O Hu-hulo'o13
1O Antiokhia'a ma jama'ata naga o nyawa nage yohingahu-ngahu de yodoto-doto'o ma Jou ma Dutu awi demo, geena la: O Barnabas, o Simeon nage witehongo o Niger, o Lukius o Kirene ma nyawa, de o Manahem nage yo'ihidapaliara de ma 'oana o Herodes, de o Saulus.2Ma moi geena de ona yohuba ma Jou'a de yopuaha, de o Omaha 'Iofi-ofi itemo ona'a, <<O Barnabas de o Saulus ni'iili'i la ona yo'arajaanga to ngoi 'ai 'arajaanga nage to'itohitatapuo'au.>>3Yopuaha de yomadahaubayanga iduangino, de manga giama yo'idatami'u o Barnabas de o Saulus manga hae'o'a, de yo'ihulo'o yotagi yodiai o 'arajaanga nage ma Jou ma Dutu wohulo'o'au.4Geena'a de o Barnabas de o Saulus yadiai manga 'arajaanga nage o Omaha 'Iofi-ofi ihulo'o ona'a. Ho yotagi o Seleukia ma bendari'a. Geena o Seleuki'a de yohidete o Siprus ma pulo'a.5Ho nage o Sipruso'a yomahiadonie o Salamis ma bendaro'a, de ma Jou ma Dutu awi Demo yohihabari o Yahudio'a manga do-doomu ma woa-woa'a. Manga dodagi ma hidogorona'a, o Yohanes Markus wo'iduhunu.6Ma nuuhu moi geena yo'a-'adagi yabootu'ou, hiadono o Pafos ma bendari'a yai'a. Geena'a do'a yai'a de yoma'ama'e de o Yahudio'a ma nyawa womatengo awi ronga o Baryesus. Una geena wowua-wua'a nage womatehongo una o nabi moi ma Jou ma Dutuno ena 'a'ouwa.7To una awi manai geena o Sergius Paulus, nage wogubernur ma pulo'a geena. Ma gubernur guuna wobarija de awi a'ala idoto. Una wo'iaho'o o Barnabas de o Saulus wo'iaho'o, hababu waigo wohigihene ma Jou ma Dutu awi demo.8O Baryesus nage witehongo o Elimas ma mangariti wowua-wua'a. Una wohita-tato'o o Barnabas de o Saulus, una wohihali'i o nge'omo la ma gubernur guuna uwa wonga'u o Yesusi'a.9Ma o Saulus nage wihironga-ronga ma o Paulus, o Omaha 'Iofi-ofi wiparetano ho wida-dananoho wowua-wua'i'a guuna,10de wotemo, <<Ee tabangelu'u ma diiha, ngona harage de o To'ata ma 'Oana! Ngona nabuhulu o 'iau hona moi-moi ma owa. Dodoau ho 'anoolu'u nomatogumu natiiha ma Jou ma Dutu awi niata ma ngale wohihalamata o nyawa'a?11Neena nage-gelelo, ma Jou ma Dutu aha nowihu'umu! Ngona aha nopilo'o ho o wange ma hiwa ma 'anama'ewa o wange muluo naga.>>
'Ageena ma oraha ena o Elimas wamao harage o hauramo 'iwu-wuwutu awi la'o'a yatamuno'o, ho wotagi ma 'awomapapa-payangou o nyawa womadononu ma ngale wituda.12Ma oraha ma gubernur guuna wama'e o'iau ida-dadio'au ge, de wonga'uo'au o Yesusi'a; una duru woheranga o dodoto'o mangale ma Jou Yesus.13Geena'a de o Paulus de awi ma-manai o Pafos ma bendaro'a, yohidete o Perga ma bendaro'a o Pamfilia ma daeraa'a. Geena'a de o Yohanes Markus una wo'imada'au de woma'ilio'au o Yerusalemie.14Geena o Perga'a, de yogila-gila o Antiokhia ma bendari'a o Pisidia ma daera'a. O Sabat ma Wange'u, de yotagi yoohama o do-doomu ma woa'a de yogogelu'u geena'a.15Ma oraha o Musa de o Nabi ma regu manga bo'u o nyawa yabaca'au, de o do-doomu ma woa ma balu-baluhu goona yohulo'o o nyawa'a la yohano o Paulus de awi ma-manai'a. Yotemo, <<Riadodoto, na'o naga demaena o 'iani niomau nio'ihidemo mangale ni'ihi'uata o nyawa noona, de nio'ihidemo'au.>>16O Paulus womagoa'a de awi giama wagoa'o'ahi ma ngale womaade-adeu de wotemo,
<<Riadodoto o Israel ma nyawa de moi-moi nage niwihuba-huba de niwihoromati ma Jou ma Dutu'a! Bei'a niohigihene 'ai demo.17Ma Jou ma Dutu nage o Israel ma nyawa powihu-huba guuna wo'iili'o'au to ngone nanga edete de nanga dotumu, de wadiai o bangiha ma amo'o moi ma oraha ona yomanoa o Mesiro'a nage 'atoonawa manga tona'a. Geena'a de to Una awi 'uaha ma amo'o wo'iaha wo'ihihupu o Mesiro'a.18Una wotongohono to ona manga go'oie de manga gogelu'u o tona'a 'i'a-'a'aha'a ma daao o taunu moruatino.19O Kanaan ma tona'o'a o bangiha tumudiingi wabinaha, ma ngale wo'ihi'ado'u ma tona'a geena la idadi 'a to 'onau.20Geena moi-moi idadi poelua o taunu ratuhu hoata de o moritoano.
Iduangino de wohi'a-ado'u o Kanaan ma tona'a geena, de ma Jou ma Dutu wo'i'ula manga baluhu gee yo'ihironga o hakimi. O hakimi ma du-duuluo'a geena la Nabi Samuel.21Geena'a de yomagaaho'o o 'oana moi. Ho ma Jou ma Dutu wo'i'ula o Saul o Kis awi ngoa'a awi ahala o Benyaminino. Una wodadi to ona manga 'oana ma daao o taunu moruatino.22Iduangino ma Jou ma Dutu wihitogumu o Saul wo'oana, de Wigoa'oli o Daut wodadi to ona manga 'oana. De neenau gee ma Jou ma Dutu wotemo ma ngale o Daut: <Ngoi towima'e'au o Dautu o Isai awi ngowa'a, una geena 'ai hingina yadaene. Unau geena aha wadiai to Ngoi 'ai mau moi-moi.>23O Dautinou awi guti'u womatengo, ma Jou ma Dutu Wiili'o'au wodadi o Israel ma Nyawa Wo'ihihalamata gee ma Jou ma Dutu wohijajio'au. De o Yesusou guuna o nyawa wohiha-halamata.24Ma oraha o Yesus 'awoboawahi, ena o Yohanes Wo'ohi-'ohi'i wohi'awaha'au o Israel ma nyawa'a, la yotoba o baradoha yodiai de yomahigiama ma hoata, mangale wo'iohi'i.25De Wa'utu o Yohanes awi 'arajaanga hali'i waduangou de wotemo o nyawa-nyawa'a, <'Imote'e ngini, ngoi neena naguuna? Ngoi neena 'a Unawa nage niwida-damaa. Nioda-danganono e, o Nyawa guuna, ngoi toboa'ahi aha de Una, duga to Una awi biono'a geena ngoi 'ao'ia-'iawa 'idaene. 'A Awi tarupa ma gumini tohohe ma 'oyadaenuwa!>26Riadodoto o Abraham awi guti'u de o nyawa-nyawa 'a o Yahudio'awa neena'a naga gee ma Jou ma Dutu wihingou-ngounu de wihoromati! Ma Jou ma Dutu wonahingahuo'au o habari ma ngale Wonahihalamata.27O Yerusalemo'a yomanoa-noa de manga balu-baluhu go'ona 'Ayomangaritiwa na'o Unau geena Wohiha-halamata. Ona 'ayomangaritiwa o nabi manga behehongo gee yabaca-baca o Sabat ma wange'u 'ihinoimi, ho wihu'umu o Yesus. Ma 'ogeenau yodiai geena imote'e o'iau naga o nabi yohidemo'au ma hilahi.28Ngaro 'ayodama'ewa awi hala 'a moi ma nage halingou wihu'umu witooma, ma yogaaho'o o Pilatusi'a la halingou Witooma.29De nage yadiaio'au moi-moi nage harage de ituli-tulihu'u'au ma nabi-nabi manga bo'u ma doda'a ma ngale Una, de aha awi honenge yohiguti o salipo'a de wihiohami'a o boohu'u o aru'o'a.30Ma ma Jou ma Dutu wihimomi'o'ali Una ngaro Wohonengo'au ma.31Geena'a de o wange muluono naga womahimai-maiti nage ma hila yonii-nii'i Una'a o Galilea ma daera'a o Yerusalem ma bendari'a. Onau geena neena naga yohiha-ha'ihi mangale Una o Israel ma nyawa'a.32Ho neena ngomi miohingahu ngini'a o Habari ma Owa mangale ma Jou Yesus: Geenala 'o'iau naga gee ma Jou ma Dutu wohijajio'au nanga edete de nanga dotumi'a,33geena Wadiaio'au naga ngone'a toona manga guti'u, ma nge'omo wihimomi'o'ali o Yesus ngaro Wohonengo'au. Geena harage de o Mazmur ma dodoimi modidi naga 'ihitulihu'u onane, ma Jou ma Dutu wotemo, <Ngona geenala to Ngoi 'ai Ngoa'a.Neena ma wange, Ngoi todadi Ani Dea!>34Ma Jou ma Dutu wihimo'o'au Una o honengino. Ho 'a Wohonenguwauoli de 'awodewedelua o boohu'o'a, harage de ma Jou ma Dutu wotemo'au, <Ngoi aha tohitotomo 'ai jaji 'iofi-ofi nage, maraio'au idadi,gee Tojajio'au o Dauti'a.>35'Ogeenali ma naga O Mazmur ma reguo'a ma regu'ali 'itemo na'o, <Ngona 'anamada'awa Ani Gilaongo tonihingou-ngounu 'atodewedelu'u o boohu'o'a.>36O Dautu ma wohongeno'au de wipoohuo'au awi edete de awi dotumu manga boohu'u ma date'u'u. Una wa'o'idiaio'au o'iau naga ge ma Jou ma Dutu wihulo'o wadiai. O Dautu awi maiyeti ma 'iwedele o boohu'o'a.37Ma o Yesus nage ma Jou ma Dutu wihimomi'o'au, una awi maiyeti 'aidewedelua o boohu'o'a.38Hababu geena riadodoto, halingou niana'o na'o ma nge'omo o Yesusou, ho o habari ma ngale ma Jou ma Dutu wohiapongo o baradoha ihihabari ngini'a. Ngini halingou niana'o, na'o moi-moi o nyawa yonga'u-nga'u Una'a, geena yo'ihipidili manga baradoha'a. O baradoha 'aidadiwa yai'ili 'a de o Musa awi hu'umu.40Geenau ho, halingou nimahidi-diai, uwa hiadono ngini'a nidaene o 'iau naga ge ma nabi yohidemo'au ma hilahi onanee: 41<Niohi-hininga, ngini nage nioho-hohedu!Ngini aha duru nioheranga, geena'a de aha niohonenge!Hababu neena naga Ngoi tadiai ma gi-giria'ao'iau naga gee aha ngini 'anianga'uwa,ngaro naga o nyawa nihijarita ngini'a ma.> >>42Ma oraha o Paulus de o Barnabas yohupuou o do-doomu ma woa'a, de ma nyawa geena o do-doomu ma woa'a ge yogaaho'o la o Sabat ma wange do'ae, de yaade-adeli mangale ma haa-haala ge'ena.43Nage o nyawa yolepe-lepe yo'o'ihupuo'au geena ma do-doomu ma woa'a ge de manga lepe o Yahudio'a de 'a o Yahudio'awa nage yoohamo'au o Yahudio'a manga agama'a, yo'inii'i o Paulus de o Barnabas. Ho o hu-hulo'o goona yo'idoto'o de yo'ihitiari ona'a, la ona tatapu winga'u ma Jou ma Dutu'a nage wo'i'ula'au awi hininga ma owa.44Ma oraha o Sabat ma wange ma gilionoli, ma bendaro'a geena hali'i moi-moi yoboano mangale yohigihene ma Jou ma Dutu awi demo.45Ma ma oraha o Yahudio'a yo'ima'e o nyawa yolepe-lepe goona, de duru yotaleana. Ona yohohedu ma de yaributu o'iau naga ge o Paulus wotemo-temo ge.46Ma o Paulus de o Barnabas yomatotomooini monga yomaade-ade yohitotobioni'a. Ona yotemo, <<Ngomi halingou miohingahu ma Jou ma Dutu awi demo geena ma di-dihila'a ngini'a o Yahudio'a, ma ngini 'anioolu'u niadawongo, ma mangariti ngini ma hirete niohitatapu na'o ngini 'oyadaenuwa niadawongo o wowango 'ahiado-adoni'a. Mangale geena, o oraha neena ngomi nimimada ngini de miotagi o ba-bangiha ma homoa'a.47Hababu oneena ma Jou ma Dutu wopareta ngomino: Ma Jou wotemo, <Ngoi tiniili'o'au ngini niodadi o daraanga 'a o nyawa-nyawa'a nage o Yahudio'awa,la ngini niohimaiti o halamata ma nge'omo o nyawa-nyawa'a o dunia'a moi-moi.> >>48Ma oraha o nyawa-nyawa nage 'a o Yahudio'awa yoihene geena, ona duru yomagarago, geena'a de 'awihilamo-lamo'o ma Jou ma Dutu awi demo. De o nyawa gee ma Jou ma Dutu wohitatapuo'au yama'e o wowango 'ahiado-adoni'a, yodadi yonga'u.49Geena'a de ma Jou awi demo 'ihidagi moi-moi ma daeraa'a geena.50Ma o nyawa-nyawa o Yahudio'a ma bendaro'a geena, yohihau-hau'u o nge-ngewe'a yo'aya-'aya'a nage wihuba-huba de wiho-horomati ma Jou ma Dutu'a de o nyawa yola-laagomo ma bendaro'a geena, de ona yodiai la o nyawa-nyawa yo'ihangihara o Paulus de o Barnabas, de yo'iginii'i geena ma daera'a.51Ma o hu-hulo'o yamididi goona manga dou ma 'a'awo yodatatara ge'ena o Yahudio'a manga bionu'u ma ngale o du-dunguu moi ma Jou ma Dutu done wo'ihu'umu ona'a, geena'a de yotagi o Ikonium ma bendari'a.52Ma yonga'u-nga'u o Antiokia'a gee duru yogarago de o Omaha 'Iofi-ofi yo'iparetano.
'Ageena ma oraha ena o Elimas wamao harage o hauramo 'iwu-wuwutu awi la'o'a yatamuno'o, ho wotagi ma 'awomapapa-payangou o nyawa womadononu ma ngale wituda.12Ma oraha ma gubernur guuna wama'e o'iau ida-dadio'au ge, de wonga'uo'au o Yesusi'a; una duru woheranga o dodoto'o mangale ma Jou Yesus.13Geena'a de o Paulus de awi ma-manai o Pafos ma bendaro'a, yohidete o Perga ma bendaro'a o Pamfilia ma daeraa'a. Geena'a de o Yohanes Markus una wo'imada'au de woma'ilio'au o Yerusalemie.14Geena o Perga'a, de yogila-gila o Antiokhia ma bendari'a o Pisidia ma daera'a. O Sabat ma Wange'u, de yotagi yoohama o do-doomu ma woa'a de yogogelu'u geena'a.15Ma oraha o Musa de o Nabi ma regu manga bo'u o nyawa yabaca'au, de o do-doomu ma woa ma balu-baluhu goona yohulo'o o nyawa'a la yohano o Paulus de awi ma-manai'a. Yotemo, <<Riadodoto, na'o naga demaena o 'iani niomau nio'ihidemo mangale ni'ihi'uata o nyawa noona, de nio'ihidemo'au.>>16O Paulus womagoa'a de awi giama wagoa'o'ahi ma ngale womaade-adeu de wotemo,
<<Riadodoto o Israel ma nyawa de moi-moi nage niwihuba-huba de niwihoromati ma Jou ma Dutu'a! Bei'a niohigihene 'ai demo.17Ma Jou ma Dutu nage o Israel ma nyawa powihu-huba guuna wo'iili'o'au to ngone nanga edete de nanga dotumu, de wadiai o bangiha ma amo'o moi ma oraha ona yomanoa o Mesiro'a nage 'atoonawa manga tona'a. Geena'a de to Una awi 'uaha ma amo'o wo'iaha wo'ihihupu o Mesiro'a.18Una wotongohono to ona manga go'oie de manga gogelu'u o tona'a 'i'a-'a'aha'a ma daao o taunu moruatino.19O Kanaan ma tona'o'a o bangiha tumudiingi wabinaha, ma ngale wo'ihi'ado'u ma tona'a geena la idadi 'a to 'onau.20Geena moi-moi idadi poelua o taunu ratuhu hoata de o moritoano.
Iduangino de wohi'a-ado'u o Kanaan ma tona'a geena, de ma Jou ma Dutu wo'i'ula manga baluhu gee yo'ihironga o hakimi. O hakimi ma du-duuluo'a geena la Nabi Samuel.21Geena'a de yomagaaho'o o 'oana moi. Ho ma Jou ma Dutu wo'i'ula o Saul o Kis awi ngoa'a awi ahala o Benyaminino. Una wodadi to ona manga 'oana ma daao o taunu moruatino.22Iduangino ma Jou ma Dutu wihitogumu o Saul wo'oana, de Wigoa'oli o Daut wodadi to ona manga 'oana. De neenau gee ma Jou ma Dutu wotemo ma ngale o Daut: <Ngoi towima'e'au o Dautu o Isai awi ngowa'a, una geena 'ai hingina yadaene. Unau geena aha wadiai to Ngoi 'ai mau moi-moi.>23O Dautinou awi guti'u womatengo, ma Jou ma Dutu Wiili'o'au wodadi o Israel ma Nyawa Wo'ihihalamata gee ma Jou ma Dutu wohijajio'au. De o Yesusou guuna o nyawa wohiha-halamata.24Ma oraha o Yesus 'awoboawahi, ena o Yohanes Wo'ohi-'ohi'i wohi'awaha'au o Israel ma nyawa'a, la yotoba o baradoha yodiai de yomahigiama ma hoata, mangale wo'iohi'i.25De Wa'utu o Yohanes awi 'arajaanga hali'i waduangou de wotemo o nyawa-nyawa'a, <'Imote'e ngini, ngoi neena naguuna? Ngoi neena 'a Unawa nage niwida-damaa. Nioda-danganono e, o Nyawa guuna, ngoi toboa'ahi aha de Una, duga to Una awi biono'a geena ngoi 'ao'ia-'iawa 'idaene. 'A Awi tarupa ma gumini tohohe ma 'oyadaenuwa!>26Riadodoto o Abraham awi guti'u de o nyawa-nyawa 'a o Yahudio'awa neena'a naga gee ma Jou ma Dutu wihingou-ngounu de wihoromati! Ma Jou ma Dutu wonahingahuo'au o habari ma ngale Wonahihalamata.27O Yerusalemo'a yomanoa-noa de manga balu-baluhu go'ona 'Ayomangaritiwa na'o Unau geena Wohiha-halamata. Ona 'ayomangaritiwa o nabi manga behehongo gee yabaca-baca o Sabat ma wange'u 'ihinoimi, ho wihu'umu o Yesus. Ma 'ogeenau yodiai geena imote'e o'iau naga o nabi yohidemo'au ma hilahi.28Ngaro 'ayodama'ewa awi hala 'a moi ma nage halingou wihu'umu witooma, ma yogaaho'o o Pilatusi'a la halingou Witooma.29De nage yadiaio'au moi-moi nage harage de ituli-tulihu'u'au ma nabi-nabi manga bo'u ma doda'a ma ngale Una, de aha awi honenge yohiguti o salipo'a de wihiohami'a o boohu'u o aru'o'a.30Ma ma Jou ma Dutu wihimomi'o'ali Una ngaro Wohonengo'au ma.31Geena'a de o wange muluono naga womahimai-maiti nage ma hila yonii-nii'i Una'a o Galilea ma daera'a o Yerusalem ma bendari'a. Onau geena neena naga yohiha-ha'ihi mangale Una o Israel ma nyawa'a.32Ho neena ngomi miohingahu ngini'a o Habari ma Owa mangale ma Jou Yesus: Geenala 'o'iau naga gee ma Jou ma Dutu wohijajio'au nanga edete de nanga dotumi'a,33geena Wadiaio'au naga ngone'a toona manga guti'u, ma nge'omo wihimomi'o'ali o Yesus ngaro Wohonengo'au. Geena harage de o Mazmur ma dodoimi modidi naga 'ihitulihu'u onane, ma Jou ma Dutu wotemo, <Ngona geenala to Ngoi 'ai Ngoa'a.Neena ma wange, Ngoi todadi Ani Dea!>34Ma Jou ma Dutu wihimo'o'au Una o honengino. Ho 'a Wohonenguwauoli de 'awodewedelua o boohu'o'a, harage de ma Jou ma Dutu wotemo'au, <Ngoi aha tohitotomo 'ai jaji 'iofi-ofi nage, maraio'au idadi,gee Tojajio'au o Dauti'a.>35'Ogeenali ma naga O Mazmur ma reguo'a ma regu'ali 'itemo na'o, <Ngona 'anamada'awa Ani Gilaongo tonihingou-ngounu 'atodewedelu'u o boohu'o'a.>36O Dautu ma wohongeno'au de wipoohuo'au awi edete de awi dotumu manga boohu'u ma date'u'u. Una wa'o'idiaio'au o'iau naga ge ma Jou ma Dutu wihulo'o wadiai. O Dautu awi maiyeti ma 'iwedele o boohu'o'a.37Ma o Yesus nage ma Jou ma Dutu wihimomi'o'au, una awi maiyeti 'aidewedelua o boohu'o'a.38Hababu geena riadodoto, halingou niana'o na'o ma nge'omo o Yesusou, ho o habari ma ngale ma Jou ma Dutu wohiapongo o baradoha ihihabari ngini'a. Ngini halingou niana'o, na'o moi-moi o nyawa yonga'u-nga'u Una'a, geena yo'ihipidili manga baradoha'a. O baradoha 'aidadiwa yai'ili 'a de o Musa awi hu'umu.40Geenau ho, halingou nimahidi-diai, uwa hiadono ngini'a nidaene o 'iau naga ge ma nabi yohidemo'au ma hilahi onanee: 41<Niohi-hininga, ngini nage nioho-hohedu!Ngini aha duru nioheranga, geena'a de aha niohonenge!Hababu neena naga Ngoi tadiai ma gi-giria'ao'iau naga gee aha ngini 'anianga'uwa,ngaro naga o nyawa nihijarita ngini'a ma.> >>42Ma oraha o Paulus de o Barnabas yohupuou o do-doomu ma woa'a, de ma nyawa geena o do-doomu ma woa'a ge yogaaho'o la o Sabat ma wange do'ae, de yaade-adeli mangale ma haa-haala ge'ena.43Nage o nyawa yolepe-lepe yo'o'ihupuo'au geena ma do-doomu ma woa'a ge de manga lepe o Yahudio'a de 'a o Yahudio'awa nage yoohamo'au o Yahudio'a manga agama'a, yo'inii'i o Paulus de o Barnabas. Ho o hu-hulo'o goona yo'idoto'o de yo'ihitiari ona'a, la ona tatapu winga'u ma Jou ma Dutu'a nage wo'i'ula'au awi hininga ma owa.44Ma oraha o Sabat ma wange ma gilionoli, ma bendaro'a geena hali'i moi-moi yoboano mangale yohigihene ma Jou ma Dutu awi demo.45Ma ma oraha o Yahudio'a yo'ima'e o nyawa yolepe-lepe goona, de duru yotaleana. Ona yohohedu ma de yaributu o'iau naga ge o Paulus wotemo-temo ge.46Ma o Paulus de o Barnabas yomatotomooini monga yomaade-ade yohitotobioni'a. Ona yotemo, <<Ngomi halingou miohingahu ma Jou ma Dutu awi demo geena ma di-dihila'a ngini'a o Yahudio'a, ma ngini 'anioolu'u niadawongo, ma mangariti ngini ma hirete niohitatapu na'o ngini 'oyadaenuwa niadawongo o wowango 'ahiado-adoni'a. Mangale geena, o oraha neena ngomi nimimada ngini de miotagi o ba-bangiha ma homoa'a.47Hababu oneena ma Jou ma Dutu wopareta ngomino: Ma Jou wotemo, <Ngoi tiniili'o'au ngini niodadi o daraanga 'a o nyawa-nyawa'a nage o Yahudio'awa,la ngini niohimaiti o halamata ma nge'omo o nyawa-nyawa'a o dunia'a moi-moi.> >>48Ma oraha o nyawa-nyawa nage 'a o Yahudio'awa yoihene geena, ona duru yomagarago, geena'a de 'awihilamo-lamo'o ma Jou ma Dutu awi demo. De o nyawa gee ma Jou ma Dutu wohitatapuo'au yama'e o wowango 'ahiado-adoni'a, yodadi yonga'u.49Geena'a de ma Jou awi demo 'ihidagi moi-moi ma daeraa'a geena.50Ma o nyawa-nyawa o Yahudio'a ma bendaro'a geena, yohihau-hau'u o nge-ngewe'a yo'aya-'aya'a nage wihuba-huba de wiho-horomati ma Jou ma Dutu'a de o nyawa yola-laagomo ma bendaro'a geena, de ona yodiai la o nyawa-nyawa yo'ihangihara o Paulus de o Barnabas, de yo'iginii'i geena ma daera'a.51Ma o hu-hulo'o yamididi goona manga dou ma 'a'awo yodatatara ge'ena o Yahudio'a manga bionu'u ma ngale o du-dunguu moi ma Jou ma Dutu done wo'ihu'umu ona'a, geena'a de yotagi o Ikonium ma bendari'a.52Ma yonga'u-nga'u o Antiokia'a gee duru yogarago de o Omaha 'Iofi-ofi yo'iparetano.
The Seed Company