1 Timothy3
1Pơp ngơi ho jêng ngĭn ngăn: “Ndă di nêh tơm khơñ ñjêng nêh năk iêl, pơp nêh hư̆n khơñ jêng ju mta bruă găl.”2Kơt iên, nêh năk iêl ăn jêng nêh so mau tŭk ƀuăh ñjăm ôh, sai ta ju nau ur, gư̆t geh, gư̆t răng, pơp dăp găl, gư̆t ruôm năč, mau pơp nă tơ ti lăh,3so he nơm, so khơñ juôi pơp, ƀê̆ dăh ăn un dhun, geh găl, so he prăk,4kĕ kriê găl hih nhăk tơm, mau ŏh kuôn gưt dơk ta lĕ mơt nuih nhăm gư̆t mpŭ5(bơ yơng ndă di ju nau nêh so gư̆t truông kĕ kriê hih nhăk tơm, nêh hư̆n jrăng kĕ kriê Pôl Ƀrăh Yang Trôk di đô̆ nă?),6so geh jêng nêh mhei đăo, no di so kăn mau pơp mgao jêh iên nêh hư̆n ĕh lăč mŏng pơp kmhal klăh di yang djŏh.7Ƀê̆ dăh, nêh năk iêl ăt mau pơp pĕh hing găl băh băl ta ling Pôl Ƀrăh, no di nêh hư̆n ơn ĕh lăč mŏng pơp prêng lau jêh iên pơp mblơm yang djŏh di.8Kơt iên ya, băl đru bruă ăn ñjêng nêh năng mpŭ, so ngơi bar bha, so dơi ñư̆l nơm, so he khơñ,9ñôt kjăp pơp yuôm ndăp pơp đăo di ta nuih nhăm ƀrăh ngôr.10Gao băh iên, hên ăt mau pơp lông dlăng luôr, jêh hư̆n kăh ăn hên mhŏ bruă tlĕh mau pơp ƀuăh ñjăm.11Đơ băl ur ăt iên ya, ăn gŭk brêh geh, so ngơi djŏh, gư̆t răng, sĭt suôr mŏng grăp pơp.12Grăp nau băl đru bruă ăn ñjêng sai ta ju nau ur, kĕ kriê găl ŏh kuôn wăt ta hih nhăk tơm.13Bơ yơng nêh mhŏ bruă găl jrăng mau pơp nai mpŭ găl ta kăn jêh iên mau ŏk pơp năñ mŏng pơp đăo mŏng Yang Tŏng Tlĕh Yê-su.14Ăñ čih ƀê̆ pơp ngơi ho ta kuôn, mơn sak siêp kuôn gơñ,15ƀê̆ dăh ndă di ăñ trôh la, hư̆n kuôn dơi gư̆t ya đô̆ nă mhŏ mŏng hih Yang Trôk di, hư̆n jêng Pôl Ƀrăh Yang Trôk khăng brêh, jrŏng jêh iên jrŏng dham pơp ngĭn ngăn di.16Pơp yuôm ndăp yơng ta pơp mpŭ jêng ram ngĭn ngăn yơh:“Mtao jêh nôh ƀlang mŏng lŏng săk,dơi ngơp jêng kpă mŏng Yang Ngăt Găl,dơi so klă yơng băh nêh myangdơi têh sơm mŏng mbar uôn lan,dơi nai đăo tŏng dôn teh,dơi čơng tŏng trôk mŏng pơp guh ang.”
FAR EAST BROADCASTING COMPANY