2 Samuel24
1Akat khe CHAKRAMANG mih Israeluüa kowi lainowmma plan kunmarauah khai. Aia dow amatni kowi natowkah kawm kownkow David kowi tawngah khai. Aia tek pe David mih, “Kowkowi now Israeluüa hai Judauüa kowi kowrüa diah,” pakhai.2Naiawng rakowi Joab hai aia kowh siphai aluchowuüa kowi David tek pe mih, “Dan marow hownia Ber-Seba marow mowr mih Israel krungchak maru-uüa maten kowi kowkrawi rüa büa diah. Nahanow amatni kowh maru iun mut ang natuk kown towbowt,” pakhai.3Nachenganchepaw Joab klangah mih, “Aw mangkri, CHAKRAMANG en kowh Thurai dow Israeluüa kowh maru iun mih kawmat kowh lak-e 100 phow mowr pacham huah lah, now nami dow en sing uowi reng tak khe aia pacham pe khi en lah. Nachenganchepaw naiawng mih lup nachang kown mih tawngplawng kowchow en tuk nau khai?” pape khai.4Nachenganchepaw David dow Joab hai siphai aluchowuüa kowi aia kowh ana pe chünah khai. Naiawng rakowi amatni dow Israeluüa kowi nakrawi rüa kownkow mang pur hownia lawt büah khai bowt.5Amatni dow haipown Jawrdan aw hanow mrawkphak pra kowh Aroer marow kowi kowkhup tangbung büah khai. Nami marow dow Gad krungchakuüa süng kowi kowh lawngrawi dawnglang kowi chekhai. Nami hownia dow tawngphak pra kowh Jazer marow kowi kowkowi büah khai.6Nami kung kowi amatni dow Gilead marow hai Hit chenchap uowiah mih Kades marow kowi kowkowi büah khai. Nami hownia dow Dan marow iawng kowtakui hanow satkup pra kowh Sidawn marow kowi kowkowi büah khai.7Nami kung kowi dow satlawt pra kowh tap uowi mih Sur marow, Hivuüa hai Kananuüa kowh marow maten kowi kowkowi büah khai. Now achur kowi dow Juda krungchakuüa uowiah mih mrawkphak pra kowh Ber-Seba kowi kowkowi büah khai.8Naiawng hai amatni dow paprenma kowi taku la hown 20 ni mowr krawi len khai. Nami kung kowi dow Jerusalem marow kowi uang plan büah khai bowt.9Joab dow tasen uang mih maru iun mut David kowi uang peah khai: Israel hownia dow 800,000 ia, now Juda hownia dow 500,000 ia chekhai.10Ki rüata maru kawmuüa kung kowi dow David mih aia kowh angak tatuk khai bowt. Aia tek pe CHAKRAMANG mih, “Naiawng ang rüa maru kawmuüa mih dow lainowmma ang changta angak mih chekhai. Aw CHAKRAMANG, sakrauma hown en nar ang kowh angak lawtta ang diah. Tawngplawng kowchow panow ang dow abualama mih iawng ang changta lup khai,” pakhai.11Auai rau khe David kowh risi Gad kowi CHAKRAMANG tek pe mih,12“David tut-e kowkowi diah, now aia vüi ang khowmta pe sum chap mih ripra kowtek pe diah. Nami sum chap mih hownia aia pacham ruiah pachap lah. Now aia ruiah mih iawng aia kowi ang nachang pe kown,” pakhai.13Naiawng rakowi David tut-e Gad kowkowi now lüntaah mih, “Tawng mih chap chow en narui kown? En pren kowi ranit ning mowr khown nakuak kown mih bow? Dowdow ransu-uüa nakrawi en hanow sum la mowr en nacham powt kown mih bow? Dowdow sum ni mowr en pren kowi makowng hawi nauang kla kown mih bow? Kawmat mih paw tuak diah, now CHAKRAMANG kowi tawng chow ang nakowtek pe kown mih tek ang diah,” pakhai.14Nakhowk khe David tek pe Gad mih, “Ang kla phih mih chowbowt lowmow! Nachenganchepaw maru rut kowi dow taap kown ang nau dowi. CHAKRAMANG phai pacham rip anging lah. Tawngplawng kowchow panow aia kowh dow saksing sanara achur uowi dowi chekhai,” pakhai.15Naiawng rakowi CHAKRAMANG dow nami rau hownia aia khowmta bowkta mih akhin mowr Israeluüa luk kowi uang chin pe makowng hawi khai. Nami hawi hown dow Dan marow hownia Ber-Seba mowr pren paprenma kowi 70,000 ia maru kowng khai.16Nachenganchepaw kramamu napiak Jerusalem marow kown chowbowt mih khin khe CHAKRAMANG mih maru kawmuüa kowi peah ripra mih lawnguan kowi planta saktuak khai. Now krawi piak maru mih kramamu kowi CHAKRAMANG tek pe mih, “Na khowk tak, taingta bowt diah,” pakhai. Nami khin khe CHAKRAMANG kowh kramamu uowi mih dow Jebus chenchap Arauna kowh cha thuara re-e chekhai.17Krawi piak maru kawmuüa mih kramamu kowi khita hanow David tek pe CHAKRAMANG mih, “Changta angak mih hai tawita mata mih dow ang chowtaih. Naiawngün maru kawmuüa kowh dow aprek uowi dowi chekhai. Tawng chow amatni changta khai? Ang hai ang kimchakuüa kowi phai pe anging ripra diah,” pakhai.18Nami ni khe Gad dow David tut-e kowkowiah now tek pe mih, “Jebus chenchap Arauna kowh cha thuara kowi kowkowi diah, now nami re-e CHAKRAMANG vüi kowthawp phuchuara lowk diah,” pakhai.19Naiawng rakowi David dow Gad tut-e kowh CHAKRAMANG ana pek iawng rowprowp nakowi kowkowi khai.20Arauna dow krawi tang mü hanow aia prakowi David hai aia kowh maru iukuüa uaimang mih khita khai. Now aia dow kowkowiah hanow mang pur kowi krawng kowi tabawkah krawm se mang kowi chupah khai.21Arauna lüntaah mih, “Mangkri, en kowh nar ang tut-e en uang mih tawng rakowi chow?” pakhai.
David klangah mih, “Ang uang mih dow en kowh cha thuara nauang ran kownkow chekhai. Now makowi mih CHAKRAMANG vüi ang nathawp phuchuara lowk kown. Nahanow maru kawmuüa luk kowi CHAKRAMANG pe klaah mih makowng hawi nataing kown towbowt,” pakhai.22Arauna tek pe David mih, “Mangkri, en tut-e iung iawng paw hanow chang phuchua diah. Mow, nachangla tikah mih uanap kownkow phuchuaah kown mih chiala ün uowi chow. Now nachangla sawp kown mih vüi paw cha thua müa uanh hai laithawn tim ün uowi chow.23Aw mangkri, maiawngün dow ang peta en bowk mih chowbowt,” pakhai.
Nami klen kowi Aruana plan tek pe David mih, “CHAKRAMANG en kowh Thurai dow en kowh uanap mih pacham awmrawm en lah,” pakhai.24Nachenganchepaw mang tek pe Arauna mih, “Naiawng e nadowi. Maiawngün dow asung hown ang naranah ngengche kown. Aiawng kaah mih uanh hown CHAKRAMANG ang kowh Thurai vüi ang nachang tikah mih uanap kown nadowi,” pape khai.
Naiawng rakowi David dow nami cha thuara hai chiala ün tai 50 iun hown ranah khai.25Nami kung kowi dow David mih nakowi CHAKRAMANG vüi thawp phuchuara lowk khai. Now aia dow tikah mih uanap hai taking tasangra uanap chang khai. Naiawng rakowi pren vüi kowi kowh David awr lü mih dow CHAKRAMANG hawt sünta pe khai bowt, now Israel pren kowi kowh makowng hawi dow taing khai bowt.
David klangah mih, “Ang uang mih dow en kowh cha thuara nauang ran kownkow chekhai. Now makowi mih CHAKRAMANG vüi ang nathawp phuchuara lowk kown. Nahanow maru kawmuüa luk kowi CHAKRAMANG pe klaah mih makowng hawi nataing kown towbowt,” pakhai.22Arauna tek pe David mih, “Mangkri, en tut-e iung iawng paw hanow chang phuchua diah. Mow, nachangla tikah mih uanap kownkow phuchuaah kown mih chiala ün uowi chow. Now nachangla sawp kown mih vüi paw cha thua müa uanh hai laithawn tim ün uowi chow.23Aw mangkri, maiawngün dow ang peta en bowk mih chowbowt,” pakhai.
Nami klen kowi Aruana plan tek pe David mih, “CHAKRAMANG en kowh Thurai dow en kowh uanap mih pacham awmrawm en lah,” pakhai.24Nachenganchepaw mang tek pe Arauna mih, “Naiawng e nadowi. Maiawngün dow asung hown ang naranah ngengche kown. Aiawng kaah mih uanh hown CHAKRAMANG ang kowh Thurai vüi ang nachang tikah mih uanap kown nadowi,” pape khai.
Naiawng rakowi David dow nami cha thuara hai chiala ün tai 50 iun hown ranah khai.25Nami kung kowi dow David mih nakowi CHAKRAMANG vüi thawp phuchuara lowk khai. Now aia dow tikah mih uanap hai taking tasangra uanap chang khai. Naiawng rakowi pren vüi kowi kowh David awr lü mih dow CHAKRAMANG hawt sünta pe khai bowt, now Israel pren kowi kowh makowng hawi dow taing khai bowt.
The Seed Company