Ис41
1«Отро-влак, Мыйын ончылнем шып лийза!Тек калык-шамыч вийым погат,лишемыт да шке мутыштым ойлат.Погынена чылан судыш!2Кӧ чын ыштыше патырым эрвелне нӧлталын,ӱжын тудым Шкаланже служитлаш?Кӧ тудлан калык-влакым кучыктен,кугыжа-шамычым кид йымакше пуэн?Кердыже нуным савырен пуракыш,пикшйоҥежше – мардеж дене наҥгайыме олымыш.3Нуным поктен, кая тудо таза-эсен, кая корно дене,кудын дене йолжо нигунам коштын огыл.4Кӧ чыла тидым ыштен?Тудо, Кӧ тӱҥалтыш гычак тукым-влакым ош тӱняш шочыкта.Мый, Господь, икымше улам,пытартыш-влак денат Мый тудак кодам».5Отро-влак ужыныт да лӱдыныт,ик тӱр гыч вес тӱр марте пӱтынь мланде чытырнен.Тушто еҥ-влак лишемыныт, пырля погыненыт,6чылан ваш-ваш полшат,икте-весыштлан ойлат: «Пеҥгыдем!»7Кидмастар кумылаҥда велен ыштыше мастарым,калайым таптыше – шандал ӱмбалне таптышым,а паитлыме шотышто «сайын, чоткыдын ыштыме» манын ойлада, ынже лӱҥгӧ манын, эше пудам пудала.8«А тый, Израиль, Мыйын тарзем,Иаков, кӧм Мый ойырен налынам,Мыйын Авраам йолташемын тукымжо,9тый, кӧм Мый мланде мучаш гыч налынам,кӧм эн умбал тӱр гыч ӱжын конденамда каласенам: ”Тый Мыйын тарзем улат,Мый тыйым ойырен налынам да тыйым коден ом кай” –10ит лӱд, вет Мый пеленет улам,ит ӧрткӧ, вет Мый тыйын Юмет улам.Мый тыйым пеҥгыдемдем да тылат полшем,чын ыштыше пурла кидем – тылат эҥертыш.11Кӧ тылат шыдым куча, тудым намыс ден мыскылалтмаш вучат,ваштарешет шогышо-влак пытат, нимошко савырнат.12Нуным кычалаш тӱҥалат – от му,ваштарешет кредалше-влак огыт лий,тый денет тушманлыше-шамыч йӧршешлан йомыт.13Вет Мый Господь, тыйын Юмет, улам.Мый тыйым пурла кидет гыч кучем да ойлем:”Ит лӱд, Мый тыланет полшем”.14Ит лӱд, Иаков шукш, шагал еҥан Израиль,Мый тылат полшем – ойла Господь,тыйым Сулен налше, Израильын святой Юмыжо. –15Мый тыйым шийме оҥам ыштем – уым, пӱсӧ пӱяным.Тый курык-влакым шияш да туржаш тӱҥалат,чоҥга-влакым савырет арвашке.16Тый нуным пуалтет, а мардеж наҥгая,тӱтан нуным шалатен пытара.Но тый Господьлан куанет,Израильын святой Юмыж дене моктанаш тӱҥалат.17Йорло ден незер-влак вӱдым кычалыт,но вӱд уке, умшашт кошкен.Мый, Господь, нуным колам,Мый, Израильын Юмыжо, нуным ом кодо.18Мый чара курыклаште эҥерым,лапверлаште вӱдшинчам почам,ир мландым ерыш, кукшо мландым памашыш савырем.19Ир мландыште Мый кедрым, акацийым,миртым да олив пушеҥгым шындем.Кукшо мландыште кипарис, платан да пӱнчӧ-влакым куштем.20Тек тидым чылан ужыт да палат,шоналтат да умылат:тыште – Господьын кидше,Израильын святой Юмыжо тидым ыштен!»21«Судышто ончышаш пашадам кондыза, – ойла Господь.Мо дене шкендам арален налыда? – ойла Иаковын Кугыжаже.22Тек нуно ӱшандарен ойлат да мо лийшашым каласат.Тек иктаж-мом тыгайым ончыктат,кудыж нерген ончылгоч каласеныт, да тудыжо шукталтын,тунам ме шоналтена, да тышеч мо лектын, пален налына.Але увертарыза мыланна ончыкылык нерген,23каласыза – мо ончыкшым лиеш,тунам ме юмо улмыдам пален налына.Ыштыза иктаж-мом сайым але осалым –тидым ужын, ме чыланат лӱдын ӧрына.24Но те улыда нимо, пашада нимогай акым ок шого!Кӧ тендам ойырен налеш, тудо – йырнык.25Мый тудым нӧлталынам йӱдвел гыч, да тудо толеш,Мый тудым лӱмжӧ дене кече лекме вел гыч ӱжынам.Кузе кӧршӧк ыштыше шуным тошка,туге тудо он-влакым лавыра семын тошка.26Мыланна палаш да ”тудо чын” каласаш манын,кӧ тендан кокла гыч тидын нерген ондакак увертарен?Нигӧ каласен огыл, нигӧ увертарен огыл,нигӧ тендан шомакдам колын огыл.27Сионлан тидым Мый икымше палдаренам,да Иерусалимыш поро уверым кондышым колтенам. 28Ончем Мый, но нигӧ уке,нунын коклаште каҥашым пуышо иктат уке.Нунын деч йодам гынат, вашештыше нигӧ уке.29Чыла нине юмо-влак улыт ондалчык,пашашт нунын – нимо,нунын статуйышт – мардеж да пусталык!»
Institute for Bible Translation, Finland