O Yohanes13
1O wange moiohi de o Yahudio'a wange ma amo'o nage ihironga o Paskah yaadono, o Yesus wana'au, na'o ma oraha yaadono'au Una wamada o dunia neena mangale Wolio ma Deade. Una duru wo'ihibohono o nyawa-nyawa o dunia'a nage yodadio'au Awi nyawa de tatapu Wo'ihibohono hiadono ma baha'a.2O Yesus de Awi ni-nii'i yoodomo ma gigiria'a o wutu'u, de o To'ata ma Oana ma niata 'ihiohamao'au o Yudas awi hininga'a, mangale o Yesus wiwu'unu. O Yudas guuna o Simon Iskariot awi ngoa'a.3O Yesus wana'o'au na'o Awi Dea woula'au o 'uaha moi-moi'o Una'a. De Una ma wana'o'au, Una geena ma Jou ma Dutuo'a de waino, de aha wolioli ma Jou ma Dutu'a.4Ho ma oraha yomahidoodomo ma gigiria'a, de o Yesus womagoa'a de wamataai'i awi baju i'a-'a'ulu'u, de awi handoko wohili'o awi goronano.5Geena'a de o a'ele wodalihu'u o giama ma gi-giho'o ma ngii'u, de womulaenge waiho'o awi ni-nii'i manga dou. Waiho'o'a aha de wohii'ili de o handoko gee awi gorona'a woli'o-li'ono.6Nage wo'ota'a o Simon Petrusi'a, de o Simon Petrus wotemo, <<Wae Jou, ho na'o ngona de 'ai dou naiho'o?>>7O Yesus wopaluhu, <<O 'ia naga todiai neena, ma oraha neena ngona nana'owahi, ma o oraha moi de done aha nomangariti.>>8O Petrus wotemo o Yesusi'a, <<Uwa Jou! 'A ma ile-ilewa ma 'aidadiwa naiho'o 'ai dou!>>
Ma o Yesus wopaluhu, <<Na'o 'atoniiho'uwa, geena ngona de de ngoi 'aporimoiwa.>>9O Simon Petrus wotemo, <<Jou, na'o 'ogeena, de uwa duga 'a 'ai dou, ma 'ai giama de 'ai hae'e ma!>>10O Yesus wotemo o Petrusi'a, <<O nyawa nage yomaohi'o'au, geena manga roehe moi-moi 'i'o'iberehio'au. Ona 'aiiparaluuwau yo'iohi'oli; duga 'a manga douou ge 'iperee'o'au, geena halingou yaiho'o. Ngini neena nioberehio'au, duga 'anioodumuwa.>> (11O Yesus wana'o'au naguuna aha wiwu'unu. Geenau ho wotemo, <<Ngini 'anioodumuwa nioberehi.>>)12Ma oraha o Yesus wa'o'iiho'o'au manga dou, de womahinoali awi baju 'i'a-'a'ulu'u aha de woma'ilioli awi gogogeli'a. Geena'a de wotemo, ona'a, <<Niomangariti bolo ouwa o'iau naga gee 'aano Todiai'a ngini'a?13Ngini nioaho'o Ngoino Aba Guru de ma Jou. De geena itiai hababu Ngoiou geena.14Na'o ngoi to ngini 'ania Jou de nia Guru ma ta'ioho'o'au 'ania dou, ngini ma halingou nia dou nima'adigisoko.15Ngoi todiai 'ogeena mangale tohimaiti nginia o'iau halingou niodiai, la ngini ma niadiai harage o'iau naga gee ngoi tadi-diai ngini'a.16'Ai demo neena ma gou-goungu itiai: O gilaongo 'ayoholoidewa de manga tuanga. De o hu-huloo 'ayoholoidewa de gee wohulo-hulo'o.17Neena ngini niana'o'au moi-moi geena. Duru niohanaanga ngini na'o niodinii'i.18O'iau naga gee ngoi tohidemo neena, geena ma ngale ho ngini nioodumuwa. Ngoi toina'o iti-tiai nago'ona gee to'iilo'au. Ma o'ia naga gee 'itulihu'u'au o Bo'u 'Ibe-berehio'a halingou idadi, geena la: <O nyawa womatengo nage mimahidoodomo de de Ngoi, aha woilawana Ngoino.>19Geena 'aidadiwahi 'ena tinihingahuo'au ngini'a ma orahi neena, la na'o done gee idadi, ngini aha nionga'u na'o, Ngoi neena una gee 'ihironga NGOI NAGA.20Ma gou-goungu itiai 'ai demo neena: Nagoonau yo'idawongo o nyawa gee To'ihulo-hulo'o, geena 'idawongo Ngoi. De nagoonau 'idawongo Ngoi, geena widawongo Una gee Woihulo-hulo'o.>>21Iduangino o Yesus wotemo 'ogeena, de awi hingina duru ihuha. Geena'a de una wotemo, <<Ma gou-goungu itiai 'ai demo neena: Womatengo naga nginio'a nage aha woiwu'unu.>>22Ho Awi ni-nii'i yoma'age-gelelo moi de moi de yoheranga, hababu ona 'ayana'owa Awi dumutu naguuna'a.23O ni-nii'i womatengo nage o Yesus wihiboho-bohono, geena wogogele o Yesus awi dateo'a.24O Simon Petrus wila'ojawi o ni-nii'i'a guuna, la wohano o Yesusi'a awi dumutu nagoona'au.25Ho o ni-nii'i guuna 'awomahidutu'u monga de wohano o Yesusi'a, <<Naguunau geena Jou?>>26O Yesus wopaluhu, <<O nyawa nage o roti tohitabu o hawo'u'u de towi'ula, unau guuna.>> Ho o Yesus wa'ehe o roti o ngai moi de wohitabu o hawo'u'u; de aha wo'ula o Yudasi'a o Simon Iskariot awi ngoa'a.27O Yudas waehe'a o roti geena, de o To'ata ma Oana awi hingina yaparetano'au. Geena'a de o Yesus de wotemoli o Yudasi'a, <<Nomatai-taiti nadiai o'ia naga gee nomau nadiai.>>28Ma yoodo-odomo geena'a moiwa yomangariti 'ido'oa ho o Yesus 'ogeena wotemo o Yudasi'a.29Munu'a ona yotemo bali na'o o Yesus wihulo'o o Yudasi'a o 'iani moi wogoo'o ma ngale manga paraluu o rame-rame'a geena, e'ola o pipi ma ile wo'i'ula o nyawa yohu-huha'a, hababu una geena manga pipi ma ga-gao.30O Yudas 'awa'ehe'a o roti geena, de 'awogila-gila'a. Wa'utu geena 'italuho'au.31O Yudas wopaha'a de o Yesus wotemo, <<Neena ma oraha ya'adono'au ngoi o Nyawa ma Ngoa'a Wihilamo'o, de ma Jou ma Dutu Wihilamo'o ma nge'omo Ngoi.32Na'o ma Jou ma Dutu wihilamo'o ma nge'omo Ngoi, ma Jou ma Dutu ma aha wodiaiou o nyawa-nyawa ihilamo'o Ngoi o Nyawa ma Ngoa'a. De 'aitaaowau ma Jou ma Dutu wodiaiou geena.33Ngini nage Tinihiboho-bohono 'imatero harage 'Ai ngoa-ngoa'a, Ngoi aha 'aitaaowau tomanoa de de ngini. Ngini aha nihali'i Ngoi, ma harage de tohidemo'au o Yahudio'a manga balu-baluhi'a, 'ogeenali ma Tohidemo ngini'a, o dingii 'ia'a naga ngoi totagi, ngini 'ania'a'unuwa nia'ai'a.34Oraha neena Ngoi tini'ula o behehongo ma hungi geena la, nimahi'abohono moi de moi. Harage de Ngoi tinihibohono ngini, 'ogeenali ma ngini halingou nimahi'abohono.35Na'o ngini nimahi'abohono, o nyawa moi-moi aha yana'o na'o ngini geena to Ngoi 'ai ni-nii'i.>>36O Simon Petrus wohano o Yesusi'a, <<Jou, 'ia'a notagi?>>
O Yesus wopaluhu, <<'Ia'a naga Ngoi totagi ngona 'aidadiwa nonii'i ma oraha neena. Ma ngona done aha noinii'i Ngoi do'ai'a.>>37O Petrus wohanoli, <<Jou, 'ido'oa ho ngoi 'aidadiwa toninii'i ma oraha neena? Ngoi 'atomode'e tohonenge ma ngale ngona Jou!>>38O Yesus wopaluhu, <<Igoungu? 'A nomode'e nohonenge ma ngale ngoi? Igou-goungu itiai 'Ai demo-demo neena, o wutu neena o namo 'aiholenuwahi 'ena nomahipongono'au ma haangeu notemo na'o 'anoina'owa!>>
Ma o Yesus wopaluhu, <<Na'o 'atoniiho'uwa, geena ngona de de ngoi 'aporimoiwa.>>9O Simon Petrus wotemo, <<Jou, na'o 'ogeena, de uwa duga 'a 'ai dou, ma 'ai giama de 'ai hae'e ma!>>10O Yesus wotemo o Petrusi'a, <<O nyawa nage yomaohi'o'au, geena manga roehe moi-moi 'i'o'iberehio'au. Ona 'aiiparaluuwau yo'iohi'oli; duga 'a manga douou ge 'iperee'o'au, geena halingou yaiho'o. Ngini neena nioberehio'au, duga 'anioodumuwa.>> (11O Yesus wana'o'au naguuna aha wiwu'unu. Geenau ho wotemo, <<Ngini 'anioodumuwa nioberehi.>>)12Ma oraha o Yesus wa'o'iiho'o'au manga dou, de womahinoali awi baju 'i'a-'a'ulu'u aha de woma'ilioli awi gogogeli'a. Geena'a de wotemo, ona'a, <<Niomangariti bolo ouwa o'iau naga gee 'aano Todiai'a ngini'a?13Ngini nioaho'o Ngoino Aba Guru de ma Jou. De geena itiai hababu Ngoiou geena.14Na'o ngoi to ngini 'ania Jou de nia Guru ma ta'ioho'o'au 'ania dou, ngini ma halingou nia dou nima'adigisoko.15Ngoi todiai 'ogeena mangale tohimaiti nginia o'iau halingou niodiai, la ngini ma niadiai harage o'iau naga gee ngoi tadi-diai ngini'a.16'Ai demo neena ma gou-goungu itiai: O gilaongo 'ayoholoidewa de manga tuanga. De o hu-huloo 'ayoholoidewa de gee wohulo-hulo'o.17Neena ngini niana'o'au moi-moi geena. Duru niohanaanga ngini na'o niodinii'i.18O'iau naga gee ngoi tohidemo neena, geena ma ngale ho ngini nioodumuwa. Ngoi toina'o iti-tiai nago'ona gee to'iilo'au. Ma o'ia naga gee 'itulihu'u'au o Bo'u 'Ibe-berehio'a halingou idadi, geena la: <O nyawa womatengo nage mimahidoodomo de de Ngoi, aha woilawana Ngoino.>19Geena 'aidadiwahi 'ena tinihingahuo'au ngini'a ma orahi neena, la na'o done gee idadi, ngini aha nionga'u na'o, Ngoi neena una gee 'ihironga NGOI NAGA.20Ma gou-goungu itiai 'ai demo neena: Nagoonau yo'idawongo o nyawa gee To'ihulo-hulo'o, geena 'idawongo Ngoi. De nagoonau 'idawongo Ngoi, geena widawongo Una gee Woihulo-hulo'o.>>21Iduangino o Yesus wotemo 'ogeena, de awi hingina duru ihuha. Geena'a de una wotemo, <<Ma gou-goungu itiai 'ai demo neena: Womatengo naga nginio'a nage aha woiwu'unu.>>22Ho Awi ni-nii'i yoma'age-gelelo moi de moi de yoheranga, hababu ona 'ayana'owa Awi dumutu naguuna'a.23O ni-nii'i womatengo nage o Yesus wihiboho-bohono, geena wogogele o Yesus awi dateo'a.24O Simon Petrus wila'ojawi o ni-nii'i'a guuna, la wohano o Yesusi'a awi dumutu nagoona'au.25Ho o ni-nii'i guuna 'awomahidutu'u monga de wohano o Yesusi'a, <<Naguunau geena Jou?>>26O Yesus wopaluhu, <<O nyawa nage o roti tohitabu o hawo'u'u de towi'ula, unau guuna.>> Ho o Yesus wa'ehe o roti o ngai moi de wohitabu o hawo'u'u; de aha wo'ula o Yudasi'a o Simon Iskariot awi ngoa'a.27O Yudas waehe'a o roti geena, de o To'ata ma Oana awi hingina yaparetano'au. Geena'a de o Yesus de wotemoli o Yudasi'a, <<Nomatai-taiti nadiai o'ia naga gee nomau nadiai.>>28Ma yoodo-odomo geena'a moiwa yomangariti 'ido'oa ho o Yesus 'ogeena wotemo o Yudasi'a.29Munu'a ona yotemo bali na'o o Yesus wihulo'o o Yudasi'a o 'iani moi wogoo'o ma ngale manga paraluu o rame-rame'a geena, e'ola o pipi ma ile wo'i'ula o nyawa yohu-huha'a, hababu una geena manga pipi ma ga-gao.30O Yudas 'awa'ehe'a o roti geena, de 'awogila-gila'a. Wa'utu geena 'italuho'au.31O Yudas wopaha'a de o Yesus wotemo, <<Neena ma oraha ya'adono'au ngoi o Nyawa ma Ngoa'a Wihilamo'o, de ma Jou ma Dutu Wihilamo'o ma nge'omo Ngoi.32Na'o ma Jou ma Dutu wihilamo'o ma nge'omo Ngoi, ma Jou ma Dutu ma aha wodiaiou o nyawa-nyawa ihilamo'o Ngoi o Nyawa ma Ngoa'a. De 'aitaaowau ma Jou ma Dutu wodiaiou geena.33Ngini nage Tinihiboho-bohono 'imatero harage 'Ai ngoa-ngoa'a, Ngoi aha 'aitaaowau tomanoa de de ngini. Ngini aha nihali'i Ngoi, ma harage de tohidemo'au o Yahudio'a manga balu-baluhi'a, 'ogeenali ma Tohidemo ngini'a, o dingii 'ia'a naga ngoi totagi, ngini 'ania'a'unuwa nia'ai'a.34Oraha neena Ngoi tini'ula o behehongo ma hungi geena la, nimahi'abohono moi de moi. Harage de Ngoi tinihibohono ngini, 'ogeenali ma ngini halingou nimahi'abohono.35Na'o ngini nimahi'abohono, o nyawa moi-moi aha yana'o na'o ngini geena to Ngoi 'ai ni-nii'i.>>36O Simon Petrus wohano o Yesusi'a, <<Jou, 'ia'a notagi?>>
O Yesus wopaluhu, <<'Ia'a naga Ngoi totagi ngona 'aidadiwa nonii'i ma oraha neena. Ma ngona done aha noinii'i Ngoi do'ai'a.>>37O Petrus wohanoli, <<Jou, 'ido'oa ho ngoi 'aidadiwa toninii'i ma oraha neena? Ngoi 'atomode'e tohonenge ma ngale ngona Jou!>>38O Yesus wopaluhu, <<Igoungu? 'A nomode'e nohonenge ma ngale ngoi? Igou-goungu itiai 'Ai demo-demo neena, o wutu neena o namo 'aiholenuwahi 'ena nomahipongono'au ma haangeu notemo na'o 'anoina'owa!>>
The Seed Company