1 Manguüa20
1Siria pren mang Ben-Hadad mih Israeluüa kowi nasenah kownkow aia kowh siphaiuüa maten kowi kuaah lawmah khai. Aia dow mang 32 ia, kawrnga hai kawrnga kari ahuma pawla now Israel kowi kowh marow kri Samari kowi nakowsenah kownkow kowrumta lut khai.2Nakhowk khe Ben-Hadad mih Samari marow kowi kowh mang Ahab tut-e kowchin maru pre sum ia hanow tek pe mih,3“En kowh kuh hai tai mih ang kowh, now en kowh masi klangiungma miuüa hai en kowh chauüa paw ang kowh,” pakhai.4Nakhowk khe naiawngün maru-uüa kowi Israel mang Ahab hawt klangah mih, “Ang tek khowk, ang kowh mangkri tek mih na nowm. Ang hai ang kowh uowi mih maten dow aia kowh chekhai,” pape khai.5Nami kung kowi Ben-Hadad mih kowchin maru hanow Ahab kowi tek pe iawk mih, “En kowh kuh hai tai hown en kowh masi chauüa nape ang kown mih ang tek en khowk.6Nachenganchepaw tharau kowh maiawng khin khe dow ang kowh maru iukuüa kowi ang nauang chin en kown. Amatni dow en kowh kim kowi hai en kowh maru iukuüa kim kowi nauang krawi phui kown, now en mik kowi kowh asung uowima mih uanh maten napawla en bowk kown,” pakhai.7Nakhowk khe dow mang Ahab mih Israel pren kowi kowh lawngtang aluchowuüa maten kowi hawah khai. Now aia tek pe mih, “Mü büa madiah. Ben-Hadad mih ang kowh kuh hai tai hown masi chauüa kowi aia kowi napeah kownkow uang tek ang khe ang nauta pe khowk. Nachenganchepaw aia dow nachang ang angak kownkow kamrüt reng tak chekhai,” pakhai.8Nakhowk khe lawngtang aluchowuüa hai maru maten tek pe mih, “Ben-Hadad kowh laiklow hangkow sünta reng, now aia tek en mih paw hangkow nauta pe,” pape khai.9Naiawng rakowi Behadad kowh maru-uüa kowi Ahab tek pe mih, “Ang kowh mangkri kowi kowtek pe büa diah. Aia uang rik tekah mih iawng dow ang nachang pe kown taih. Tawkche uang ta tekah mih iawng dow ang ia chang dowi tham,” pakhai. Now nami laiklow nakowtek pe kownkow naiawngün maru-uüa dow Ben-Hadad tut-e kowkowi khai.10Nakhowk khe Ahab kowi Ben-Hadad uang krawi tek pe mih, “Sünta, ang kowh siphaiuüa maten kowi pachawm chi naret pe kown mih dinchow khowm uowi dowi pat Samari marow kowi ang piakah kown. Naiawng che ang chang dowi hanow ang kowh thuraiuüa mih rip chamang pacham rip ang lah,” pakhai.11Nakhowk khe Ahab krawi klangah mih, “Dowk tasen kownkow kawmat pat saidawng hown dowm dowi tak mih pache tasen awng kowh uang plan mih maru iawng hang pacham chang bawri lah,” pape khai.12Nami satang phowng miuüa Ben-Hadad tut-e kowting mih khin khe Ben-Hadad hai akeng mih manguüa dow amatni kowh tangbung kowi kham rak büah thüm chekhai. Nami satang tata hanow aia kowh maru-uüa kowi aia peah ana mih, “Cham dowk tasen kownkow kamrüt büah bowt,” pakhai. Naiawng rakowi amatni dow Samari marow kowi nakowsen kownkow kamrüt khai bowt.13Nami khin khe Israel pren mang Ahab tut-e risi uang towm lowk ia khai. Nami risi uang tek pe mih, “CHAKRAMANG tek mih, ‘Paimi siphai kawm en khi tak bow? Ani dow kowbüah kowi en rut kowi ang naap-ah kown, now ang chowtaih CHAKRAMANG pami en natuk kown,’ pakhai,” pape khai.14Nakhowk khe Ahab lüntaah mih, “Nachenganchepaw mia hown chow naiawng CHAKRAMANG nachangah kown?” pakhai.
Risi klangah mih, “CHAKRAMANG tek pren kruitown miuüa dak kowi kowh uowi mih siphai klanguüa hawmh pe nachang kown,” pape khai.
Ahab lüntaah mih, “Mia chow narik tarowng tasen kown?” pakhai.
Risi klangah mih, “En narik tarowng kown,” pape khai.15Nami laiklow tata now Ahab mih pren kruitown miuüa dak kowi kowh uowi mih siphai klanguüa hawmh 232 ia kowi kuaah lawmah khai. Nami kung kowi dow Israel siphaiuüa kowi kuaah lawmah hanow maru iun 7,000 chowng büah khai.16Nami kung kowi dow sat downg now lawt büah khai bowt. Nakhowk khe amatni dow pren kruitown miuüa dak kowi kowh uowi mih siphai klanguüa hawmh kowi rik pe mangah khai.
Nami khin khe Ben-Hadad hai aia hown kowh manguüa 32 ia dow tangbung khupra kowi pua khowk chepaw kham rak reng tak chekhai. Nakhowk khe krawi paw satang kownkow Ben-Hadad kowchinah mih maru uang plan hanow uang tek pe mih, “Samari marow hownia Israeluüa uang tarü khowk,” pakhai.18Nakhowk khe Ben-Hadad tek mih, “Nauang thawp taking tasangra kownkow amatni uang mih chepaw asing a-i nakhümah kown, now nauang dowk tasen kownkow uang mih chekhai chepaw amatni kowi asing a-i nakhümah kown,” pakhai.19Nakhowk khe pren kruitown miuüa dak kowi kowh uowi mih siphai klanguüa hawmh dow uang dowk tasen khai bowt, now amatni kung kowi Israel siphai hawmh paw uang tawi krawi khai.20Nami khin khe Israel siphaiuüa dow amatni chowlowkkow hown kowh tasen mih ransu kowi nowngta khai. Nami khita hanow Siriauüa dow powt khai bowt, now Israeluüa dow amatni kung kowi kawikrawiah khai. Nachenganchepaw mang Ben-Hadad dow kawrnga kowi kowh chowm mih aia kowh siphai pre sum ia kowi pawla now kawrnga hown powt khai.21Israel pren mang dow uangah hanow ta lawt mih kawrnga kowi saita bowk khai, ta lawt mih kawrnga kari kowi piakta bowk khai, now Siriauüa kowi sai chamang uang saiah khai.22Nami kung kowi nami risi mih Israel pren mang tut-e uang khai iawk. Nami risi uang tek pe mih, “Uang talen mih chungrau khin kung kowi Siria pren mang nauang sen en iawk kown. Naiawng rakowi tawng chow achang takla mih paw tuak kaneu diah, now en kowh siphaiuüa kowi akhawtma thawpah ngamlam diah,” pakhai.23Nami khin khe Siria pren mang kowh maru iukuüa Ben-Hadad kowi peah prengia mih, “Israeluüa kowh thuraiuüa dow hungma mawngma süng kowi kowh thuraiuüa chekhai. A-i lak-e Israeluüa lang kür mih dow naiawng rakowi chowtaih. Nachenganchepaw anaima mih süng kowi che a-i senah now amatni lak-e a-i nalang kür ngengche kown.24Naiawng rakowi maiawng chang diah: Mang 32 ia mih kowi towta hanow amatni takcha kowi siphai aluchowuüa kowi pawah diah.25Nami klen kowi en mata mih siphai iun khowt kutplan thawp siphai hawmh pathum diah. Now en mata mih kawrnga hai kawrnga kari khowt kutplan kamrüt kawrnga hai kawrnga kari iawk diah. Nahanow anaima mih süng kowi Israeluüa kowi a-i senah khe a-i naawng kown towbowt. Nakhowk khe dow Israeluüa lak-e a-i nalang kür tangtang,” pakhai. Nami laiklow tata hanow mang Ben-Hadad dow nauta khai, now aia kowh maru iukuüa tek pe iawng chang khai bowt.26Now auai ning kowh chungrau khin kung kowi mang Ben-Hadad mih Siriauüa kowi kuaah lawmah khai bowt, now Israeluüa kowi nasenah kownkow Afek marow kowi kowkowi khai.27Nakhowk khe Israeluüa paw takua talawm khai. Amatni kowh chakkham kamrütla now amatni paw Siriauüa hown tadowk tasen kownkow tarü khai bowt. Israeluüa mih Siriauüa kowh tangbung khupra pur kowi kowkhup tangbung khai. Israeluüa kowi dow müah khe thum chalachow mih rua hawmh iawng uowi pre thumchow chekhai. Nachenganchepaw Siriauüa dow pasüngma tek mawp chekhai.28Nakhowk khe nami risi uangah now Israel mang kowi uang tek pe mih, “CHAKRAMANG tek mih, ‘Siriauüa tek mih, “CHAKRAMANG dow hungh kowi kowh Thurai taih, lawngrawi kowi kowh Thurai nadowi,” pakhai. Naiawng rakowi Siriauüa kowh siphai hawmh akawmma mih kowi en rut kowi ang naap en kown. Nahanow ang chowtaih CHAKRAMANG pami enni natuk kown,’ pakhai,” pape khai.29Naiawng hai ranit ni mowr amatni dow tatingtang klowk khup tangbung büah khai. Now ranit ni mih ni khe dow tarowng tasen büah khai bowt. Nami ni pani sang khawk hown kowh mang mih Siria siphai 100,000 ia kowi Israeluüa saiah khai.30Now akeng mih Siria siphaiuüa dow Aphek marow kowi kowpowt khai. Aphek marow kowi powt miuüa dow marow tap chan kowh maru iun 27,000 ia kowng khai. Now Ben-Hadad paw Afek marow kowi kowpowt now kim lowk mih kowi kowh towklak kowi kowtapet khai.31Ben-Hadad kowi aia kowh maru iukuüa tek pe mih, “Mangkri, Israel manguüa dow saksing sanara atekma pami anging ta. Naiawng rakowi kelang kowi bawmla sala uan hanow lu kowi piala leng now Israel mang tut-e pe kowi anging madiah. Nahanow aia dow sai en dowi tham chepaw naia,” pakhai.32Naiawng rakowi amatni dow kelang kowi bawmla sala uan hanow lu kowi piala leng khai, now Israel mang tut-e kowkowi khai bowt. Now Israel mang kowi kowtek pe büah mih, “En kowh nar Ben-Hadad tek mih sakrauma hown aia kowi hangkow saiah diah pe,” pape khai.
Nakhowk khe Israel mang klangah mih, “Kawmat paw aia sing reng tak bow? Aia dow ang tainau le,” pakhai.33Nakhowk khe naiawngün maru-uüa dow iung mih chowbowt pahai ka tuak kowh lenlenma tek pe mih, “Ow le, Ben-Hadad dow en tainau reng towbowt le,” pape khai.
Mang Ahab tek pe mih, “Kowkowiah now Ben-Hadad kowi uang pawla büa diah,” pakhai. Ben-Hadad uang towm khe aia kowi dow kawrnga kari luk kowi Ahab tangla now pawla khai.34Now Ben-Hadad tek pe Ahab mih, “En pa hownia kowh apa pawah mih kua maten ang plan peta en iawk kown. Now Samari marow kowi apa krawi thawp chi iawng dow en paw Damaska marow kowi en nakrawi ia thawp chi kown,” pakhai.
Nakhowk khe Ahab tek pe mih, “Naiawng che en chang hanow ang nalawtta en kown taih,” pape khai. Naiawng hai aia dow Ben-Hadad hown tatow sangbowk laitawm kung kowi Ben-Hadad kowi lawtta khai.35Nami khin khe CHAKRAMANG kowh ana pek iawng risiuüa pungmadawng kowi lowk ia mih risi mih aia kowh auiua kowi tek pe mih, “Sakrauma hown bawpta ang naknak dit,” pakhai. Nachenganchepaw aia kowh auiua dow aia kowi nau bawpah dowi chekhai.36Nakhowk khe nami risi tek pe a-auiua mih, “CHAKRAMANG kowh laiklow en chün dowi rakowi ang hownia en powt hown krowksang krangsi namak en hanow nakowngta kown,” pakhai. Now nami risi auiua dow powt hanow aia kowi mih krangsi makah now kowng khai.37Nami kung kowi nami risi mih kutplan khi maru lowk ia iawk. Nami maru kowi nami risi tek pe mih, “Sakrauma hown bawpta ang naknak dit,” pakhai. Nahanow nami maru dow nami risi kowi bawpta naknak khai.38Nami kung kowi dow nami risi mih tiama ria kowi hawt iowng hanow mang Ahab kowi hawt chawngah khai. Aia dow aia kowi mang hang pacham tuk matah lah pakowh bawmla mik khai.39Now nami tiama iawng mang uang mang khe nami risi hawt hawah now tek pe mih, “En kowh nar ang mih tasenra dawng kowi kowkowi chowdiah. Nakhowk khe maru lowk ia mih aia cham khümah mih maru lowk ia kowi ang tut-e uang pawla khai, now tek ang mih, ‘Mami maru kowi hawt ming dit. Mami maru che tama now aia kowh sak takcha en kowh sak ang napawta en kown, nadowi now tai 40 set en naiaw kown takla,’ pakhai.40Nachenganchepaw akeng lup kowi en kowh nar ang pusa thüm khe nami maru dow tawng pra chü cham powt khai,” pakhai.
Nakhowk khe mang Ahab tek pe mih, “Nami ripra dow en naka kown mih chekhai. Tawngplawng kowchow panow nami dow en matia nawr hown en tek khowk chekhai,” pape khai.41Nakhowk khe nami risi dow aia kowh mik mih alenma lowtta khai. Nahanow mang Ahab mih nami maru kowi risi pami tukta khai bowt.42Now Ahab kowi nami risi tek pe mih, “CHAKRAMANG tek mih, ‘Ang napiakah kownkow ang peah piati mih maru kowi en lawtta khai. Naiawng rakowi aia kowh sak takcha en kowh sak ang napawta en kown, now aia kowh maru-uüa sak takcha kowi en kowh maru-uüa kowh sak ang napawta kown,’ pakhai,” pape khai.43Nami laiklow tata hanow mang Ahab dow sak-hiah lai kowh lumowr anumma phaw khai, now Samari marow kowi aia kim kowi mang khai.
Risi klangah mih, “CHAKRAMANG tek pren kruitown miuüa dak kowi kowh uowi mih siphai klanguüa hawmh pe nachang kown,” pape khai.
Ahab lüntaah mih, “Mia chow narik tarowng tasen kown?” pakhai.
Risi klangah mih, “En narik tarowng kown,” pape khai.15Nami laiklow tata now Ahab mih pren kruitown miuüa dak kowi kowh uowi mih siphai klanguüa hawmh 232 ia kowi kuaah lawmah khai. Nami kung kowi dow Israel siphaiuüa kowi kuaah lawmah hanow maru iun 7,000 chowng büah khai.16Nami kung kowi dow sat downg now lawt büah khai bowt. Nakhowk khe amatni dow pren kruitown miuüa dak kowi kowh uowi mih siphai klanguüa hawmh kowi rik pe mangah khai.
Nami khin khe Ben-Hadad hai aia hown kowh manguüa 32 ia dow tangbung khupra kowi pua khowk chepaw kham rak reng tak chekhai. Nakhowk khe krawi paw satang kownkow Ben-Hadad kowchinah mih maru uang plan hanow uang tek pe mih, “Samari marow hownia Israeluüa uang tarü khowk,” pakhai.18Nakhowk khe Ben-Hadad tek mih, “Nauang thawp taking tasangra kownkow amatni uang mih chepaw asing a-i nakhümah kown, now nauang dowk tasen kownkow uang mih chekhai chepaw amatni kowi asing a-i nakhümah kown,” pakhai.19Nakhowk khe pren kruitown miuüa dak kowi kowh uowi mih siphai klanguüa hawmh dow uang dowk tasen khai bowt, now amatni kung kowi Israel siphai hawmh paw uang tawi krawi khai.20Nami khin khe Israel siphaiuüa dow amatni chowlowkkow hown kowh tasen mih ransu kowi nowngta khai. Nami khita hanow Siriauüa dow powt khai bowt, now Israeluüa dow amatni kung kowi kawikrawiah khai. Nachenganchepaw mang Ben-Hadad dow kawrnga kowi kowh chowm mih aia kowh siphai pre sum ia kowi pawla now kawrnga hown powt khai.21Israel pren mang dow uangah hanow ta lawt mih kawrnga kowi saita bowk khai, ta lawt mih kawrnga kari kowi piakta bowk khai, now Siriauüa kowi sai chamang uang saiah khai.22Nami kung kowi nami risi mih Israel pren mang tut-e uang khai iawk. Nami risi uang tek pe mih, “Uang talen mih chungrau khin kung kowi Siria pren mang nauang sen en iawk kown. Naiawng rakowi tawng chow achang takla mih paw tuak kaneu diah, now en kowh siphaiuüa kowi akhawtma thawpah ngamlam diah,” pakhai.23Nami khin khe Siria pren mang kowh maru iukuüa Ben-Hadad kowi peah prengia mih, “Israeluüa kowh thuraiuüa dow hungma mawngma süng kowi kowh thuraiuüa chekhai. A-i lak-e Israeluüa lang kür mih dow naiawng rakowi chowtaih. Nachenganchepaw anaima mih süng kowi che a-i senah now amatni lak-e a-i nalang kür ngengche kown.24Naiawng rakowi maiawng chang diah: Mang 32 ia mih kowi towta hanow amatni takcha kowi siphai aluchowuüa kowi pawah diah.25Nami klen kowi en mata mih siphai iun khowt kutplan thawp siphai hawmh pathum diah. Now en mata mih kawrnga hai kawrnga kari khowt kutplan kamrüt kawrnga hai kawrnga kari iawk diah. Nahanow anaima mih süng kowi Israeluüa kowi a-i senah khe a-i naawng kown towbowt. Nakhowk khe dow Israeluüa lak-e a-i nalang kür tangtang,” pakhai. Nami laiklow tata hanow mang Ben-Hadad dow nauta khai, now aia kowh maru iukuüa tek pe iawng chang khai bowt.26Now auai ning kowh chungrau khin kung kowi mang Ben-Hadad mih Siriauüa kowi kuaah lawmah khai bowt, now Israeluüa kowi nasenah kownkow Afek marow kowi kowkowi khai.27Nakhowk khe Israeluüa paw takua talawm khai. Amatni kowh chakkham kamrütla now amatni paw Siriauüa hown tadowk tasen kownkow tarü khai bowt. Israeluüa mih Siriauüa kowh tangbung khupra pur kowi kowkhup tangbung khai. Israeluüa kowi dow müah khe thum chalachow mih rua hawmh iawng uowi pre thumchow chekhai. Nachenganchepaw Siriauüa dow pasüngma tek mawp chekhai.28Nakhowk khe nami risi uangah now Israel mang kowi uang tek pe mih, “CHAKRAMANG tek mih, ‘Siriauüa tek mih, “CHAKRAMANG dow hungh kowi kowh Thurai taih, lawngrawi kowi kowh Thurai nadowi,” pakhai. Naiawng rakowi Siriauüa kowh siphai hawmh akawmma mih kowi en rut kowi ang naap en kown. Nahanow ang chowtaih CHAKRAMANG pami enni natuk kown,’ pakhai,” pape khai.29Naiawng hai ranit ni mowr amatni dow tatingtang klowk khup tangbung büah khai. Now ranit ni mih ni khe dow tarowng tasen büah khai bowt. Nami ni pani sang khawk hown kowh mang mih Siria siphai 100,000 ia kowi Israeluüa saiah khai.30Now akeng mih Siria siphaiuüa dow Aphek marow kowi kowpowt khai. Aphek marow kowi powt miuüa dow marow tap chan kowh maru iun 27,000 ia kowng khai. Now Ben-Hadad paw Afek marow kowi kowpowt now kim lowk mih kowi kowh towklak kowi kowtapet khai.31Ben-Hadad kowi aia kowh maru iukuüa tek pe mih, “Mangkri, Israel manguüa dow saksing sanara atekma pami anging ta. Naiawng rakowi kelang kowi bawmla sala uan hanow lu kowi piala leng now Israel mang tut-e pe kowi anging madiah. Nahanow aia dow sai en dowi tham chepaw naia,” pakhai.32Naiawng rakowi amatni dow kelang kowi bawmla sala uan hanow lu kowi piala leng khai, now Israel mang tut-e kowkowi khai bowt. Now Israel mang kowi kowtek pe büah mih, “En kowh nar Ben-Hadad tek mih sakrauma hown aia kowi hangkow saiah diah pe,” pape khai.
Nakhowk khe Israel mang klangah mih, “Kawmat paw aia sing reng tak bow? Aia dow ang tainau le,” pakhai.33Nakhowk khe naiawngün maru-uüa dow iung mih chowbowt pahai ka tuak kowh lenlenma tek pe mih, “Ow le, Ben-Hadad dow en tainau reng towbowt le,” pape khai.
Mang Ahab tek pe mih, “Kowkowiah now Ben-Hadad kowi uang pawla büa diah,” pakhai. Ben-Hadad uang towm khe aia kowi dow kawrnga kari luk kowi Ahab tangla now pawla khai.34Now Ben-Hadad tek pe Ahab mih, “En pa hownia kowh apa pawah mih kua maten ang plan peta en iawk kown. Now Samari marow kowi apa krawi thawp chi iawng dow en paw Damaska marow kowi en nakrawi ia thawp chi kown,” pakhai.
Nakhowk khe Ahab tek pe mih, “Naiawng che en chang hanow ang nalawtta en kown taih,” pape khai. Naiawng hai aia dow Ben-Hadad hown tatow sangbowk laitawm kung kowi Ben-Hadad kowi lawtta khai.35Nami khin khe CHAKRAMANG kowh ana pek iawng risiuüa pungmadawng kowi lowk ia mih risi mih aia kowh auiua kowi tek pe mih, “Sakrauma hown bawpta ang naknak dit,” pakhai. Nachenganchepaw aia kowh auiua dow aia kowi nau bawpah dowi chekhai.36Nakhowk khe nami risi tek pe a-auiua mih, “CHAKRAMANG kowh laiklow en chün dowi rakowi ang hownia en powt hown krowksang krangsi namak en hanow nakowngta kown,” pakhai. Now nami risi auiua dow powt hanow aia kowi mih krangsi makah now kowng khai.37Nami kung kowi nami risi mih kutplan khi maru lowk ia iawk. Nami maru kowi nami risi tek pe mih, “Sakrauma hown bawpta ang naknak dit,” pakhai. Nahanow nami maru dow nami risi kowi bawpta naknak khai.38Nami kung kowi dow nami risi mih tiama ria kowi hawt iowng hanow mang Ahab kowi hawt chawngah khai. Aia dow aia kowi mang hang pacham tuk matah lah pakowh bawmla mik khai.39Now nami tiama iawng mang uang mang khe nami risi hawt hawah now tek pe mih, “En kowh nar ang mih tasenra dawng kowi kowkowi chowdiah. Nakhowk khe maru lowk ia mih aia cham khümah mih maru lowk ia kowi ang tut-e uang pawla khai, now tek ang mih, ‘Mami maru kowi hawt ming dit. Mami maru che tama now aia kowh sak takcha en kowh sak ang napawta en kown, nadowi now tai 40 set en naiaw kown takla,’ pakhai.40Nachenganchepaw akeng lup kowi en kowh nar ang pusa thüm khe nami maru dow tawng pra chü cham powt khai,” pakhai.
Nakhowk khe mang Ahab tek pe mih, “Nami ripra dow en naka kown mih chekhai. Tawngplawng kowchow panow nami dow en matia nawr hown en tek khowk chekhai,” pape khai.41Nakhowk khe nami risi dow aia kowh mik mih alenma lowtta khai. Nahanow mang Ahab mih nami maru kowi risi pami tukta khai bowt.42Now Ahab kowi nami risi tek pe mih, “CHAKRAMANG tek mih, ‘Ang napiakah kownkow ang peah piati mih maru kowi en lawtta khai. Naiawng rakowi aia kowh sak takcha en kowh sak ang napawta en kown, now aia kowh maru-uüa sak takcha kowi en kowh maru-uüa kowh sak ang napawta kown,’ pakhai,” pape khai.43Nami laiklow tata hanow mang Ahab dow sak-hiah lai kowh lumowr anumma phaw khai, now Samari marow kowi aia kim kowi mang khai.
The Seed Company