mia kowi kowh uowi mih uakling uaber ün napowt kown towbowt.15Tawkchedow nami singh ngut hai singh prün dow lawngha hai kri hown atawmiama krawng kowi kowh bawrchak dawng kowi pacham uowi lah. Mukuang hownia kowh nang tui hown aia dow pacham sik lah, now lusa kowi kowh singh rüm kauche dawng kowi asaduauüa hown pacham taiua uowi lah.16Aia kowh dow lusa maru sangching hang pacham uowi tham bowt lah. Aia kowi dow ranit ning mowr asadua sangching pacham peah lah.17“‘Mami ana dow satang phowng mih chimsaima mih kramamu-uüa krawi phuang khai. Naiawng amatni krawi phuang mih dow chowm mang mih maru-uüa luk kowi ün lang kri lang kraing mih Thurai chang alow reng pami sing uowi miuüa natukla reng kownkow chekhai, now aia nau mih maru kowi aia pe chowmah mang reng pami hai maru pungmadawng kowi kowh lang sowm mih maru kowi dow maru luk kowi nachang alow kown mih aia towah reng pami natukla kownkow chekhai,’ pakhai.18“Mami mang dow ang Nebuknezar khi-ah mih chekhai. Aw Beltesazar, nami tawng auan chow mih kawmat sam phuang ang madiah. Nami auan dow ang pren kowi kowh prengia pek miuüa miapaw ia phuang ang dowi chekhai. Tawkche en dow naia phuang ang kown taih. Tawngplawng kowchow panow en tut-e dow chimsaima mih thuraiuüa lümla uowi chekhai,” pape khai.19Nakhowk khe Daniel dow mangkri kowh mang uan tukta hanow kram khai, now mawlawma uowi sangrum khai. Daniel dow Beltesazar chekhai. Nahanow mangkri tek pe Daniel mih, “Aw Beltesazar, ang kowh mang hai nami auan naphuang ang kown mih hangkow tuak krat diah,” pakhai.
Beltesazar klangah mih, “Aw ang kowh chakramang, mami mang hai auan dow en ransu-uüa luk kowi pacham kla lah.20Mang kowi kowh en khi-ah mih singh dow aiukma hai akhawtma chekhai, now nami singh chem dow kuang kowi tawk khai. Now nami singh dow lusa maru maten khi-ah bowk chekhai.21Nami singh dow aram klangiungma hai auih achakma chekhai, nami singh hownia dow maru ka chakkham reng. Now dowm kowi kowh tawncher hawmh paw nami singh klim kowi ka tanai reng, now amia kowi paw uakling hawmh ka chang bai reng chekhai.22Aw mangkri, nami singh dow en chekhai. En dow kri kraingma hai akürma chekhai. En kowh kür dow kraing lai bowt kowh kuang kowi tawk khai bowt, now en kowh mangra dow prenchur nammowt mowr cham krawi tauet khai bowt.23“Aw mangkri, chimsaima mih satang phowng mih kramamu lowk ia dow mukuang pren hownia uang iu dowm mih en khi khai. Aia tek en mih, ‘Nami singh kripta diah. Tawkchedow nami singh ngut hai singh prün dow lawngha hai kri hown atawmiama krawng kowi kowh bawrchak dawng kowi pacham uowi lah. Mukuang pren hownia kowh nang tui hown aia dow pacham sik reng lah, now lusa kowi kowh singh rüm kauche dawng kowi asaduauüa hown ranit ning mowr pacham taiua uowi lah,’ pah en khai.24“Aw mangkri, kawmat kowh ang tekah mih dow ang kowh chakramang khi-ah mih mang uan chekhai. Naiawngün dow Thurai kowh ana pek iawng en luk kowi nauang phaw kown mih chekhai.25En kowi dow maru-uüa hownia naprütta en kown. Nahanow asaduauüa hown en natawi taiua uowi kown. Chiala iawng dow en nacha pram kown. Now mukuang hownia kowh nang tui hown en nasik kown. Naiawng hai ranit ning mowr en nauowi kown. Ranit ning kung kowi dow maru luk kowi lang kri lang kraing mih Thurai chang alow reng mih hai aia nauah mih kowi aia pe chowmah mang reng pami en natuk kown.26Now aprün hailawm singh ngut natowah kown mih ana pek auan dow mami chekhai: Mukuang Thurai chowtaih chang alow reng pami en chün khü chiang en kowh pren mih naplan pe en iawk kown pami chekhai.27Naiawng rakowi aw mangkri, ang kowh prengia pek chün diah. Chang lup iung reng diah, ngarawng ngarai miuüa kowi saksing sanaah diah, now en kowh angak hai aprek dow towta diah. Nahanow en kowh iungra mih anikma uowi chepaw naia kown,” pakhai.28Maiawngün maten dow mang Nebuknezar luk kowi uang own khai. Aia khi mang mih laipre la kung kowi aia dow Babulawn kowi kowh aia kimluk kowi krawi len khai. Nami khin khe aia tek mih “Ang nakala kiowrira kownkow ang kowh kür akraingma mih hown klangiungma ang thawpah mih marow kri dow mami Babulawn marow chowbowt nadowi bow?” pakhai.31Naiawng aia tek reng tak khe mukuang hownia mia iawng mih chünchü aia kowi uang tek pe mih, “Aw mang Nebuknezar, en kowh pren dow en rut hownia pawta en khai bowt pami ang uang tek en mih chekhai.32En kowi dow maru-uüa hownia naprütta en kown. Nahanow asaduauüa hown en natawi taiua uowi kown. Chiala iawng dow en nacha pram kown. Now mukuang hownia kowh nang tui hown en nasik kown. Naiawng hai ranit ning mowr en nauowi kown. Nakhowk khe dow maru luk kowi lang kri lang kraing mih Thurai chang alow reng mih hai aia nauah mih kowi aia pe chowmah mang reng pami en natuk kown,” pakhai.33Nebuknezar lawnguan kowi kowh tekah mih srui dow nami khin khe uang tachi khai bowt. Aia kowi dow maru-uüa hownia prütta khai bowt, now aia dow chiala iawng cha pram khai bowt. Aia kowh kow dow mukuang nang tui hown sik khai bowt. Aia kowh sam dow uamu pawi iawng uang own khai bowt, now aia kowh rutmi khawkmi ün dow uamu kowh khawkse iawng uang own khai bowt.34Naiawngün ni chur kung kowi dow ang Nebuknezar mih mukuang prakowi awr tang mü khai, now ang kowh sak uang plan iung khai bowt. Nakhowk khe lang kri lang kraing mih Thurai kowi ang kiowah hai ang chupiiaah khai, chowngchowng saksakma sing uowi mih kowi ang ringkawah khai. Ang tek mih,“Thurai kowh pren dow achowngma mih pren chekhai,now aia kowh mangra dow chowngchowng saksakma anikma chekhai.35Lusa kowi kowh maru maten dow aia tut-e tawngpaw nadowi.Aia dow kramamu-uüa hai lusa maru-uüa kowi aia nau iawng changah reng chekhai.Aia kowi dow, ‘Tawng chow en chang?’ pahai nalüntaah kown mih miapaw uowi dowi,now aia kowi nahangah kown mih maru paw amiapaw uowi dowi chekhai,” pakhai.36Ang kowh sak ching mih khin khe ang kowh pren ringkawra nauowila iawk kownkow ang kowh klangiungra hai kiowrira mih plan pe ang khai iawk. Now ang kowh maru iukuüa hai aluchowuüa dow krawi plan cham ang khai, now ang kowi plan pe chowm ang mang khai iawk. Nahanow ang dow auown khe kowh lak-e uang lang kri kraing khai bowt.37Kawmat dow ang Nebuknezar mih mukuang kowi kowh mang kowi rowsi, kiowri hai ringkawah khowk. Tawngplawng kowchow panow aia changah mih srui dow anama chekhai. Now aia kowh tiama maten dow anowmma kangowh chekhai. Chang bawri miuüa kowi dow aia nowngia piak chekhai.
Beltesazar klangah mih, “Aw ang kowh chakramang, mami mang hai auan dow en ransu-uüa luk kowi pacham kla lah.20Mang kowi kowh en khi-ah mih singh dow aiukma hai akhawtma chekhai, now nami singh chem dow kuang kowi tawk khai. Now nami singh dow lusa maru maten khi-ah bowk chekhai.21Nami singh dow aram klangiungma hai auih achakma chekhai, nami singh hownia dow maru ka chakkham reng. Now dowm kowi kowh tawncher hawmh paw nami singh klim kowi ka tanai reng, now amia kowi paw uakling hawmh ka chang bai reng chekhai.22Aw mangkri, nami singh dow en chekhai. En dow kri kraingma hai akürma chekhai. En kowh kür dow kraing lai bowt kowh kuang kowi tawk khai bowt, now en kowh mangra dow prenchur nammowt mowr cham krawi tauet khai bowt.23“Aw mangkri, chimsaima mih satang phowng mih kramamu lowk ia dow mukuang pren hownia uang iu dowm mih en khi khai. Aia tek en mih, ‘Nami singh kripta diah. Tawkchedow nami singh ngut hai singh prün dow lawngha hai kri hown atawmiama krawng kowi kowh bawrchak dawng kowi pacham uowi lah. Mukuang pren hownia kowh nang tui hown aia dow pacham sik reng lah, now lusa kowi kowh singh rüm kauche dawng kowi asaduauüa hown ranit ning mowr pacham taiua uowi lah,’ pah en khai.24“Aw mangkri, kawmat kowh ang tekah mih dow ang kowh chakramang khi-ah mih mang uan chekhai. Naiawngün dow Thurai kowh ana pek iawng en luk kowi nauang phaw kown mih chekhai.25En kowi dow maru-uüa hownia naprütta en kown. Nahanow asaduauüa hown en natawi taiua uowi kown. Chiala iawng dow en nacha pram kown. Now mukuang hownia kowh nang tui hown en nasik kown. Naiawng hai ranit ning mowr en nauowi kown. Ranit ning kung kowi dow maru luk kowi lang kri lang kraing mih Thurai chang alow reng mih hai aia nauah mih kowi aia pe chowmah mang reng pami en natuk kown.26Now aprün hailawm singh ngut natowah kown mih ana pek auan dow mami chekhai: Mukuang Thurai chowtaih chang alow reng pami en chün khü chiang en kowh pren mih naplan pe en iawk kown pami chekhai.27Naiawng rakowi aw mangkri, ang kowh prengia pek chün diah. Chang lup iung reng diah, ngarawng ngarai miuüa kowi saksing sanaah diah, now en kowh angak hai aprek dow towta diah. Nahanow en kowh iungra mih anikma uowi chepaw naia kown,” pakhai.28Maiawngün maten dow mang Nebuknezar luk kowi uang own khai. Aia khi mang mih laipre la kung kowi aia dow Babulawn kowi kowh aia kimluk kowi krawi len khai. Nami khin khe aia tek mih “Ang nakala kiowrira kownkow ang kowh kür akraingma mih hown klangiungma ang thawpah mih marow kri dow mami Babulawn marow chowbowt nadowi bow?” pakhai.31Naiawng aia tek reng tak khe mukuang hownia mia iawng mih chünchü aia kowi uang tek pe mih, “Aw mang Nebuknezar, en kowh pren dow en rut hownia pawta en khai bowt pami ang uang tek en mih chekhai.32En kowi dow maru-uüa hownia naprütta en kown. Nahanow asaduauüa hown en natawi taiua uowi kown. Chiala iawng dow en nacha pram kown. Now mukuang hownia kowh nang tui hown en nasik kown. Naiawng hai ranit ning mowr en nauowi kown. Nakhowk khe dow maru luk kowi lang kri lang kraing mih Thurai chang alow reng mih hai aia nauah mih kowi aia pe chowmah mang reng pami en natuk kown,” pakhai.33Nebuknezar lawnguan kowi kowh tekah mih srui dow nami khin khe uang tachi khai bowt. Aia kowi dow maru-uüa hownia prütta khai bowt, now aia dow chiala iawng cha pram khai bowt. Aia kowh kow dow mukuang nang tui hown sik khai bowt. Aia kowh sam dow uamu pawi iawng uang own khai bowt, now aia kowh rutmi khawkmi ün dow uamu kowh khawkse iawng uang own khai bowt.34Naiawngün ni chur kung kowi dow ang Nebuknezar mih mukuang prakowi awr tang mü khai, now ang kowh sak uang plan iung khai bowt. Nakhowk khe lang kri lang kraing mih Thurai kowi ang kiowah hai ang chupiiaah khai, chowngchowng saksakma sing uowi mih kowi ang ringkawah khai. Ang tek mih,“Thurai kowh pren dow achowngma mih pren chekhai,now aia kowh mangra dow chowngchowng saksakma anikma chekhai.35Lusa kowi kowh maru maten dow aia tut-e tawngpaw nadowi.Aia dow kramamu-uüa hai lusa maru-uüa kowi aia nau iawng changah reng chekhai.Aia kowi dow, ‘Tawng chow en chang?’ pahai nalüntaah kown mih miapaw uowi dowi,now aia kowi nahangah kown mih maru paw amiapaw uowi dowi chekhai,” pakhai.36Ang kowh sak ching mih khin khe ang kowh pren ringkawra nauowila iawk kownkow ang kowh klangiungra hai kiowrira mih plan pe ang khai iawk. Now ang kowh maru iukuüa hai aluchowuüa dow krawi plan cham ang khai, now ang kowi plan pe chowm ang mang khai iawk. Nahanow ang dow auown khe kowh lak-e uang lang kri kraing khai bowt.37Kawmat dow ang Nebuknezar mih mukuang kowi kowh mang kowi rowsi, kiowri hai ringkawah khowk. Tawngplawng kowchow panow aia changah mih srui dow anama chekhai. Now aia kowh tiama maten dow anowmma kangowh chekhai. Chang bawri miuüa kowi dow aia nowngia piak chekhai.
The Seed Company