2 Samuel23
1Jese kowh chapa David kowi dow kri kraingma Thurai changah khai. Aia kowi dow Jakawb kowh Thurai nümnapah khai. Now aia dow Israeluüa vüi klangiungma thawn pe meng reng chekhai. Mami dow David kowh achur laiklow chekhai:2“CHAKRAMANG lümla dow tawng chow atek takla mih uang phuang ang reng chekhai,ang tekah mih dow aia hownia kowh laiklow chekhai.3Israeluüa kowh Thurai tek mih,Israeluüa kowh Singku Huamang tek ang mih,‘Lowra mih mang che maru kawmuüa kowi anowmma kruitown khai,now aia che Thurai kowi kram hai ringkawma hown kruitown khai hanow4aia dow rau-e kowh anowi iawng,aia dow süng aw chimprowngchow khe kowh nowi iawng,aia dow uang kung kowi kowh anowi tawk pluplup mih iawng chekhai,’ pakhai.5“Thurai dow ang kowh krungchakuüa kowi napeah prasi kown,aia dow chowngchowng saksakma vüi ang hown tatow sangbowk laitawm khai.Aia kowh sangbowk laitawm dow napiak kown nadowi,aia kowh laikham dow taklowi kown nadowi tham.Ang nau mih dow maiawngün chekhai:Aia dow nakhowng ang kown,now aia dow ang changah mih nape phawah kown.6Nachenganchepaw maru ngakuüa dow chuh mung kowi kowh chuh iawng:Naiawngün kowi kak miuüa dow ka ngarau reng chekhai,now naiawngün kowi dow asung uowi dowi rakowi lauta now kuakta takla.7Naiawngün kowi dow lawngha uanh hown lah, reh hown lah kakah hanow,naiawngün dow asaima natowkta kown takla,” pakhai.8Maiawngün dow David kowh tasen kiakma miuüa kowh ming chekhai. Lowk kowi dow Hakmawn krungchak hownia kowh Jasobeam chekhai. Aia dow Sum pami thum kowi kowh aluchow chekhai. Aia dow pakat mih tasen kowi ransu-uüa 800 ia kowi aia kowh reh hown nowng kowngta khai.9Pre kowi dow Aho krungchak hownia kowh Dodo kowh chapa Eleazar chekhai. Aia paw tasen kiakma mih pungmadawng kowi kowh lowk ia chekhai. Akat khe Filistinuüa mih Israeluüa hown natasen kownkow takua talawm khai. Nakhowk khe Israel siphaiuüa dow powt bowk khai. Nachenganchepaw Eleazar hai David iüah dow Filistinuüa kowi hauah tasen khai.10Eleazar dow ta uowi hanow aia kowh rut uak dowi mowr Filistinuüa kowi senah khai. Now aia kowh dow rut uak lai bowt rakowi aia kowh rut mih saidawng hownia awr nowng krowng dowi bowt chekhai. Nami ni kowi CHAKRAMANG dow kri kraingma Eleazar kowi pe awngah khai. Ki tasen kung kowi dow Israeluüa mih ransu-uüa kowh tasen müa rutchün khawkleng krowngchow nauang paw kownkow uang plan uang khai.11Now sum kowi dow Harar marow hownia kowh Age chapa Samma chekhai. Akat khe Filistinuüa mih nauang piak daing khang kownkow Lehi marow kowi takua talawm khai. Nakhowk khe Israel siphaiuüa dow Filistinuüa hownia powt bowk khai.12Nachenganchepaw Samma dow nami daing khang dawnglang kowi iowngah hanow Filistinuüa kowi senah khai. Naiawng rakowi Filistinuüa dow daing khang mih nowng piak dowi chekhai. Nami ni dow CHAKRAMANG mih kri kraingma aia kowi pe awngah khai.13Süngkawm pami tasen kiakma mih thumchakuüa pungmadawng kowi nami sum ia mih maru dow ngen luprak mih khin khe David tut-e Adulam puk kowi uang khai. Nakhowk khe Filistin siphaiuüa dow Refaim lawngrawi kowi khup tangbung khai.14Nami khin khe David dow süngrüp süngkangma kowi kowh akhawtma mih kangchawngra kim kowi uowi khai, now Filistin siphaiuüa dow Bethlehem marow kowi uowi büah khai.15Nami khin khe David dow lainowmma tui sakkrai khai. Naiawng rakowi aia tek pe mih, “Bethlehem marow tapplawt re-e kowh tuikuam hownia mia iawng mih chü kowpaw ang tui ditchow dit panü,” pakhai.16Naiawng rakowi tasen kiakma mih maru sum ia dow Filistin siphaiuüa kowi senla se Bethlehem marow tapplawt re-e kowh tuikuam kowi kowkowi khai. Now amatni dow nami hownia towngla tui hanow David tut-e uang pawla khai. Nachenganchepaw David dow nami tui kham dowi chekhai. Aia dow nami tui mih CHAKRAMANG kowi ap-ah mih iawng hai khükta khai.17Aia tek mih, “Aw CHAKRAMANG, mami tui mapaw ang kham dowi tham. Amatni dow singsing kowngkowng hown kowh mami tui uang pawla mih chekhai. Mami tui dow amatni kowh vi hown katsang chekhai,” pakhai. Naiawng rakowi David mih nami tui kham kown mih nau dowi chekhai.
Nami Sum pami tasen kiakma mih thumchak kowh lup dow naiawng chekhai.18Zerui chapa Joab kowh tainau Abisai dow Süngkawm pami thum kowi kowh tasen kiakma mih kowi kowh lang kri mih chekhai. Aia dow ransu-uüa 300 ia kowi aia kowh reh hown saita khai. Aia paw Sum pami tasen kiakma mih thumchakuüa iawng ming nang pawma chekhai.19Aia dow Süngkawm pami tasen kiakma mih thum kowi aming anang lang paw khai. Now aia dow nami thumchak kowi kowh aluchow chekhai. Nachenganchepaw aia dow Sum pami tasen kiakma mih thum kowi kowh maru nadowi chekhai.20Kabzel marow hownia kowh Jehoiada chapa Benaia dow tasen kiakma chekhai. Aia paw akraing akraingma mih lup chang khai. Aia dow Moab chenchap kowi kowh tasen kiakma mih siphai pre ia kowi kowngta khai. Akat khe paw nangkhe kla mih khin khe aia dow krangsi kuam kowi kowdowm hanow kowkowngta krangsi apum khai.21Nami klen kowi Aigupta pren hownia kowh aiuk akroma mih maru kowi paw aia saita khai. Nami maru rut kowi dow reh uowi apung chekhai. Nachenganchepaw Benaia tut-e dow singh klowk adungchow klen kowi tawngpaw uowi dowi chekhai. Aia dow nami Aigupta maru kowi rupta pe reh hanow nami reh hown saiah khai.22Naiawngün dow Benaia changah mih lup chekhai. Aia dow Sum pami tasen kiakma mih iawng aming anang uowima chekhai.23Aia dow Süngkawm pami tasen kiakma mih thum kowi kowh maru chekhai. Nami thumchak kowi dow aia kowi maru lang peah ringkawra khai. Nachenganchepaw aia dow Sum pami tasen kiakma mih thum kowi kowh maru nadowi chekhai. David mih aia kowi dow aia kowh kangchawng miuüa kowh aluchow thawpah khai.24Süngkawm pami tasen kiakma mih thum kowi kowh maru-uüa dow Joab kowh tainau Asahel, Bethlehem hownia kowh Dodo chapa Elhanan,25Harawd hownia kowh Samma, Harawd hownia kowh Elika,26Pelet hownia kowh Helez, Tekoa hownia kowh Ikes chapa Ira,27Anathawt hownia kowh Abiezer, Husa hownia kowh Mebuai,28Aho hownia kowh Zalmawn, Netofa hownia kowh Maharai,29Netofa hownia kowh Bana chapa Heled, Benjamin krungchakuüa kowh Gibeah hownia kowh Ribai chapa Ittai,30Pirathawn hownia kowh Benaia, Gas hungh re-e kowh lawngrawi hownia Hurai,31Araba hownia kowh Abialbawn, Bahurim hownia kowh Azmavet,32Salbawn hownia kowh Eliaba, Jasen kowh chapauüa, Jonathan,33Harar hownia kowh Sama, Harar hownia kowh Sarar chapa Ahiam,34Maka hownia kowh Ahasbai chapa Elifelet, Gilo hownia kowh Ahithofel chapa Eliam,35Karmel hownia kowh Hezro, Arba hownia kowh Parai,36Zoba hownia Nathan chapa Igal, Gad hownia kowh Bani,37Amawn hownia kowh Zelek, Joab kowh tasen müa rutchün khawkleng dowk mih Berawt hownia kowh Naharai,38Jattir hownia kowh Ira, Jattir hownia kowh Gareb,39now Betseba kowh hua Hit chenchap Uria chekhai. Naiawngünuüa dow bowkbowk kowi 37 ia chekhai.
Nami Sum pami tasen kiakma mih thumchak kowh lup dow naiawng chekhai.18Zerui chapa Joab kowh tainau Abisai dow Süngkawm pami thum kowi kowh tasen kiakma mih kowi kowh lang kri mih chekhai. Aia dow ransu-uüa 300 ia kowi aia kowh reh hown saita khai. Aia paw Sum pami tasen kiakma mih thumchakuüa iawng ming nang pawma chekhai.19Aia dow Süngkawm pami tasen kiakma mih thum kowi aming anang lang paw khai. Now aia dow nami thumchak kowi kowh aluchow chekhai. Nachenganchepaw aia dow Sum pami tasen kiakma mih thum kowi kowh maru nadowi chekhai.20Kabzel marow hownia kowh Jehoiada chapa Benaia dow tasen kiakma chekhai. Aia paw akraing akraingma mih lup chang khai. Aia dow Moab chenchap kowi kowh tasen kiakma mih siphai pre ia kowi kowngta khai. Akat khe paw nangkhe kla mih khin khe aia dow krangsi kuam kowi kowdowm hanow kowkowngta krangsi apum khai.21Nami klen kowi Aigupta pren hownia kowh aiuk akroma mih maru kowi paw aia saita khai. Nami maru rut kowi dow reh uowi apung chekhai. Nachenganchepaw Benaia tut-e dow singh klowk adungchow klen kowi tawngpaw uowi dowi chekhai. Aia dow nami Aigupta maru kowi rupta pe reh hanow nami reh hown saiah khai.22Naiawngün dow Benaia changah mih lup chekhai. Aia dow Sum pami tasen kiakma mih iawng aming anang uowima chekhai.23Aia dow Süngkawm pami tasen kiakma mih thum kowi kowh maru chekhai. Nami thumchak kowi dow aia kowi maru lang peah ringkawra khai. Nachenganchepaw aia dow Sum pami tasen kiakma mih thum kowi kowh maru nadowi chekhai. David mih aia kowi dow aia kowh kangchawng miuüa kowh aluchow thawpah khai.24Süngkawm pami tasen kiakma mih thum kowi kowh maru-uüa dow Joab kowh tainau Asahel, Bethlehem hownia kowh Dodo chapa Elhanan,25Harawd hownia kowh Samma, Harawd hownia kowh Elika,26Pelet hownia kowh Helez, Tekoa hownia kowh Ikes chapa Ira,27Anathawt hownia kowh Abiezer, Husa hownia kowh Mebuai,28Aho hownia kowh Zalmawn, Netofa hownia kowh Maharai,29Netofa hownia kowh Bana chapa Heled, Benjamin krungchakuüa kowh Gibeah hownia kowh Ribai chapa Ittai,30Pirathawn hownia kowh Benaia, Gas hungh re-e kowh lawngrawi hownia Hurai,31Araba hownia kowh Abialbawn, Bahurim hownia kowh Azmavet,32Salbawn hownia kowh Eliaba, Jasen kowh chapauüa, Jonathan,33Harar hownia kowh Sama, Harar hownia kowh Sarar chapa Ahiam,34Maka hownia kowh Ahasbai chapa Elifelet, Gilo hownia kowh Ahithofel chapa Eliam,35Karmel hownia kowh Hezro, Arba hownia kowh Parai,36Zoba hownia Nathan chapa Igal, Gad hownia kowh Bani,37Amawn hownia kowh Zelek, Joab kowh tasen müa rutchün khawkleng dowk mih Berawt hownia kowh Naharai,38Jattir hownia kowh Ira, Jattir hownia kowh Gareb,39now Betseba kowh hua Hit chenchap Uria chekhai. Naiawngünuüa dow bowkbowk kowi 37 ia chekhai.
The Seed Company