Ис42
1«Теве Мыйын Тарзем – Тудым Мый пеҥгыдемдем,Мыйын ойырен налмем – Тудын деке Мыйын поро кумылем.Тудын ӱмбак Мый Шӱлышем опталам,Тудо калык-влаклан поро судем увертара.2Тудо ок кычкыре, йӱкым ок кугемде,уремлаште Тудын йӱкшым огыт кол.3Тодылалтше омыжым Тудо ок пудырто,эҥын кийыше йытын рӱдым ок йӧртӧ.Чын судым Тудо ышташ тӱҥалеш.4Тудо ок начарешт, ок лунчырго –мландымбалне чын суд шуктымашым пеҥгыдемда.Тудын туныктымыжым отро-влак вучат».5Кавам ыштыше да шарыше,мландым да тушто чыла мо улым шочыктышо,тушто улшо калыклан шӱлышым,тудын ӱмбалне коштшо-влаклан илышым пуышоГосподь Юмо тыге ойла:6«Мый, Господь, Тыйым чын ыштымашым шараш ӱжынам,Мый Тыйым кидет гыч кучем да аралаш тӱҥалам.Тыйын гоч Мый калык дене ойпидышым ыштем,моло калыклан волгыдым кондем.7Тыге сокыр-влакын шинчашт почылтеш,петырен шындыме-шамыч эрыкыш колтымо лийыт,пычкемыште шинчыше-влак казамат гыч лектыт!8Мый Господь улам, тиде Мыйын лӱмем!Ом пу Мый весылан шке чапем,шояк юмо-влаклан – Мылам кондышаш моктымашым.9Ончыч каласыме шукталтын,да Мый тыланда у нерген увертарем –шукталташ тӱҥалмыж деч ончычакМый тидын нерген увертарем».10Теҥыз дене коштшо-влакда чыла, мо теҥызыште уло,отро-влак да тушто илыше-шамыч!Господьлан у мурым мурыза,мландын ик тӱр гыч вес тӱржӧ марте Тудым моктен мурыза!11Тек ир мланде да тудын олаже-влак шке йӱкыштым кугемдат,Кедарын илемже-влак йывыртен мурат!Тек куанен мурат кӱ курыкышто илыше-шамыч,тек курык вуй гыч кугу йӱкын мурат!12Тек Господьым чапландарат,Тудын чапше нерген отролаште увертарат!13Лектеш Господь патыр семын,тале сарзын гай тудын чонжо йӱла,кугу йӱкын кычкыралеш,тушман-влаклан шке куатшым ончыкта.14«Кужу жап нимом ойлен омыл,Мый чытенам, Шкемым кученам.Но кызыт азам ыштыше семын кычкыраш,нелын шӱлешташ тӱҥалам.15Пустаҥдем курык ден чоҥга-влакым,тушто улшо чыла шудым коштем.Эҥер-влакым савырем отролашке,ер-шамычым кукшемдем.16Сокыр-влакым наҥгаем нунылан шинчыдыме корно дене,палыдыме йолгорно дене нуным вӱден каем.Ончылнышт улшо пычкемышым волгыдыш савырем,лакылан корным тӧрым ыштем.Теве мом нунылан ыштем, нуным Мый коден ом кай.17Тунам шояк юмылан инаныше-влак,полган юмылан ”те мемнан юмына улыда” манше-влак,кугу намысыш пурат да поктен колтымо лийыт.18Соҥгыра-влак, колыштса,сокыр-шамыч, ончыза, тек шинчада почылтеш!19Кӧ Мыйын тарзем семын сокыр,Мыйын колтымо уверзем гай соҥгыра?Кӧ Мылам служитлыше еҥ гай сокыр,Господьын тарзыже семын сокыр?20Тый шуко ужынат, но шекланен отыл,пылышет колын кертше лийын, но колын отыл».21Законым кугуэш шындаш да кӱшкӧ нӧлталашГосподь шке чынлыкшылан кӧра сайлан шотлен.22Но тиде калыкым агыме, толымо –нуным чылаштым вынемыште кучат,казаматыш петыреныт.Нуным кученыт – нигӧ утарен огыл,нуным руалтеныт – нигӧ ок ойло: «Пӧртылтӧ мӧҥгеш!»23Кӧ тендан кокла гыч тидлан пылышыжым почеш,колыштеш да ончыкылыклан шотыш налеш?24Кӧ Иаковым пустаҥдаш пуэн,агыше-влаклан пуэн Израильым?Господь огыл мо, Кӧн ваштареш ме сулыкым ыштенна?Тудын корныж дене нунын коштмышт шуын огыл,Тудын законжым нуно колыштын огытыл.25Тунам Тудо ӱмбакышт кугу шыдыжым йоктарен,шучко сарым колтен.Тудо нуным чыла могырым тул дене авырен,но нуно умылен огытыл,тулйолкын нуным когартен,но ушышт пурен огыл.
Institute for Bible Translation, Finland