1 Manguüa19
1Risi Elija changah mih lup lawnguan maten hai Baal thuraiuüa kowh risiuüa maten kowi saita pe mih lawnguan dow mang Ahab mih amasi Jezebel kowi lawpta pe bowk khai.2Naiawngün laiklow tata hanow Jezebel dow Elija tut-e kowchin maru hanow krawi tek pe mih, “Tharau kowh maiawng khin khe risiuüa kowi kowh en saiah iawng ang nasai en kown. Ang che sai en dowi hanow thuraiuüa mih rip chamang pacham rip ang lah,” pakhai.3Nami tata hanow Elija dow kram kowh aia kowh sak naplaila kownkow cham powt khai. Nakhowk khe aia dow Juda süng kowi kowh Ber-Seba marow kowi kowtowm khai, now anar kowi dow nakowi ta towla khai.4Nachenganchepaw aiamat dow süngrüp süngkangma kowi pani mang rawng kowmang khai. Now aia dow nakowi kowh singh klim kowi kowchowm hanow aia kowi kowngta kown mih vüi chup Thurai khai. Aia chup Thurai mih, “Aw CHAKRAMANG, nakhowk tak. Khaleng dow iu pawta ang asak bowt. Tawngplawng kowchow panow ang dow ang kowh pipu-uüa lak-e lang iung dowi chekhai,” pakhai.5Nami kung kowi aia dow nami singh klim kowi mawk hanow amüi khai.
Nami khin khe kramamu lowk ia dow aia kowi uang lowkah hanow tek pe mih, “Rü diah, now cha chakkham diah,” pakhai.6Now aia krawi tang mü hanow aia lu re-e hua den kowi kowh awpah mih kawmpah apah hai tui uowi pachawk mih aia khi khai. Nami chala khamla now aia dow plan müi khai iawk.7Now CHAKRAMANG kowh kramamu dow Elija tut-e plan uang khai iawk. Nami kramamu dow Elija kowi lowkah se tek pe mih, “Rü diah, now cha chakkham diah. Tawngplawng kowchow panow en vüi dow en namangah kown mih tiama aiatma chekhai,” pakhai.8Naiawng rakowi aia dow awr rü hanow cha chakkham khai. Nami chakkham chata hanow aia mih ka kür khai, now aia dow 40 ni 40 uar mowr mang hanow Thurai kowh Sinai hungh kowi kowtowm khai.9Aia dow nami hungh kowi kowh puk kowi kowkup hanow hing iak khai. Risi Elija tut-e CHAKRAMANG uang mih
Nakowi Elija uowi khe CHAKRAMANG uang tek pe mih, “Elija, mami re-e tawng chow en chang?” pakhai.10Nakhowk khe Elija klangah mih, “Lang kri lang kraing mih CHAKRAMANG Thurai, ang dow en naka ringkawra kown mih lawnguan kowi lainowmma ang towk kür khai. Nachenganchepaw Israeluüa dow en kowh sangbowk laitawm nuata khai, en kowh phuchuara ün piakta büah bowk khai, now en kowh risiuüa kowi ün krawi saita büah bowk khai. Ta sing uowi mih dow ang malowkchow towbowt, now kawmat Israeluüa mih ang kowi paw nasaita ang kownkow sangkrang büah thüm chekhai,” pape khai.11Nakhowk khe CHAKRAMANG tek pe mih, “Puk hownia uang lawt now hungh luk kowi ang pur kowi uang iowng diah,” pakhai. Nami khin khe CHAKRAMANG dow nami arah pur iawng haimang khai. Now CHAKRAMANG pur kowi dow liku mang uang hanow hungh ün talak khai, now singku huamang ün dow tadi iawm khai. Nachenganchepaw nami liku kowi dow CHAKRAMANG uowi dowi chekhai. Liku kung kowi dow lihowng uang khai. Nachenganchepaw nami lihowng kowi paw CHAKRAMANG uowi dowi chekhai.12Nami lihowng kung kowi dow maih uang ting khai. Tawkchedow nami maih kowi paw CHAKRAMANG uowi dowi chekhai. Nami maih kung kowi dow laiklow klamchow mih aia ta khai.13Nami klow tata hanow Elija dow aia kowh uanpowngchow hown mumta lumowr khai, now aia dow prang kowi lawt hanow puk mowr re-e uang iowng khai.
Nami kung kowi CHAKRAMANG tek pe Elija mih, “Elija, mami re-e tawng chow en chang?” pakhai.14Nakhowk khe Elija klangah mih, “Lang kri lang kraing mih CHAKRAMANG Thurai, ang dow en naka ringkawra kown mih lawnguan kowi lainowmma ang towk kür khai. Nachenganchepaw Israeluüa dow en kowh sangbowk laitawm nuata khai, en kowh phuchuara ün piakta büah bowk khai, now en kowh risiuüa kowi ün krawi saita büah bowk khai. Ta sing uowi mih dow ang malowkchow towbowt, now kawmat Israeluüa mih ang kowi paw nasaita ang kownkow sangkrang büah thüm chekhai,” pape khai.15Nakhowk khe CHAKRAMANG tek pe mih, “En uang tarüla mih tiama iawng plan hanow Damaska marow kowi kowh süngrüp süngkangma kowi kowkowi diah. Nakowi en kowting hanow Siria pren kowi nachowm mang kownkow Hazael kowi nümnapah diah.16Nami klen kowi Nimsi kowh chu Jehu kowi paw Israel pren kowi nachowm mang kownkow nümnapah diah, now en kowh arah kowi nata chang risi lup kownkow Abel-Mehola marowchak Safat chapa Elisa kowi nümnapah diah.17Hazael saidawng hownia kowh plai miuüa kowi dow Jehu nasaita kown, now Jehu saidawng hownia kowh plai miuüa kowi dow Elisa nasaita kown.18Nachenganchepaw Baal thurai pur kowi tawi tabawk dowi mih hai nami arup kowi tawi nam dowi mih Israeluüa kowi dow ang lang towta 7,000 ia khowk,” pakhai.19Akung kowi Elija dow nami hownia powt hanow Safat chapa Elisa hown takrum khai. Nami khin khe Elisa dow chiala pachum hown hawt thawn laih khai. Now aia pur kowi dow akeng mih maru-uüa mih chiala lailowk chum hown thawn laih khai. Now Elisa re-e Elija kowkowiah hanow aia kowh uanpowngchow mih Elisa pangkawt kowi haipai pe khai.20Nahanow Elisa dow aia kowh chiala ta towla hüah now Elija kung tawi krawi khai. Elisa tek pe mih, “Au hai apa iüah kowi ang kownamla tak. Nami kung kowi dow en tut-e ang tawi kown taih,” pakhai.
Nakhowk khe Elija tek pe mih, “Ow, kowkowi bowt. Tawkche en nauang plan kown takla. Tawngplawng kowchow panow ang pai en uanpowngchow mih lup dow pankrima chekhai,” pape khai.21Naiawng rakowi Elisa dow aia kowh chiala uowi rah re-e uang plan khai. Now aia kowh chiala pachum dow ngenah hanow thawpla laih thawn tim mih singh hown engah khai, now nami chaknga dow maru kawmuüa cha khai. Nami kung kowi dow aia mih Elija tut-e kowtawi khai, now Elija kowh lup chang mih tawi chowng khai.
Nami khin khe kramamu lowk ia dow aia kowi uang lowkah hanow tek pe mih, “Rü diah, now cha chakkham diah,” pakhai.6Now aia krawi tang mü hanow aia lu re-e hua den kowi kowh awpah mih kawmpah apah hai tui uowi pachawk mih aia khi khai. Nami chala khamla now aia dow plan müi khai iawk.7Now CHAKRAMANG kowh kramamu dow Elija tut-e plan uang khai iawk. Nami kramamu dow Elija kowi lowkah se tek pe mih, “Rü diah, now cha chakkham diah. Tawngplawng kowchow panow en vüi dow en namangah kown mih tiama aiatma chekhai,” pakhai.8Naiawng rakowi aia dow awr rü hanow cha chakkham khai. Nami chakkham chata hanow aia mih ka kür khai, now aia dow 40 ni 40 uar mowr mang hanow Thurai kowh Sinai hungh kowi kowtowm khai.9Aia dow nami hungh kowi kowh puk kowi kowkup hanow hing iak khai. Risi Elija tut-e CHAKRAMANG uang mih
Nakowi Elija uowi khe CHAKRAMANG uang tek pe mih, “Elija, mami re-e tawng chow en chang?” pakhai.10Nakhowk khe Elija klangah mih, “Lang kri lang kraing mih CHAKRAMANG Thurai, ang dow en naka ringkawra kown mih lawnguan kowi lainowmma ang towk kür khai. Nachenganchepaw Israeluüa dow en kowh sangbowk laitawm nuata khai, en kowh phuchuara ün piakta büah bowk khai, now en kowh risiuüa kowi ün krawi saita büah bowk khai. Ta sing uowi mih dow ang malowkchow towbowt, now kawmat Israeluüa mih ang kowi paw nasaita ang kownkow sangkrang büah thüm chekhai,” pape khai.11Nakhowk khe CHAKRAMANG tek pe mih, “Puk hownia uang lawt now hungh luk kowi ang pur kowi uang iowng diah,” pakhai. Nami khin khe CHAKRAMANG dow nami arah pur iawng haimang khai. Now CHAKRAMANG pur kowi dow liku mang uang hanow hungh ün talak khai, now singku huamang ün dow tadi iawm khai. Nachenganchepaw nami liku kowi dow CHAKRAMANG uowi dowi chekhai. Liku kung kowi dow lihowng uang khai. Nachenganchepaw nami lihowng kowi paw CHAKRAMANG uowi dowi chekhai.12Nami lihowng kung kowi dow maih uang ting khai. Tawkchedow nami maih kowi paw CHAKRAMANG uowi dowi chekhai. Nami maih kung kowi dow laiklow klamchow mih aia ta khai.13Nami klow tata hanow Elija dow aia kowh uanpowngchow hown mumta lumowr khai, now aia dow prang kowi lawt hanow puk mowr re-e uang iowng khai.
Nami kung kowi CHAKRAMANG tek pe Elija mih, “Elija, mami re-e tawng chow en chang?” pakhai.14Nakhowk khe Elija klangah mih, “Lang kri lang kraing mih CHAKRAMANG Thurai, ang dow en naka ringkawra kown mih lawnguan kowi lainowmma ang towk kür khai. Nachenganchepaw Israeluüa dow en kowh sangbowk laitawm nuata khai, en kowh phuchuara ün piakta büah bowk khai, now en kowh risiuüa kowi ün krawi saita büah bowk khai. Ta sing uowi mih dow ang malowkchow towbowt, now kawmat Israeluüa mih ang kowi paw nasaita ang kownkow sangkrang büah thüm chekhai,” pape khai.15Nakhowk khe CHAKRAMANG tek pe mih, “En uang tarüla mih tiama iawng plan hanow Damaska marow kowi kowh süngrüp süngkangma kowi kowkowi diah. Nakowi en kowting hanow Siria pren kowi nachowm mang kownkow Hazael kowi nümnapah diah.16Nami klen kowi Nimsi kowh chu Jehu kowi paw Israel pren kowi nachowm mang kownkow nümnapah diah, now en kowh arah kowi nata chang risi lup kownkow Abel-Mehola marowchak Safat chapa Elisa kowi nümnapah diah.17Hazael saidawng hownia kowh plai miuüa kowi dow Jehu nasaita kown, now Jehu saidawng hownia kowh plai miuüa kowi dow Elisa nasaita kown.18Nachenganchepaw Baal thurai pur kowi tawi tabawk dowi mih hai nami arup kowi tawi nam dowi mih Israeluüa kowi dow ang lang towta 7,000 ia khowk,” pakhai.19Akung kowi Elija dow nami hownia powt hanow Safat chapa Elisa hown takrum khai. Nami khin khe Elisa dow chiala pachum hown hawt thawn laih khai. Now aia pur kowi dow akeng mih maru-uüa mih chiala lailowk chum hown thawn laih khai. Now Elisa re-e Elija kowkowiah hanow aia kowh uanpowngchow mih Elisa pangkawt kowi haipai pe khai.20Nahanow Elisa dow aia kowh chiala ta towla hüah now Elija kung tawi krawi khai. Elisa tek pe mih, “Au hai apa iüah kowi ang kownamla tak. Nami kung kowi dow en tut-e ang tawi kown taih,” pakhai.
Nakhowk khe Elija tek pe mih, “Ow, kowkowi bowt. Tawkche en nauang plan kown takla. Tawngplawng kowchow panow ang pai en uanpowngchow mih lup dow pankrima chekhai,” pape khai.21Naiawng rakowi Elisa dow aia kowh chiala uowi rah re-e uang plan khai. Now aia kowh chiala pachum dow ngenah hanow thawpla laih thawn tim mih singh hown engah khai, now nami chaknga dow maru kawmuüa cha khai. Nami kung kowi dow aia mih Elija tut-e kowtawi khai, now Elija kowh lup chang mih tawi chowng khai.
The Seed Company