Иоиль2
1«Пучым пуалтыза Сионышто,Мыйын святой курыкыштем тургыж йӱкым нӧлталза!Тек мландымбалне илыше-влак чытырат,вет Господьын кечыже толеш, тудо лишне –2рӱмбык да пычкемыш кече,шем пылан, тӱп пычкемыш кече:шуко чотан да виян сарзе калыккурыкла мучко эр ӱжара семын шарла.Тыгайже ончыч лийын огылда тетла нигунам огеш лий.3Тудын ончылныжо тул пӧжга,шеҥгелныже – когартыше тулйолкын.Тудын ончылно мланде – пуйто Эдем сад,а тудын деч вара – пустаҥдыме ир мланде.Нимо тудын деч ок утаралт!4Сынышт дене имньыла койыт,имнян сарзывий семын нуно йортат.5Сарлык орва семын курык вуй ӱмбалне лӱшкен кудалыт,олымым пӧжгышӧ тул семын чодыртатат,пуйто кугу сарзывий рат дене кредалаш кая.6Нуным ужын, калык-влак чытырат,чурийышт шапалга, ошемеш.7Кредалше-влак семын нуно куржыт,лӱддымӧ сарзе-влак семын пырдыжыш кӱзат.Кажныже ончыко тура кая,корныж гыч огеш кораҥ.8Икте-весым огыт шӱкедыл,кажныже шке корныж дене тура кая,умдо-влак кокла гыч эртат,нигӧ ок керт нуным чарен.9Ола ӱмбаке керылтыт,пырдыжыш кержалтыт,пӧрт ӱмбаке кӱзат,вор семын окна гоч пурат.10Нунын ончылно мланде лӱҥгалтеш, кава чытырна,кече ден тылзе пычкемышалтыт,шӱдыр-влакын чолгыжмышт ок кой.11Тиде сарзывий ончылно Господьын йӱкшӧ шокта.Тудын кугу армийже – шотлаш лийдыме,шомакшым шуктышо-влак улыт куатан.Господьын кечыже кугу да пеш шучко,кӧ тудым чыта?12Но эше кызытат Господь ойла:уло шӱм-чон дене Мый декем савырныза –кучыза пӱтым, шортса, ойганыза!»13Вургемдам огыл, а шӱмдам кушкедсада Господь Юмыда дек савырныза,вет Тудо поро да чаманыше,кужун чытыше да серлагыше,туткарым колташ шонымыжым вашталташ ямде.14Кӧ пала, ала Тудо чамана,угыч тендам суапландара?Тунам Господь Юмыланда пуышашкинде надыр ден йошкар арака надырда лиеш.15Сионышто пучым пуалтыза,пӱтым кучаш палемдызада погынымашым увертарыза!16Калыкым погыза да святитлыза –шоҥгыеҥ-влакымат ӱжса,йоча ден чызым кочшо аза-шамычымат кондыза.Тек каче ден оръеҥат шке пӧлемышт гыч лектыт.17Тек иерей-влак, Господьлан служитлыше-влак,храмыш пуртышо кыдеж ден жертвенник коклаште шортыт.Тек нуно кычкырат:«Господь, шке калыкетым чамане!Тудым намысыш ит пурто,вес калык-влаклан мыскылаш ит пу!Тек калык-влак коклаште огыт ойло:”Кушто нунын Юмышт?”»18Тунам Господьын чонжо шке мландыж верч йӱлаш тӱҥалеш,да Тудо шке калыкшым чаманен налеш.19Господь вашешта, шке калыкшылан каласа:«Мый тыланда киндым, йошкар арака ден олив ӱйым колтем,те теммеш кочкаш тӱҥалыда.Тетла тендам вес калык-влаклан мыскылаш ом пу.20Йӱдвел гыч толшо-влакым тендан деч кораҥдемда кошкышо, пуста мландыш поктен колтем.Ончыл рат-влакым эрвел теҥызыш,а шеҥгелысе-влакым касвел теҥызыш кудалтем.Нунын деч йыгыжге ӱпш лектеш,шакше пуш нӧлталтеш,вет нуно шуко осалым ыштеныт.21Ит лӱд, мланде – куане, веселитле,вет Господь кугу пашам ыштен!22Ида лӱд, янлык-влак,вет ир мландыште шудо кушкеш,пушеҥге-шамыч саскам кондат,смоква пушеҥге ден виноград вондертӱвыргӧ лектышым пуат.23Те, Сионын йочаже-влак,Господь Юмыланда куаныза, веселитлыза!Тудо тыланда йӱрым шке жапыштыже пуа,ончычсо семынак шыже ден шошо йӱрым колта.24Идым-влак шурно дене темыт,виноград ден оливым темдыме вер-влаквиноград вӱд да олив ӱй дене тӱргоч темыт.25Шукш ден шудышырчык, шурнышырчык ден копшаҥгелектышдам ий гыч ийыш кочкыныт,вет Мый нуным ӱмбакыда кугу сарзывий семын колтенам,но нине ий-влаклан Мый тыланда чыла пӧртылтем.26Те теммеш кочкашда Господь Юмыдан лӱмжым чаплаш тӱҥалыда,вет Тудо тыланда ӧрыктарыше паша-влакым ыштен.Мыйын калыкем тетла нигунам намысыш ок пуро.27Тунам те пален налыда:Мый Израиль калык коклаште илем,Мый тендан Господь Юмыда улам,моло вес Юмо уке.Тетла Мыйын калыкем намысыш ок пуро.28Тидын деч вара Мыйчыла еҥ ӱмбак Шӱлышем опталам.Эрге ден ӱдырда пророклен ойлаш тӱҥалыт,шоҥго пӧръеҥланда омо-влак кончат,рвезе-влакда кончымашым ужыт.29Тудо кечылаште Мый Шӱлышемпӧръеҥ ден ӱдырамаш тарзем-влак ӱмбакат опталам.30Каваште да мландымбалне ӧрыктарыше палым ончыктем:вӱрым, тулым да шикш меҥгым.31Господьын кӱдыратле да шучко кечыже толмо деч ончычкече пычкемышалтеш, тылзе вӱрыш савырна.32Полышым йодын, Господьын лӱмжым ӱжшӧкажне еҥ утарыме лиеш.Господь каласыме семынак,Сион курыкышто да Иерусалимыште утаралт кодшо-влак лийыт –кӧм Господь ӱжеш, нуно утарыме лийыт.
Institute for Bible Translation, Finland