O Hu-hulo'o24
1O wange motoau o Paulus wituumungu'u, de o Imam ma Amo'o o Ananias de o Yahudio'a ma balu-baluhu de o Roma'a manga hu'umu woba-barija womatengo awi ronga o Tertulus, yo'ai'a ma Gubernur Feliksi'a la o Paulus wi'ala'i.2Ma oraha o Paulus wiaho'o manga bioniha, de o Tertulus womulaenge wi'ala'i o Paulus onane,
<<Aba Gubernur, nage toniho-horomati! To ngona ani pareta ma hidogorona'a, mia wowango 'a iha-hanaanga. De to ngona ani barija, ho ma lepe nohidiaio'au to ngomi mia daera'a.3Aba miniho-horomati! Ngomi miotemo duru 'amaowa'a 'a itauri'a hababu 'ia'a naga ngomi o Yahudio'a mimanoa, geena moi-moi miamao.4Ma uwa hiadono ani wa'utu pohigu-guule. Ho togaaho'o Aba, tanu de ani hininga ma rahai nage miana'o'au geena, tanu nohigihene mia ade-ade 'a mihitipo'ono neena.5Onane Aba Gubernur. Ngomi miwima'e o nyawa nuuna wohirua-rua madiiha. 'Ia'a naga wai'a geena o Yahudi ma nyawa'a o ributu wodiai. De una wohibaluhu o bolu moi nage yodinii'i o dodoto'o ma diiha ge ihironga o Harani.6'Iholoioli una wohitaili wodiai ma Jou ma Dutu Awi Woa 'iofiwau, ma miwitago'o'au. [Ngomi miomau miwiuruhu 'imote'e tongomi ma hirete mia agama ma 'autoranga.7Ma o Lisias o hurudado ma baluhu ma amo'o guuna 'a womarohu-rohu wiehe'au mia giama ma hoato'a de,8de wohulo'o na'o la miomau mio'ala'i geena halingou miotaali ngona'a.] Na'o Aba nataila'o o nyawa nuuna awi haala, ngona mahirete aha noihene 'o'iau naga nage mio'a-'ala'i, geena ma goungu.>>9O Yahudio'a geena'a ma yomadi-dinii'i o Paulus wi'ala'i, de ona ma yohimote'e 'oiau naga ge o Tertulus wotemo.10Geena'a de ma Gubernur wipoma o Paulusi'a la una 'aidadi womaade-ade. Ho o Paulus wotemo onane, <<Ngoi tana'o Aba, ngona de ma taunu nodadi o ha'imi ma bagiha neena. Geenau ho ngoi tamao tohananga tomaduhunu ani biono'a Aba.11Aba, aha o wange mogio'o de modidi ipahano, ngoi totagi 'o Yerusalemi'a mangale towihuba ma Jou ma Dutu. Ho na'o Aba 'a nonga'uwa, ngona mahirete aha notaila'o ma diai na'o geena igoongu bolo 'ouwa.12De omaiwa o Yahudio'a 'ima'e mima'angamo de o nyawa, e'ola to'itoomu o nyawa mangale miohirua ma Jou ma Dutu awi Woa'a e'ola o do-doomu ma woa'a e'ola 'ia'a naga bato ma bendaro'a neena.13Ona ma ayaa'unua yohimaiti ngona'a Aba, 'ai hala nage imote'e manga 'a'ala'i.14Igoungu ngoi tomanga'u ngona'a aba, na'o ngoi towihuba ma Jou ma Dutu'a nage mia edete de mia dotumu Wihuba-huba. De ngoi towihuba Una'a imote'e o Yesus Awi do-doto'o nage o Yahudio'a yotemo bali o do-doto'o geena itiaiwa. Ma ngoi tonga'u ma Jou ma Dutu Awi demo nage ma nabi Musa de o Nabi maregu manga bo'uo'a.15To ngoi 'ai ngonganono ma Jou ma Dutu'a harage de 'a to onali, geenala o nyawa nage yohone-honengo'au aha yowangoli. O nyawa ma owa e'ola o nyawa ma diiha aha yomomi'oli!16Geenau ho tomaduhunu towango tohidi-didiai la tamao 'ai hininga 'aibe-berehi ma Jou ma Dutu awi biono'a de o nyawa manga biono'a.17O Taunu muluou naga 'ataiewau o Yerusalem ma bendarie, de neena ma duulu taieli to'idagaha o pipi mangale to'iduhunu 'ai nyawa-nyawa o Yahudio'a de to'ula 'ai hu-huba ma Jou ma Dutu'a.18Ma oraha tadiaio'au moi-moi geena, de ngoi tadiaioli o adata de o 'autoranga mangale tomaberehi, de ona 'ima'e ma Jou ma Dutu awi Woa ma bibino'a. Ma oraha geena amoiwa geena'a, de aha 'a iruawa.19Geena'a o Yahudio'a ma nyawa yamuluo naga o Asia ma daerano. Ho tanu halingou ona goona yoboano yo'ala'i ngona'a, na'o yatibangu'u ngoi tahala.20E'ola ngaro noona nage yoboa-boano neena'a dau yohingahu, 'ai hala o'iau, nage ma duulu ihitaali ngoi o Agama'a ma Ha'imi'a.21Yodama'e duga 'ai demo moi totemo manga biono'a onane: <Ngoi 'iuruhu neena ma wange, hababu ngoi tonga'u o nyawa yohone-honengo'au aha yowangoli.> >>22Geena'a de o Feliks nage 'ao lepe wana'o o do-doto'o mangale o Yesus, watogumo'ahi yauruhu ma haala geena. Una wotemo, <<'Iani ma hurudado manga baluhu ma amo'o o Lisias woboanohi, de aha taputuhu ma halla neena.>>23Geena'a de Una wohulo'o o hurudado ma baluhi'a guuna la tatapu o Paulus wituumungu'u, ma 'a wili'owa, de 'aidadi awi ma-manai witaila'o mangale widoota'a awi paraluu.24O wange muluo naga ipahano, de o Feliks woboa womahimanai awi we'ata ami ronga ongo Drusila; muna o Yahudi ma nyawa. Geena'a de o Feliks wo'ihulo'o o nyawa'a la o Paulus wiehe, de wohigihene o Paulus womaade-ade mangale o ngo-nga'u ma Yesus Kristusi'a.25Ma nage o Paulus wohigila-gilali awi ade-ade de o ade-ade mangale o wowango iti-tiai, de paa'unu pomatuumungu nanga nyahihuu, de mangale ma Jou ma Dutu aha wo'iuruhu o nyawa moi-moi, de ma gubernur Feliks wohawana ho wotemo, <<Yaowa'au neenahi yai'a. Aha toniaho'oli na'o 'ai wa'utu de maena ho notagiou.>>26Ma o Feliks una wonganono na'o o Paulus aha o tiwi wi'ula una'a ho 'awodi-digali wohulo'o wiaho'o la yoma'aade-'ade de de una.27O taunu modidi ipaha, de o Perkius Festus wodadi o gubernur o Feliks wialiti. De o Feliks womau o hininga woehe o Yahudi ma nyawa'a, ho 'awihihupuwa o Paulus o buio'a.
<<Aba Gubernur, nage toniho-horomati! To ngona ani pareta ma hidogorona'a, mia wowango 'a iha-hanaanga. De to ngona ani barija, ho ma lepe nohidiaio'au to ngomi mia daera'a.3Aba miniho-horomati! Ngomi miotemo duru 'amaowa'a 'a itauri'a hababu 'ia'a naga ngomi o Yahudio'a mimanoa, geena moi-moi miamao.4Ma uwa hiadono ani wa'utu pohigu-guule. Ho togaaho'o Aba, tanu de ani hininga ma rahai nage miana'o'au geena, tanu nohigihene mia ade-ade 'a mihitipo'ono neena.5Onane Aba Gubernur. Ngomi miwima'e o nyawa nuuna wohirua-rua madiiha. 'Ia'a naga wai'a geena o Yahudi ma nyawa'a o ributu wodiai. De una wohibaluhu o bolu moi nage yodinii'i o dodoto'o ma diiha ge ihironga o Harani.6'Iholoioli una wohitaili wodiai ma Jou ma Dutu Awi Woa 'iofiwau, ma miwitago'o'au. [Ngomi miomau miwiuruhu 'imote'e tongomi ma hirete mia agama ma 'autoranga.7Ma o Lisias o hurudado ma baluhu ma amo'o guuna 'a womarohu-rohu wiehe'au mia giama ma hoato'a de,8de wohulo'o na'o la miomau mio'ala'i geena halingou miotaali ngona'a.] Na'o Aba nataila'o o nyawa nuuna awi haala, ngona mahirete aha noihene 'o'iau naga nage mio'a-'ala'i, geena ma goungu.>>9O Yahudio'a geena'a ma yomadi-dinii'i o Paulus wi'ala'i, de ona ma yohimote'e 'oiau naga ge o Tertulus wotemo.10Geena'a de ma Gubernur wipoma o Paulusi'a la una 'aidadi womaade-ade. Ho o Paulus wotemo onane, <<Ngoi tana'o Aba, ngona de ma taunu nodadi o ha'imi ma bagiha neena. Geenau ho ngoi tamao tohananga tomaduhunu ani biono'a Aba.11Aba, aha o wange mogio'o de modidi ipahano, ngoi totagi 'o Yerusalemi'a mangale towihuba ma Jou ma Dutu. Ho na'o Aba 'a nonga'uwa, ngona mahirete aha notaila'o ma diai na'o geena igoongu bolo 'ouwa.12De omaiwa o Yahudio'a 'ima'e mima'angamo de o nyawa, e'ola to'itoomu o nyawa mangale miohirua ma Jou ma Dutu awi Woa'a e'ola o do-doomu ma woa'a e'ola 'ia'a naga bato ma bendaro'a neena.13Ona ma ayaa'unua yohimaiti ngona'a Aba, 'ai hala nage imote'e manga 'a'ala'i.14Igoungu ngoi tomanga'u ngona'a aba, na'o ngoi towihuba ma Jou ma Dutu'a nage mia edete de mia dotumu Wihuba-huba. De ngoi towihuba Una'a imote'e o Yesus Awi do-doto'o nage o Yahudio'a yotemo bali o do-doto'o geena itiaiwa. Ma ngoi tonga'u ma Jou ma Dutu Awi demo nage ma nabi Musa de o Nabi maregu manga bo'uo'a.15To ngoi 'ai ngonganono ma Jou ma Dutu'a harage de 'a to onali, geenala o nyawa nage yohone-honengo'au aha yowangoli. O nyawa ma owa e'ola o nyawa ma diiha aha yomomi'oli!16Geenau ho tomaduhunu towango tohidi-didiai la tamao 'ai hininga 'aibe-berehi ma Jou ma Dutu awi biono'a de o nyawa manga biono'a.17O Taunu muluou naga 'ataiewau o Yerusalem ma bendarie, de neena ma duulu taieli to'idagaha o pipi mangale to'iduhunu 'ai nyawa-nyawa o Yahudio'a de to'ula 'ai hu-huba ma Jou ma Dutu'a.18Ma oraha tadiaio'au moi-moi geena, de ngoi tadiaioli o adata de o 'autoranga mangale tomaberehi, de ona 'ima'e ma Jou ma Dutu awi Woa ma bibino'a. Ma oraha geena amoiwa geena'a, de aha 'a iruawa.19Geena'a o Yahudio'a ma nyawa yamuluo naga o Asia ma daerano. Ho tanu halingou ona goona yoboano yo'ala'i ngona'a, na'o yatibangu'u ngoi tahala.20E'ola ngaro noona nage yoboa-boano neena'a dau yohingahu, 'ai hala o'iau, nage ma duulu ihitaali ngoi o Agama'a ma Ha'imi'a.21Yodama'e duga 'ai demo moi totemo manga biono'a onane: <Ngoi 'iuruhu neena ma wange, hababu ngoi tonga'u o nyawa yohone-honengo'au aha yowangoli.> >>22Geena'a de o Feliks nage 'ao lepe wana'o o do-doto'o mangale o Yesus, watogumo'ahi yauruhu ma haala geena. Una wotemo, <<'Iani ma hurudado manga baluhu ma amo'o o Lisias woboanohi, de aha taputuhu ma halla neena.>>23Geena'a de Una wohulo'o o hurudado ma baluhi'a guuna la tatapu o Paulus wituumungu'u, ma 'a wili'owa, de 'aidadi awi ma-manai witaila'o mangale widoota'a awi paraluu.24O wange muluo naga ipahano, de o Feliks woboa womahimanai awi we'ata ami ronga ongo Drusila; muna o Yahudi ma nyawa. Geena'a de o Feliks wo'ihulo'o o nyawa'a la o Paulus wiehe, de wohigihene o Paulus womaade-ade mangale o ngo-nga'u ma Yesus Kristusi'a.25Ma nage o Paulus wohigila-gilali awi ade-ade de o ade-ade mangale o wowango iti-tiai, de paa'unu pomatuumungu nanga nyahihuu, de mangale ma Jou ma Dutu aha wo'iuruhu o nyawa moi-moi, de ma gubernur Feliks wohawana ho wotemo, <<Yaowa'au neenahi yai'a. Aha toniaho'oli na'o 'ai wa'utu de maena ho notagiou.>>26Ma o Feliks una wonganono na'o o Paulus aha o tiwi wi'ula una'a ho 'awodi-digali wohulo'o wiaho'o la yoma'aade-'ade de de una.27O taunu modidi ipaha, de o Perkius Festus wodadi o gubernur o Feliks wialiti. De o Feliks womau o hininga woehe o Yahudi ma nyawa'a, ho 'awihihupuwa o Paulus o buio'a.
The Seed Company