Ос14
1Самарий шке титакшылан мутым куча,вет тудо шке Юмыж ваштареш шогалын.Тушто илыше-шамыч керде деч пытат,азашт-влак кӱ ӱмбак кудалтен пуштмо лийыт,мӱшкыран ӱдырамаш-влакын мӱшкырыштым пӱчкыт.2Израиль, Господь Юмет деке пӧртыл,вет тый осал пашатлан кӧра камвозынат.3Кумалме шомак дене Господь деке пӧртылза!Каласыза Тудлан:«Чыла сулыкнам кудалте да кондымо поро пӧлекнам нал –ме умша гыч лекше моктеммутнам кондена.4Ассирий мемнам огеш утаре.Ме сарлык имне ӱмбак огына шич,мом шке кидна дене ыштенна,нуным тетла ”мемнан юмына” огына ман,вет тулык-влак деке Тый поро улат».5«Ӱшанле огыл улмышт деч Мый нуным паремдем,нуным йӧраташ тӱҥалам – тиде Мыйын кумылем,вет Мый нунылан тетла шыдем ом кучо.6Мый Израильлан лупс гай лиям,да тудо лилий семын пеледеш,Ливанысе кедр семын вожшым колта.7Тудын укшыжо-влак шарлат,тудо олив пушеҥге гай сӧрал лиеш,Ливанысе чодырала тамле пушым шара.8Ӱмылжӧ йымалне илыше-влак пӧртылыт,шурным ток ончен куштат.Виноград вондо гай тудо пеледеш,Ливанысе йошкар арака семын чаплана.9Ефрем каласа: ”Шояк юмо-влак дене мыйын могай пашам?”Мый тудлан вашештем да пыдал налам.Улам Мый ужар кипарис гай,тыйын перкелыкет – Мый дечем».10Кӧ мунло, тек тидым умыла,кӧ шонен моштышо, тек тидым пала!Господьын корныжо-влак чын улыт,нунын дене чын ыштыше-влак каят,а Тудын ваштареш шогышо-шамыч тушан шӱртнят.
Institute for Bible Translation, Finland