1 Timothy2
1Kơt iên, luôr hĭn, ăñ čhôl trôt lĕ mơt pơp kôh dăn, kuôl dăn, kuôl dăn un, pơp lăh găl dơi trôh ta grăp nau nêh,2ta băl mtao jêh iên ta lĕ mơt nêh tơm jai gŭk mŏng tŭk kĕ kriê, no di băl băn dơi brêh mŏng pơp brêh đăp nang jêh iên ngăp nge wăt ta grăp pơp mpŭ jêh iên nuih nhăm găl.3Hư̆n jêng pơp nhăp găl jêh iên geh guôp ta măt Yang Trôk, Khua Yang băl băn,4Mtao khơñ ta grăp nau nêh dơi tlĕh jêh iên sak trôh ta tŭk gư̆t năl pơp ngĭn ngăn.5Bơ yơng čuôm gu mau ƀơn Yang Trôk jêh iên ƀơn Mtao gŭk mŏng mbar Yang Trôk ta kuôn nêh — hư̆n jêng Yang Tŏng Tlĕh Yê-su, jêng nêh,6Mtao jêh săl săk jăn tơm lăm ñjêng nŏh tuai ta grăp nau nêh, klăh di pơp lăm klă mŏng trip mông,7yơng băh pơp lăm nư̆k hư̆n ăñ jêh ñjêng nêh tơ ti lăh jêh iên ƀing kna — ăñ ngơi ngơ ngăn mŏng Yang Tŏng Tlĕh, ăñ so ngơi huôk ôh — hư̆n jêng khua tơ ti ta băl uôn lan ling lač yơng ta pơp đăo jêh iên pơp ngĭn ngăn.8Kơt iên, ăñ khơñ băl tlơ tlau gŭk ta grăp tŭk ăn kuôl dăn, yơr ti ƀrăh ngôr tŏng tê̆ man ñôt pơp hao nuih jêh iên pơp tŏng nhan,9ndrơm ya, băl u ur ăn hên lăm nhăp săk jăn hên tơm mŏng pơp čư̆t sŏh geh hdră wăt ta nuih nhăm gư̆t mpŭ jêh iên gư̆t răng, so geh ta bruă buôñ sŏk ta măh mdăh mau yuôm, mdăh čhum ao yuôm prăk,10ƀê̆ dăh ta pơp geh găl ta băl u ur ăn mau nuih nhăm bhŭng mpŭ Yang Trôk mơn băh grăp bruă găl.11Băl u ur ăn hên riêm mŏng pơp gŭk miêt, mŏng pơp gưt mpŭ nư̆m nơn.12Gao băh iên, ăñ so ăn băl u ur tơ ti lăh mdăh yua pơp dơi tŏng băl tlơ tlau, ƀê̆ dăh ăn gŭk miêt.13Bơ yơng kăn A-đam jêh rih ñjêng luôr, jêh hư̆n kăh trôh de Ê-wa,14jêh iên kăn A-đam so geh pơp mblơm, ƀê̆ dăh nêh u ur, jăng jai ĕh lăč ta pơp mblơm, ĕh lăm ndơp trôh ta tŭk mhŏ tih.15Ƀê̆ dăh, nêh u ur jrăng dơi tlĕh mơn băh pơp lai săk ta kuôn, ndă di hên gŭk kjăp mŏng pơp đăo, pơp khăp khơñ jêh iên pơp ƀrăh ngôr, ta pơp mĭn nhăp găl.
FAR EAST BROADCASTING COMPANY