O Hu-hulo'o25
1Ma gubernur Festus awi wange haangeu woboano o Kaisarea ma bendaro'a hababu wopareta ma daera'a geena, de wotagi wohi'aie o Yerusalem ma bendarie.2Geena'a da'u de o Imam ma Hae-hae'e de O Yahudio'a ma balu-baluhu wi'ala'i o Paulus una'a. Ona yomaduhunu wibaja o Festusi'a,3la bali de awi hininga ma owa ona'a, wo'ihulo'o o wiaha Paulus o Yerusalemie; hababu ona yomahi'aduga'au wito'oma o Paulus o nge'omo'a.4Ma o Festus wopaluhu, <<O Paulus dau wituumungu'u o Kaisarea'a de ngoi aha 'aitaaowa de toliou dau'u'u.5Ho 'iholoi yaowa, ngini niabalu-baluhu, niaino la poma'ani'i o Kaisarea'u, la do'a aha de niwi'ala'i, na'o igou-goungu naga o 'iani wahala'au.6O Festus poelua awi wange tuangele e'ola mogio'ohi, aha de wolio o Kaisarea'u. Ma dewelano de aha una wogogele o 'uruhio'a o ngii nage biaha yauruhu o nyawa manga haala de wo'ihulo'o la o Paulus wotaali.>>7Geena'a de o Paulus womahiadono, de o Yahudio'a nage yoboa-boano'au o Yerusalemo'a yomahigo'ono wihigilolitino, de yomulaenge wi'ala'i de manga 'ala'i nage wihitubuho una'a. Ma ona 'ayodama'ewa awi hala ma nyo-nyata.8O Paulus womaduhunu de wotemo, <<Ngoi 'atapalenua o Yahudio'a manga agama'a ma 'autoranga nage o Musa wohingahu-ngahu, e'ola tahala ma Jou ma Dutu awi Woa'a e'ola o Roma'a ma Kaisari'a.>>9Duga o Festus womau o hininga woehe o Yahudi ma nyawa'a ho wohano o Paulusi'a, <<Nomode'e? Notagi o Yerusalemie la da'u 'ai biono'a aha niuruhu o'iau naga ge 'ini'a-'ala'i? >>10O Paulus wopaluhu, <<Ouwa. O oraha neena ngoi tomahigo'ono ani biono'a nage ma Kaisar nowihiataho'au de neena'au halingou noiuruhu. Aba ngona nana'o'au ngoi 'a tahalawa o Yahudi ma nyawa'a.11Na'o ngoi tapaleno'au o autoranga de todiai o 'iani naga nage yadaene 'ihu'umu 'iho-honenge, geena ngoi 'atomode'e. Ma na'o la manga 'a-'ala'i geena 'amagounguwa geena 'a moio ma 'a idadiwa 'ihigiama ma hoata ona'a. Ngoi togaaho'o la ma Kaisar wauruhu 'ai haala!>>12Ma oraha yomahi'adibanga iduangino o Festus de awi nyawa nage yo'ula-'ula o di-dibanga una'a, de o Festus wotemo, <<Ngona nogaaho'o la ma Kaisar wauruhu ani haala, ho halingou notaali una'a.>>13Geena'a 'aitaaowa de ma 'Oana o Agripa de awi bilanga ongo Bernike yo'aino o Kaisareano mangale o Festus wihoromati de wihigarago o Festusi'a.14Manga wange muluo naga geena'a, de o Festus wohiade-ade o Paulus awi haala geena ma 'Oana o Agripa'a. O Festus wotemoli una'a, <<O bui ma nyawa womatengo neena'a naga, o Feliks 'awaduanguahi wiuruhu.15Ma oraha ngoi o Yerusalemo'a, de ma Imam ma hae-hae'e de o Yahudio'a manga balu-baluhu yo'aino ngoino de wi'ala'i o nyawa guuna ngoino de yogaaho'o la towihu'umu.16Ma ngoi topaluhu, 'imote'e o Roma'a nanga 'autoranga, o nyawa nage yo'i'a-'ala'i 'aidadiwa po'ihigiama ma hoata mangale po'ihu'umu, na'o 'ayo'ihitaaliwahi de yo'a-'ala'i de o wa'utu poi'ulawahi yomadapaluhu.17Ho nage yoboano, de 'a ma dewelano ena ngoi togogele o 'uruhio'a o ngii nage biaha yauruhu o nyawa manga haala. De to'ihulo'o la o Paulus wihitaalino ngoino.18Nage yo'a-'ala'i yomahigo'ono ona yohiade-ade manga 'ala'i geena, 'amaube ma 'ayatehongua awi di-diai iti-tiiha nage ngoi tatibangu'u bali aha yohihiade-ade.19Duga 'a manga di-dibanga ima'alingowu mangale toona manga agama'a de Womatengo awi ronga o Yesus. O Nyawa guuna Wohonengo'au, ma o Paulus wohigou-goungu wotemo Wowangoli.20Hababu ngoi 'atohina'owau mangale tauruhu ma haala geena, ho towihano o Paulusi'a, womode'e bolo 'ouwa wotagi o Yerusalemie la da'u aha awi haala geena tauruhu.21Ma o Paulus wogaaho'o wohidoali awi haala geena; wogaaho'o la una 'a o buio'a hiadono awi haala geena ma Kaisar waputuhu. Hababu geena tohulo'o la wituumungo'ahi hiadono 'ai oraha demaena mangale towihidingoto ma Kaisari'a.>>22Geena'a ma 'oana o Agripa wotemo o Festusi'a, <<Ngoi duga tomau tohigihenohi o nyawa guuna awi ade-ade.>>
O Festus wopaluhu, <<Dewelano idadi nohigihene.>>23Ma dewelano ma 'oana o Agripa de ongo Bernike yoboa yomahinoa'u o 'Oana ma pa'eanga de yo'ihoromati de yo'ihirame. Ona yoohama yauru-uruhu ma ngii'a yotuo-tuono de o horodado manga balu-baluhu de o nyawa yola-laagomo ma bendaro'a geena. O Festus wohulo'o, ho o Paulus wi aha wihiohama.24Geena'a de o Festus wotemo, <<Aba ma 'oana Agripa, de ngini nage nioboa-boano! Niwigelelo o nyawa nuuna geena o Yahudio'a moi-moi wi'ala'io'au ngoino. O Yahudio'a nage o Yerusalemuo'a yomanoa-noa de neena'a, ona yopa'iha de yohigaho-gaho'o bali una o yadaenuwa powihidamada'a wowango.25Ma o'iau naga nage wadiaio'au, 'a moi ma 'atodama'ewa awi hala nage idadi powihu'umu powiho-hongene. De hababu una mahirete wogaaho'o'au awi haala geena ma Kaisar wauruhu, ho ngoi taputuho'au towihidingoto una o Roma'a.26Duga awi haala ma diai 'oiwahi mangale towiduhurata ma Kaisari'a. Geenau ho towihitaali ngini'a dea-dea moi-moi, ma boloi ngona'a Aba ma 'oana Agripa! Ngoi tomau niwiuruhu iduangino de, naga demaena'au idadi totulihi.27Hababu ngoi tamao'u 'a ma ube ma 'ayadaenuwa o bui ma nyawa moi po'ihidingoto ma Kaisari'a na'o 'apohimaitua o'iau awi hala ho wi'ala'i.>>
O Festus wopaluhu, <<Dewelano idadi nohigihene.>>23Ma dewelano ma 'oana o Agripa de ongo Bernike yoboa yomahinoa'u o 'Oana ma pa'eanga de yo'ihoromati de yo'ihirame. Ona yoohama yauru-uruhu ma ngii'a yotuo-tuono de o horodado manga balu-baluhu de o nyawa yola-laagomo ma bendaro'a geena. O Festus wohulo'o, ho o Paulus wi aha wihiohama.24Geena'a de o Festus wotemo, <<Aba ma 'oana Agripa, de ngini nage nioboa-boano! Niwigelelo o nyawa nuuna geena o Yahudio'a moi-moi wi'ala'io'au ngoino. O Yahudio'a nage o Yerusalemuo'a yomanoa-noa de neena'a, ona yopa'iha de yohigaho-gaho'o bali una o yadaenuwa powihidamada'a wowango.25Ma o'iau naga nage wadiaio'au, 'a moi ma 'atodama'ewa awi hala nage idadi powihu'umu powiho-hongene. De hababu una mahirete wogaaho'o'au awi haala geena ma Kaisar wauruhu, ho ngoi taputuho'au towihidingoto una o Roma'a.26Duga awi haala ma diai 'oiwahi mangale towiduhurata ma Kaisari'a. Geenau ho towihitaali ngini'a dea-dea moi-moi, ma boloi ngona'a Aba ma 'oana Agripa! Ngoi tomau niwiuruhu iduangino de, naga demaena'au idadi totulihi.27Hababu ngoi tamao'u 'a ma ube ma 'ayadaenuwa o bui ma nyawa moi po'ihidingoto ma Kaisari'a na'o 'apohimaitua o'iau awi hala ho wi'ala'i.>>
The Seed Company