O Yohanes14
1O Yesus wotemo awi ni-nii'i'a, <<Uwa nia hininga ihuha. Halingou nionga'u ma Jou ma Dutu'a de nionga'u Ngoino ma.2'Ai Dea awi woa'a o ngii pomanoa-noa 'ao lepe'a. Ngoi totagi geena'a ma ngale tohi'adiai to ngini 'ania ngii. Ngoi maraio'au 'atohidemowa nao la geena 'a ma gounguwa.3Na'o Ngoi totagi geena'a de tohi'adiaio'au nia ngii, aha ta'ainoli tini'ehe, la 'ia'a naga ngoi, ngini ma geena'a.4O ngii 'ia'a ngoi totagi, ngini niohi'ana'o ma ngekomo.>>5Geena'a de o Tomas wotemo o Yesusi'a, <<Jou, ngomi 'amiana'owa 'ia'a Notagi, de cara'iau ngomi mihi'ana'o ma nge'omo?>>6De o Yesus wopaluhu, <<Ngoiou neena o ngeomo ma ngale ma dumutu ma Jou ma Dutu'a, de Ngoiou neena tohingahu-ngahu o 'iau ge iti-tiai, de Ngoiou neena ma to'ula o wowango 'ahiado-adoni'a. 'Amoiwa moi idadi yo'ai'a ma Jou ma Dutu'a, na'o 'a de de ngoiwa.7Na'o ngini nina'o Ngoi, ma raio'au ngini niwina'o 'Ai Dea ma. Ma oraha neena ngini niwina'o'a Una, de niwina'o'au Una.>>8Ho o Filipus wotemo o Yesusi'a, <<Jou, nimihimaitino Ani Dea guuna, 'ageena duga mia ga-gaaho'o.>>9Ma o Yesus wopaluhu, <<Ee Filipus, 'ogeenau ma daao ngoi de de ngini, de 'anoina'owahi? O nyawa gee 'ima'e'au Ngoi, geena wima'e'au 'Ai Dea. De cara'iau ho nogoaaho'o, tinimihimaiti 'Ai Dea guuna?10Filipus, 'anonga'uwa na'o Ngoi de 'Ai Dea ge'ena 'a moi, de 'ai Dea de Ngoi geena 'a moi? O 'iau naga gee totemo-temo ngini'a geena 'a to ngoiwa ma hirete 'Ai mau, Ma 'Ai Dea gee 'a moi de de Ngoi, Unau wodiai awi 'arajaanga moi-moi geena.11'Anionga'u bato, ngoi de 'ai Dea ge'ena 'a moi, de 'ogeenali ma 'una de de ngoi. E'ola na'o namao ihuha nionga'u o 'iau totemo'au, itigoo'o nionga'u hababu o'iau naga todiaio'au.12Ma gou-goungu itiai 'ai demo neena: O nyawa nage yonga'u-ngaku ngoino, aha yadiai o arajaanga nage ngoi tadi-diai, de ona aha yadiai 'iholoiohi 'ila-laagomo, hababu ngoi totagiou 'ai Dea'a.13De okia naga bato niogaaho'o de to Ngoi 'ai 'uaha, geena aha tini'ula, la ma nge'omo Ngoi ma Jou ma Dutu awi Ngoa'a, o nyawa aha wihilamo'o 'ai Dea.14O'iau naga bato niogaaho'o de to ngoi 'ai 'uaha, aha tini'ula.>>15O Yesus wotemoli, <<Na'o ngini nihibohono Ngoi, ngini aha niodinii'i moi-moi nage tohulo-hulo'o ngini'a.16De ngoi aha togaaho'o 'ai Dea'a, la niwi'ula o Du-duhunu moioli, gee aha 'imanoa de de ngini 'ahiado-adoni'a.17'Ena geena o Omaha 'Iofi-ofi nage aha nihimaiti iti-tiai mangale ma Jou Dutu. O nyawa o dunia'a ge 'ayonga'u-nga'uwa, ona 'ayaa'unua yadawonguo o Omaha 'Iofi-ofi hababu ona oyama'ewa e'ola oyana'owa Ena'a. Ma ngini niana'o Ena'a, hababu Ena naga de de ngini, e duga ena 'imanoa 'ania hingina'a.18Ngoi aha 'atinimada'awa 'a nginio'a harage o goohihi. Ngoi aha tolioli nginino.19'Aitaaowau de o nyawa o dunia'a aha 'a 'Ima'ewau. Ma ngini aha nima'eli Ngoi. De hababu Ngoi towango, ho ngini ma aha niawowango 'aihiado-adoni'a.20Na'o ma wange yaadono towangoli, ngini aha niana'o nao Ngoi de 'Ai Dea 'a moi, ngini de Ngoi 'a moi de Ngoi de de ngini 'a moi.21O nyawa gee yadawongo de yaigo yadiai o'iau naga gee Tohulo-hulo'o, o nyawa geena 'Ihibohono Ngoi. 'Ai Dea aha Woihibohono o nyawa nage 'Ihiboho-bohono ngoi, ngoi ma aha To'ihibohono o nyawa goona, de Tomahimaiti ona'a.>>22O Yudas nage 'a o Yudas Iskariotuwa wohano o Yesusi'a wotemo, <<Jou, idodoau ho 'anomahimaitua o nyawa ma regu'a o dunia'a neena ho 'a ngomino?>>23O Yesus wopaluhu, <<O nyawa nage igou-goungu 'ihibohono ngoi, aha yodinii'i 'ai do-doto'o. 'Ai Dea aha wo'ihibohono ona, de 'una de de ngoi aha mioboa ona'a de miomanoa de de ona.24O nyawa gee oihibohonuwa Ngoi, ona oyamote'uwa 'ai do-doto'o. O do-doto'o gee ngini nioihe-ihene, ge'ena 'a ngoinowa, ma 'ena 'ai Deano gee woihulo-hulo'o.25Moi-moi geena tohidemo ngini'a, ma oraha ngoi 'a de de nginiosi.26Ma o Omaha 'Iofi-ofi, geenala o Du-duhunu nage aha 'ai Dea wohidingoto ma ngale 'Ai ngaliti, Ena aha nihidoto'o o 'iau hona moi-moi, de 'ihidanganono ngini'a o 'iau naga tohidemo'au ngini'a.27Oraha neena Ngoi totagiou ma aha tini'ula o dame ngini'a, de to Ngoi 'ai dame nage Tini'ula-'ula geena 'aimaterowa de o nyawa o dunia'a ni'ula. Uwa niododato, de uwa niohawana.28Ngini nioheno'au, tinihidemo onane: <Ngoi aha totagi, ma aha toboali nginino.> Na'o ngini nihibohono, ngini aha niogarago Ngoi totagi 'Ai Dea'a, hababu Una 'iholoi wodaduie de de Ngoi.29Ma oraha neena, moi-moi geena 'aidadiwahi 'ena tinihidemo'au. La na'o geena idadi, ngini aha nionga'u.30Ngoi ma ailepewau tomaade-ade de de ngini, hababu ma oraha yaadono'au o dunia'a 'ipa-pareta geena la o To'ata ma Oana geena 'iboa'au. Ena 'aia'unua 'ipareta Ngoino.31Ma geena moi-moi halingou idadi la o nyawa o dunia'a yomangariti na'o Ngoi towihibohono 'ai Dea, de tadiai o 'iau hona moi-moi nage 'ai Dea wohulo-hulo'o.
Aa, niaino ngone potagiou!>>
Aa, niaino ngone potagiou!>>
The Seed Company