Matthew2
1अब, हेरोदेस राजा के दिन में यहूदिया प्रान्त के बैतलहम शहर में यीशु के जनम होल, तऽ देखऽ, पूरब से विद्वान ज्योतिषी यरूशलेम में पूरब के देशवन से आके, 2कहे लगलन, “यहूदिया के राजा जेकर जनम होल हे, कहाँ हे? काहेकि पूरब में हम ओकर तरेगन देखली हे आउर ओकरा झुक के प्रणाम करे अईली हे।” 3बाकि जखनी ई सुनलन, तऽ हेरोदेस राजा आउर उनका साथ पूरा यरूशलेम घबरा गेल।4आउर लोगवन के सभे याजकवन आउर शास्त्री लोग के जमा कर के, ऊ ओखनी से पूछलन, “मसीह के जनम होल हे, ऊ कहाँ हे?”5आउर ओखनी उनका से कहलन, “यहूदिया के बैतलहम में, काहेकि भविष्यद्वक्ता के माध्यम से अईसे कर के शास्त्र में लिखल गेल हे,6‘हे बैतलहम, यहूदा के प्रदेश, तूँ कोई भी रीति से यहूदा के अधिकारियन में सभे से छोटा नऽ हऽ, काहेकि तोरा में से एगो अधिपति निकलतन। जे हमर प्रजा इस्राएल के चरवाहा बनतन।’” 7तब हेरोदेस, ऊ ज्योतिषी लोग के चुपके से बोला के ओखनी से ऊ तरेगन के देखाई देवे के समय पूछलन।8आउर ऊ ई कह के उनका बैतलहम भेजलन, “जा, आउर सावधानी से ऊ लईका के खोज करऽ, आउर जखनी तोरा ऊ मिल जाय, तऽ हमरा खबर दऽ जेकरा से हमहूँ आके उनका प्रणाम करम।”9आउर ओखनी, राजा के बात सुन के अपन राह धईले चल गेलन, आउर देखऽ, जे तरेगन ओखनी पूरब में देखलन हल, ऊ उनकर आगे आगे ऊ समय ला चलल, जब तक कि ऊ जगह के ऊपर ठहर नऽ गेल जहाँ ऊ लईका हल।10आउर ऊ तरेगन के देखके ऊ बड़ी हर्ष से आनन्दित होलन। 11आउर ऊ घर में पहुँच के, ओखनी ऊ लईका के उनकर माय मरियम के साथे देखलन। ओखनी झुक के उनका प्रणाम करलन, आउर अपन-अपन खजाना खोल के ओखनी उनका सोना, आउर लोबान, आउर गन्धरस के भेंट चढ़ईलन।12आउर बाद में सपना में ई चेतौनी पाके कि हेरोदेस के पास फिन मत जईहऽ, ओखनी दोसर रह से होके अपन देश में चल गेलन।13जखनी ओखनी चल गेलन, तऽ देख, प्रभु के एगो स्वर्गदूत सपना में यूसुफ पर प्रकट होके कहलन, “उठऽ, आउर लईका के आउर ओकर माय के लेके, मिस्र देश में भाग जा, आउर जहिया तक हम तोरा से कहम, तब तक ओही रहिहऽ, काहेकि हेरोदेस ई लईका के खोज रहलन हे, कि एकरा मरवा देवे।”14आउर रात के उठ के ऊ लईका आउर ओकर माय के लेके ऊ मिस्र में चल गेलन।15आउर हेरोदेस के मरे घड़ी तक ऊहें रहलन, येहिगुने कि प्रभु के द्वारा भविष्यद्वक्ता के माध्यम से जे कहल गेल हल, ऊ पूरा होवे कि “हम अपन बेटा के मिस्र से बोलईली।” 16तऽ हेरोदेस ई देखके बड़ी गोस्सा हो गेलन कि ऊ ज्योतिषी लोग उनका मजाक बनईलन हे, आउर ऊ लोगवन के भेज के, ज्योतिषी लोग से सही-सही बोलल गेल समय के मुताबिक बैतलहम आउर ओकर आस पास के सभे जगह के दू साल चाहे ओकरा से छोटा उमर के सभे लईकन के मरवा देलन।17तऽ जे यिर्मयाह भविष्यद्वक्ता के माध्यम से कहल गेल हल, ऊ पूरा होवे कि18“रामाह में आवाज सुनल गेल, जे रोवे आउर बड़ी दुःख के आवाज हल, राहेल अपन लईकवन लागी रो रहल हल, आउर येहिगुने शान्त नऽ होवे ला चाहऽ हल, काहेकि ऊ अखनी जिन्दा नऽ हल।” 19फिन राजा हेरोदेस के मरला के बाद, देखऽ, प्रभु के एगो स्वर्गदूत मिस्र देश में यूसुफ के माध्यम से प्रकट होके,20कहलन, “उठऽ, आउर ऊ लईका आउर ओकर माय के लेके इस्राएल देश चल जा, काहेकि जौन लईका के प्राण लेवे ला चाहऽ हल ऊ मर गेल हे।”21आउर ऊ उठ के, ऊ लईका के आउर ओकर माय के साथे लेलन, आउर इस्राएल देश में आ गेलन।22बाकि ई सुन के कि अरखिलाउस अपन पिता हेरोदेस के जगह पर यहूदिया पर राज कर रहलन हे, ऊ ऊहाँ जाय से डरलन। बाकि सपना में चेतौनी पाके, ओखनी गलील प्रान्त में चल गेलन,23आउर ऊहाँ जा के, ऊ नासरत नाम के नगर में रहे लगलन, जेकरा से जौन भविष्यद्वक्तावन के माध्यम से कहल गेल हल ऊ पूरा होवे, कि ऊ नासरी कहलईतन।
Bridge Connectivity Solutions Pvt. Ltd.