Ис43
1Но кызыт тыге ойла Господь,Кӧ тыйым ыштен, Иаков,тыйым шочыктен, Израиль:«Ит лӱд, Мый тыйым сулен налынам,тыйым лӱмет дене ӱжынам,тый Мыйын улат.2Вӱд гочын вончет – Мый пеленет лиям,эҥер гоч – тушко пурен от кай,тул гоч кает – от йӱлӧ,тулйылме тыйым ок когарте.3Вет Мый Господь, тыйын Юмет,Израильын Святойжо, тыйын Утарышет, улам.Тыйым сулен налаш манын,Мый Египетым, Эфиопийым да Севам пуэнам.4Мыйын шинча ончылнем тый шерге, кугун аклыме улат.Мый тыйым йӧратем,сандене олмешет вес еҥ-влакым,тыйым сулен налаш калык-шамычым пуэм.5Ит лӱд, Мый тый денет улам!Эрвел гыч шочшет-влакым кондем,касвел гычат тыйым погем.6Йӱдвеллан каласем: ”Пу нуным!”,кечывалвеллан – ”Ит кучо нуным!”Кондыза Мыйын эргым-влакым умбачын,кондыза ӱдырем-влакым мланде тӱр гыч –7чылаштым, кӧ Мыйын манын лӱмдалтын,кӧм Мый шке чапемлан ыштенам,калыпленам да шочыктенам.8Лукса калыкым, кӧн шинчаже уло, но тудо сокыр,кӧн пылышыже уло, но тудо соҥгыра.9Тек калык-влак погынат,тукым-шамыч чумыргат.Кӧ нунын кокла гыч ончыкылыкым увертарен,мо лиймым мыланна ончылгоч ойлен?Чыныш лекташ манын, тек таныклыше-влакым кондат –тек таныклымыштым моло-шамыч колытда ”тиде чын” манын каласат.10А те Мыйын таныкем, ойырен налме тарзем улыда, – ойла Господь. –Те Мыйым палышаш да Мыланем ӱшанышаш улыда,тиде Мый улам манын, умылышаш улыда.Мый дечем ончыч Юмо лийын огыл,Мый дечем варат ок лий.11Мый, Мый гына Господь улам,Мый дечем моло вес Утарыше уке.12Тиде Мый ончылгоч ойленам, утаренам, увертаренам!Тендан пелен вес юмо лийын огыл!Те Мыйын таныклышем улыда, – ойла Господь. –Мый Юмо улам!13Тӱҥалтыш кечыла гыч Мый Тудак улам,Мыйын кидем деч нигӧ ок утаре!Мом Мый ыштем, тидым кӧ шӧрен кертеш?»14Тыге ойла Господь,тендам Сулен налше, Израильын Святойжо:«Тыланда кӧра Мый еҥ-влакым Вавилоныш колтенамда чыла тӱкылтышым пудыртенам,корабльыштышт пайремлыше халдей-шамычымМый кырен шалатенам. 15Мый Господь, тендан Святойда улам,Мый Израильым Ыштыше, тендан Кугыжада улам».16Тыге ойла Господь, Кӧ теҥызыште корным почын,кугу вӱд кокла гыч йолгорным колтен,17орва ден имне-влакым,капырым, виян сарзе-шамычым вӱден каен –нунышт чыланат пырля вуйыштым пыштеныт,кынелын огытыл, лампе тул семын йӧреныт.18«Ондакысым ида шарналте,акрет годсо нерген ида шонкале.19Теве Мый уым ыштем,теве тудо шытен лектеш –тидым огыда умыло мо?Ир мландыште Мый корным ыштем,вӱддымӧ кундемыш йогыным колтем.20Чаплаш тӱҥалыт Мыйым янлык-влак,тулпире ден страус-шамыч,вет ир мландылаште Мый вӱдым пуэм,кукшо верыште эҥер-влакым почам –тек ойырен налме калыкем вӱдым йӱэш.21Тиде калыкым Мый Шкаланем ыштенам,тудо Мыйым мокташ тӱҥалеш.22Но тый, Иаков, Мыйым ӱжын кумалын отыл,тый, Израиль, Мый дечем ноенат!23Мыланем огыл тый шорык-влакым йӱлалтен пуэнат,надырым кондымо дене Мыйым чаплен отыл.Мый тый дечет кинде надырым утыжым йодын омыл,тӱтыртышым йодмо дене тыйым улныктарен омыл.24Мылам тамлыпушым налаш тый шийым тӱлен отыл,надыр вольыкын кояжым Мылам пукшен отыл.Мӧҥгешла, сулыкетын нелытше дене Мыйым темденат,осал пашат-влак дене улныктаренат.25Мый, Мый Шке тыйын языкетымШкаланем кӧра ӱштын кудалтем,титакетым ом шарналте.26Шарныкте Мылам – судитлалташ тӱҥалына,шкендым чыныш лукташ мом каласет?27Тыйын кугезе кочат сулыкыш пурен,тыйым арален ойлышет-влак Мый дечем кораҥыныт.28Садлан Мый святой верын онжо-влакым намысыш пуртенам,Иаков тукымым пӱтынек пытараш,Израильым мыскылаш пуэнам.
Institute for Bible Translation, Finland