2 Samuel22
1David dow aia kowh ransu-uüa maten hownia hai Sawl hownia CHAKRAMANG lawngah mih khin khe CHAKRAMANG vüi maiawng tek meng khai:2“CHAKRAMANG dow ang kowh Singku Huamang chekhai,aia dow ang kowh tatung tanimra hai lawng miia chekhai.3Ang kowh Singku Huamang dow ang kowh Thurai chowtaih,ang kowh tatung tanimra dow aia chowtaih.En dow kawngma iawng hai lawng ang reng,ang kowh akhawtma mih kangchawngra kim dow aia chowtaih.Aia dow ang kowh lawng miia;maru ngakuüa hownia aia dow lawng ang reng chekhai.4CHAKRAMANG kowi dow ang hawah khai,now aia dow ang kowh ransu-uüa hownia lawng ang khai.CHAKRAMANG dow akiow taing chekhai!5“Ang luk kowi dow tuilowng iawng kowngra uang ting khai bowt,ang luk kowi dow tui lawt iawng piakra uang kla khai bowt.6Kramra uowima mih kowngra dow umta ang lut khai,kowngra dow chak ang leng khai.7Ang kla phih khe CHAKRAMANG ang kowh Thurai kowi ang hawah khai,nauang khowng ang kownkow aia tut-e ang awr kar awr nguk khai.Aia dow aia uowi rah hownia ang awr lüah mih hawt sünta ang khai,ang kar ang nguk mih aia param kowi kowting khai.8“Nakhowk khe lusa dow chür nukluk hai tahowng nurlur khai;mukuang kowi kowh achüng maten dow chür nukluk khai.Naiawng phaw mih dow Thurai kunmarau rakowi chekhai.9Aia nakawng hownia dow maikhük awr towk iualua khai,aia kowh nawr hownia dow piakla mih maih uang lawt khai,aia nawr kowi kowh maivia dow awr lün khai.10“Aia dow mukuang nitah lang hanow lusa kowi uang iu dowm khai,aia khawk daw kowi dow uangnim iiuma chekhai.11Aia dow Cherup pami kramamu luk kowi chowm hanow uang iow khai,aia dow li hown alenma uang iow khai.12Aia dow aiiu hown aia matia kowi petah khai,aia riaret kowi aiiuma mih uangnim dow tui kangowh chekhai.13Aia pur kowi dow anowi kangowh chekhai,nami anowi hown dow mairing hownia maih awr lün khai.14“CHAKRAMANG dow mukuang hownia tüng klow khai,lang kri lang kraing mih Thurai kowh klow dow taah chekhai.15Aia dow ransu-uüa kowi salangba hown ap-ah hanow cham uetta plawt khai,amatni kowi dow pla nowi hown aia pe takrow takraiah khai.16CHAKRAMANG dow ransu-uüa kowi nangah khai,aia dow nakawng hownia plawt kawli khai.Nahanow sata tui dow uang kang khai,now lusa chüng maten dow uang tatüng khai.17“Aia dow mukuang hownia iu iaw rut hanow iu dowk ang khai,tui büpma mih hownia dow aia uang khowngla ang khai.18Aia dow ang kowh akürma mih ransu-uüa hownia lawng ang khai,aia dow sui ang miuüa hownia lawng ang khai;tawngplawng kowchow panow amatni dow ang lak-e lang kür chekhai.19Ang kla phih khe amatni dow uang sen ang khai.Nachenganchepaw CHAKRAMANG dow uang khowng ang khai.20“Aia dow aiungma mih arah kowi uang pawla ang khai,now ang luk kowi mih aia sak-ih khai.Naiawng rakowi aia lawng ang khai.21“Ang kowh anowmma mih lup CHAKRAMANG chang ang aiung khai,ang kowh tachi tanawmra rakowi aia dow pe ang awmrawm sung khai.22Tawngplawng kowchow panow ang dow CHAKRAMANG tiama kowi mang reng chekhai,Thurai kowi kingküala mih angak dow ang chang dowi chekhai.23Aia kowh ari aiang maten dow ang chün reng,aia kowh rirow hownia dow ang cham süt dowi chekhai.24Aia pur kowi dow ang kowh angak uowi dowi chekhai,angak hownia ang lang tahen reng chekhai.25Ang kowh lup nowm rakowi CHAKRAMANG dow chang ang aiung khai,ang kowh tachi tanawm mih rakowi aia dow pe ang awmrawm sung khai.26“Aw CHAKRAMANG, en kaah sakowm miuüa kowi dow kaah sakowm iawng en chang pe reng,aiungma miuüa kowi dow aiungma en chang pe reng chekhai.27Achinawmma miuüa kowi dow achinawmma en chang pe reng,kuanla miuüa kowi dow angakma en chang pe reng chekhai.28Khamsum khamdaw miuüa kowi dow en khowngah reng.Nachenganchepaw bawrima miuüa kowi dow en müta hüah reng;amatni kowi dow en piakah reng chekhai.29“Aw CHAKRAMANG, en dow ang kowh maibu chekhai,aiiu kowi ang uowi khe en tüng ang anowi reng chekhai.30En kowh kür hown ransu siphaiuüa kowi ang nowng sen khai,ang kowh Thurai khowngra hownia amatni kowh tap kowklaw hanowalak kowi ang kownowng kup khai.31“Thurai kowh tiama dow aser auowk uowi dowi chekhai,CHAKRAMANG kowh laikham dow aching pami uang tatüng khai.Aia dow aia tut-e kowh uang tatung tanim miuüa vüi kawngma chekhai.32CHAKRAMANG klen kowi dow akeng mih Thurai lang uowi dowi bowt,a-i kowh Thurai klen kowi dow akeng mih singku huamang lang uowi dowi bowt chekhai.33Thurai dow pe ang kür reng,aia dow ang kowh tiama mih aiungma chang ang khai.34Aia dow naki iawng alenma naiowmla kown mih kür pe ang khai,now alowngma mih hungma mawngma kowi thaulangma aia pe uowi ang khai.35Aia dow tawng iawng chow natasenah kown mih tüngsang ang khai.Naiawng rakowi kri hown kowh salangba mih ang nowng uüi khai.36“Aw CHAKRAMANG, en lawngla ang mih en kowh kawngma dow en pe ang khai,en khowng ang mih hownia kri kraingma ang phaw khai.37Ransu-uüa sen ang khe en khowng ang khai.Naiawng rakowi ang tatheu dowi chekhai.38“Ang kowh ransu-uüa kowi kawikrawiah hanow ang saiah khai,amatni kowi ang saita dowi mowr ang plan kung dowi chekhai.39Amatni kowi dow ang piakta naknak khai,now amatni kowi dow ang sawtah khai.Nahanow amatni dow ang khawk daw kowi tim büah khai,amatni dow hing nowng rü dowi bowt chekhai,40Natasenla kown mih kür pe ang mih dow en chowtaih,ang ransu-uüa kowi dow ang khawk daw kowi en towah khai.41Ang kowh ransu-uüa kowi dow ang hownia en prütah khai,sui ang miuüa kowi dow ang piakta khai.42Amatni dow krawi lü akhowng mih khai.Nachenganchepaw amatni kowi dow miapaw takhula dowi.Amatni dow en tut-e awr lü khowng khai.Nachenganchepaw amatni kowi en klangah dowi chekhai.43Amatni kowi dow dinchow iawng adima ang changah khai,amatni kowi dow tiama kowi kowh suplawk iawng ang thuata nak khai.44“Aw CHAKRAMANG, ang kowh maru-uüa kingküara hownia en lawng ang khai,akeng chenchapuüa luk kowi aluchow en tow ang khai.Akeng chenchapuüa khowm kawmat ang krüa kowi chang lup khai.45Prenlang maru-uüa dow ang kowh laiklow ta hown krowksang ang tek iawng chang reng,amatni dow ang pur kowi tabawk krawm se uang khamsum reng chekhai.46Amatni kowh dow sakowmra uowi dowi bowt chekhai,amatni dow chürla kluk se akhawtma mih kangchawngra kim hownia uang lawt khai.47“En dow masing CHAKRAMANG chekhai,ang kowh Singku Huamang dow akiow pacham uowi lah.Thurai dow ang kowh lawng miia chekhai,en kowh ringkawra dow pacham hu lah.48En dow ang vüi paw lu klai reng chekhai,akeng chenchapuüa kowi dow ang nimkrüa kowi en towah khai.49En dow ransu-uüa rut hownia lawng ang khai,chang ang nowng miuüa rut hownia paw en lawng ang khai.Ransu-uüa luk kowi dow en pe awng ang khai.50Naiawng rakowi aw CHAKRAMANG, akeng chenchapuüa pungmadawng kowi ang nakiow en kown,en ming hown ang natek rowsi meng kown.51En kowh mang kowi dow kri kraingma mih awngra en peah reng,en nümnapah mih maru kowi dow achur uowi dowi mih sakraura en tüng pe reng.David kowi dow chowngchowng saksakma en sakrauah khai,aia krungchakuüa kowi paw chowngchowng saksakma en sakrauah khai,” pakhai.
The Seed Company