Иоиль1
1Иоильлан, Вафуил эргылан, Господь деч тыгай шомак лийын.2Колыштса, калык кугурак-влак,тӱткӧ лийза, тиде мландыште илыше-шамыч!Тендан илыме кечылаште але ача-кочадан илымышт годымтыгае лийын мо?3Каласкалыза тидын нерген йочада-влаклан,йочада-шамыч тек шке икшывыштлан каласкалат,а нунышт – вес тукымлан.4Мо шукш деч кодын,тудым шудышырчык кочкын,мо шудышырчык деч кодын,тудым шурнышырчык рожген,а шурнышырчык деч кодшым копшаҥге пытарен.5Помыжалтса, йӱшӧ-влак, да шортса,йошкар аракам йӱаш йӧратыше-шамыч, магырыза,вет виноград вӱд умшашкыда тетла ок логал!6Мыйын мландышкем калык толын –виян, шотлен пытарыдыме.Тудын пӱйжӧ – левын пӱйжӧ гай,азупӱйжӧ – ава левын гай.7Тудо виноград вондерем пытарен,смоква пушеҥгем тодыштын:шӱмжым тӧргалтен, тудым чарам коден,укшыжо-влак ошемыныт.8Колышо качыже шотышто магырыше,чоштыра вургемым чийыше оръеҥ семын шорт!9Кинде надыр ден йошкар арака надырымГосподьын пӧртыш тетла огыт кондо,иерей-влак, Господьлан служитлыше-шамыч, ойгырат.10Пасу-влак пустаҥыныт, мланде ойгыра,вет шурным пытареныт,виноград кошкен, олив ӱй пытен.11Вуйдам сакыза, мланде пашаеҥ-влак,виноградым ончышо-шамыч, ойгаҥза!Вет шыдаҥ ден шож уке,уке лектыш пасулаште.12Виноград вондо ден смоква пушеҥге кошкеныт,гранат, пальме, олмапу – чыла лывыжген,айдеме эрге-влакын куаныштлан толын мучаш.13Иерей-влак, чоштыра вургемым чийыза да шортса,жертвенник ончылно служитлыше-шамыч, магырыза!Мыйын Юмемлан служитлыше-влак, толзада чоштыра вургем дене йӱдлам эртарыза!Вет кинде надыр ден йошкар арака надырЮмыдан пӧртыштыжӧ тетла уке.14Пӱтым кучаш палемдыза,погынымашым увертарыза!Господь Юмыдан пӧртышкыжӧ калык кугурак-влакым,тиде мландыште илыше-шамычым погызада Господьым ӱжын кумалза.15О, могай кече мемнам вуча!Господьын кечыже лишне!Толеш тудо Чылакертшын колтымо пытарымашыже семын.16Мемнан шинча ончылно кочкыш уке лийын,Юмынан пӧртыштыжӧ куан ден веселалык йомыныт.17Кукшо мландыште пырче кошкен,клат-влак пустаҥыныт, амбар-шамыч шаланеныт,вет шурно лектыш уке.18Кузе вольык йӧсланен ломыжеш!Ушкал кӱтӱ-влак перныл коштыт,вет шудо нунылан уке,шорык кӱтӱ-влакат орланат.19Тый дечет, Господь, полышым йодын кычкырем,вет ир мландысе кӱтымӧ верлам тул йӱлалтен,тушто чыла пушеҥгым тулйолкын пытарен.20Янлык-шамычат Тый дечет полышым йодын кычкырат,вет вӱдйогын-влак кошкеныт,ир мландысе кӱтымӧ верлам тул йӱлалтен.
Institute for Bible Translation, Finland