1 Manguüa21
1Jezrel marow kowi Nabawt pami maru uowi lowk ia. Aia kowh dow grep krum uowi lowk chekhai. Nami grep krum dow Jezrel marow kowi kowh Samari marow mang Ahab kim re-e chekhai.2Akat khe Ahab tek pe Nabawt mih, “En kowh grep krum dow ang kim re-e chekhai. Naiawng rakowi ang nachangla kan eng khang kownkow en kowh grep krum peta ang towbowt. Nami takcha kowi nami lak-e kowh iung mih grep krum ang pe en parah kown towbowt, nadowi now asung takla iawng ang pe en kown towbowt,” pakhai.3Nachenganchepaw Nabawt klangah mih, “Nami grep krum dow ang pipu-uüa hownia kowh ang kaah mih chekhai. Nami che ang peta en hanow CHAKRAMANG mih pacham pe ang piati lah,” pape khai.4Naiawng Nabawt tek pe rakowi Ahab dow lumowr khüptürma hai atawm kunmarau hown kim kowi mang khai. Aia dow kowmawk hanow kimbang prakowi cham dangta lumowr khai, now cha dowi kham dowi chekhai.5Nakhowk khe Ahab kowi amasi Jezebel lüntaah mih, “Tawngplawng kowchow en sak nga khai? Tawngplawng kowchow en cha en kham dowi?” pakhai.6Ahab klangah mih, “Nabawt kowi aia kowh grep krum nasumta ang kown mih ang tek pe chowdiah, nadowi now aia kowh grep krum takcha akeng mih grep krum peah kown mih ang tek pe chowdiah. Nachenganchepaw aia kowh grep krum nape ang dowi kown mih tek ang khai,” pape khai.7Nakhowk khe amasi tek pe aia mih, “En nadowi bow Israel pren mang? Rü now cha chakkham diah, now piaw diah. Nabawt kowh grep krum ang pe en sow,” pakhai.8Nami kung kowi Jezebel dow ahua Ahab ming hown rui chasak sangrum khai, now naiawngün chasak kowi ahua kowh mur tuk pe khai. Naiawngün dow Nabawt uowiah mih marow kowi kowh lawngtang aluchowuüa hai maru iukuüa tut-e aia krawi sa pe khai.9Naiawngün chasak kowi aia krawi rui pe mih, “Maru kawmuüa kowi kuaah lawmah hanow pe khangah hawm büa diah, now Nabawt kowi mih ringkawra uowima mih arah kowi pe chowmah büa diah.10Nabawt hown tatang klowk maru ngak pre ia kowi pe chowmah diah. Now Thurai hai mang kowi Nabawt peah piati pahai amatchi kowi pe thuakah saksi diah. Nami kung kowi dow Nabawt kowi mih marow uat kowi cham pawla hanow kowng pat huaklu hown kuakah diah,” pakhai.11Naiawng rakowi Nabawt uowi rah marow kowi kowh lawngtang aluchowuüa hai maru iukuüa mih Jezebel chasak kowi kowh arui uowi mih ana iawng chang khai.12Amatni dow nakhang hawm kownkow takua talawm büah khai, now Nabawt kowi ringkawra uowima mih arah kowi pe chowmah büah khai.13Nami kung kowi maru ngak pre ia dow uang hanow Nabawt pur kowi uang chowm khai. Now amatchi dow Nabawt lawnguan kowi uang thuak saksi mih, “Nabawt dow Thurai hai mang kowi peah rukrai khai,” pakhai. Nahanow maru kawmuüa mih marow uat kowi Nabawt kowi cham pawla hanow kowng pat huaklu hown kuakah khai.14Nami kung kowi dow huaklu hown kuakah kowh Nabawt kowi kowngta khowk pami satang nami lawngtang aluchowuüa mih Jezebel kowi krawi phowng pe khai.15Nabawt kowi huaklu hown kuakah kowh kowngta khowk pami satang tata hown krowksang Jezebel tek pe Ahab mih, “Nabawt kowng tüng khowk. Aia nau sum en dowi mih aia kowh grep krum kowpowngta bowt,” pakhai.16Nami satang tata hanow Ahab dow Nabawt kowh grep krum nakowpowng kownkow kowkowi khai.17Nakhowk khe Tisbe marowchak Elija tut-e CHAKRAMANG kowh laiklow uang towm khai. CHAKRAMANG tek pe mih,18“Samari marow kowi Israel pren mang Ahab hown kowtakrum diah. Aia dow kawmat Nabawt kowh grep krum kowi chekhai. Nakowi aia uang mih dow nami grep krum nauang powng kownkow chekhai.19Ang CHAKRAMANG kowh laiklow Ahab kowi maiawng kowtek pe diah, ‘Nabawt kowi saita hanow aia kowh grep krum en powngta pe khai. Naiawng rakowi Nabawt kowh vi kui hawmh bia pe mih rah re-e en kowh vi kui hawmh nabia en kown,’ pape diah,” pakhai.20Elija kowi Ahab tek pe mih, “Ang kowh ransu, en krumta ang khai,” pakhai.
Elija klangah mih, “Ow, ang krumta en mih chowbowt. Tawngplawng kowchow panow CHAKRAMANG mik kowi angakma mih lup nachang kownkow en matia kowi en tape khai.21Naiawng rakowi CHAKRAMANG tek en mih, ‘En luk kowi ang nauang pawla en phih kown. En kowi mih asaima ang napiakta en kown. En krungchak kachakuüa maten kowi nar lah, nar nadowi mih lah ang nasaita bowk kown.22En krungchak kowi mih Nabawt chapa Jeroboam krungchak hai Ahija chapa Basa krungchak kowi iawng ang napiakah kown. Tawngplawng kowchow panow en towk ang kunmarau khai, now Israeluüa kowi en pe changah angak khai,’ pakhai,” pape khai.23Elija plan tek mih, “Jezebel lawnguan kowi CHAKRAMANG tek mih, ‘En masi Jezebel kowi paw Jezrel marow tap re-e kui hawmh nachaah kown,’ pakhai.24Marow kowi kowh kowng mih en kowh maru-uüa kowi dow kui nachaah kown, now marow uat kowi kowh kowng miuüa kowi dow uakling uaber hawmh nachawtah kown,” pape khai.25Jezebel chükah rakowi Ahab dow CHAKRAMANG mik kowi angakma mih lup nachang kownkow tape khai. Aia iawng khowt chang lup ngak mih maru dow miapaw uowi dowi bowt chekhai.26Ahab dow Israeluüa pur hownia kowh CHAKRAMANG prütta mih Amawruüa iawng suiiai kaniaima mih arup aren kowi tawi chupiia khai.27CHAKRAMANG kowh laiklow tata hanow Ahab mih aia kowh tawnguat thekta hanow klüpta khai, now khup sala uan hanow khang hawm khai. Aia dow sala uan khupma hown mawk khai, now cham len khe paw saktuak piak rakowi pawplachow chekhai.28Nakhowk khe Tisbe marowchak Elija kowi CHAKRAMANG tek pe mih,29“Ang pur kowi Ahab uang khamsum khamdaw mih en khi nadowi bow? Naiawng aia uang khamsum khamdaw khai rakowi mami phih mih aia chownglawng kowi ang nauang pawla pe kown nadowi. Nachenganchepaw achapa chowng kowi dow aia krungchakuüa luk kowi mami phih ang nauang pawla pe kown,” pakhai.
Elija klangah mih, “Ow, ang krumta en mih chowbowt. Tawngplawng kowchow panow CHAKRAMANG mik kowi angakma mih lup nachang kownkow en matia kowi en tape khai.21Naiawng rakowi CHAKRAMANG tek en mih, ‘En luk kowi ang nauang pawla en phih kown. En kowi mih asaima ang napiakta en kown. En krungchak kachakuüa maten kowi nar lah, nar nadowi mih lah ang nasaita bowk kown.22En krungchak kowi mih Nabawt chapa Jeroboam krungchak hai Ahija chapa Basa krungchak kowi iawng ang napiakah kown. Tawngplawng kowchow panow en towk ang kunmarau khai, now Israeluüa kowi en pe changah angak khai,’ pakhai,” pape khai.23Elija plan tek mih, “Jezebel lawnguan kowi CHAKRAMANG tek mih, ‘En masi Jezebel kowi paw Jezrel marow tap re-e kui hawmh nachaah kown,’ pakhai.24Marow kowi kowh kowng mih en kowh maru-uüa kowi dow kui nachaah kown, now marow uat kowi kowh kowng miuüa kowi dow uakling uaber hawmh nachawtah kown,” pape khai.25Jezebel chükah rakowi Ahab dow CHAKRAMANG mik kowi angakma mih lup nachang kownkow tape khai. Aia iawng khowt chang lup ngak mih maru dow miapaw uowi dowi bowt chekhai.26Ahab dow Israeluüa pur hownia kowh CHAKRAMANG prütta mih Amawruüa iawng suiiai kaniaima mih arup aren kowi tawi chupiia khai.27CHAKRAMANG kowh laiklow tata hanow Ahab mih aia kowh tawnguat thekta hanow klüpta khai, now khup sala uan hanow khang hawm khai. Aia dow sala uan khupma hown mawk khai, now cham len khe paw saktuak piak rakowi pawplachow chekhai.28Nakhowk khe Tisbe marowchak Elija kowi CHAKRAMANG tek pe mih,29“Ang pur kowi Ahab uang khamsum khamdaw mih en khi nadowi bow? Naiawng aia uang khamsum khamdaw khai rakowi mami phih mih aia chownglawng kowi ang nauang pawla pe kown nadowi. Nachenganchepaw achapa chowng kowi dow aia krungchakuüa luk kowi mami phih ang nauang pawla pe kown,” pakhai.
The Seed Company