Matthew3
1कई साल के बाद ऊ दिन में, यूहन्ना बपतिस्मा देवे वाला आके यहूदिया प्रान्त के एगो निर्जन जगह में प्रचार करे लगलन,2आउर कहे लगलन, “मन फिरावऽ, काहेकि स्वर्ग के राज निकट हे।”3काहेकि ई ओही आदमी हथन जिनका बारे में यशायाह भविष्यद्वक्ता के द्वारा ई कहल गेल हल, “जंगल में एगो पुकारे वाला के आवाज हो रहल हे कि ‘प्रभु ला राह तईयार करऽ, आउर उनकर राह सीधा करऽ।’” 4अखनी ई यूहन्ना ऊँट के रोम से बनल कपड़ा पेहेनले, आउर अपन कमर में चमड़ा के कमरबन्द बाँधले हलन, आउर उनकर भोजन टिड्डी आउर वनमधु हल। 5तऽ यरूशलेम शहर के, आउर पूरा यहूदिया प्रदेश के, आउर यरदन के आस पास के इलाका के सभे रहे वाला लोग निकल के उनका भीर अईलन,6आउर अपन अपन पाप के मान के यरदन नदी में उनका से बपतिस्मा लेलन।7फिन जब यूहन्ना बड़ी फरीसी आउर सदूकी लोग के बपतिस्मा लेवे ला अपना भीर अईते देखलन, तऽ ऊ ओखनी से कहलन, “हे साँप के बच्चवन! तोहनी के कौन चेता देलन हे कि परमेश्वर के आवे वाला गोस्सा से भागऽ?8येहिगुने, मन फिराव के लायक फल लावऽ।9आउर तोहनी के आपस में विचार कर के ई नऽ कहे के चाही, ‘हमनी के पिता तऽ अब्राहम हथन।’ काहेकि हम तोरा से कहऽ ही कि परमेश्वर ई पत्थरवन से भी अब्राहम लागी संतान पईदा कर सकलन हे।10बाकि कुल्हाड़ी तऽ पेड़ के जड़ी पर पहिलहीं से रखल गेल हे। जे-जे पेड़ अच्छा फल नऽ फरऽ हे, ऊ काटल आउर आग में झोंकल जा हे।”11“हम तऽ तोरा पानी से मन फिराव के बपतिस्मा दे ही। बाकि जे हमर बाद आवे वाला हथन, ऊ हमरा से शक्तिशाली हथन, आउर हम तऽ उनकर जूता के उठावे के लायक भी नऽ ही। ऊ तोहनी के पवित्र आत्मा आउर आग से बपतिस्मा देतन;12उनकर सूप उनकर हाथ में हे, आउर ऊ अपन खलिहान बढ़ियाँ से साफ करतन, आउर अपन गेहूँ के तऽ भण्डार में जौर करतन। बाकि भूंसा के ऊ आग में जलईतन जे बुते वाला नऽ हे।” 13फिन थोड़ा देर के बाद यीशु गलील प्रान्त से यरदन नदी, दने यूहन्ना भीर उनका से बपतिस्मा लेवे ला अईलन।14बाकि यूहन्ना ई कह के उनका रोके लगलन, “हमरा तऽ तोरा से बपतिस्मा लेवे के जरुरत हे, आउर ओकर बाद भी तूँ हमरा भीर अईलऽ हे?”15बाकि, यीशु यूहन्ना के जबाब दे के उनका से कहलन, “अखनी तऽ अईसने होवे दऽ, काहेकि हमनी लागी येही रीति से सभे धार्मिकता के पूरा करे ला जरुरी हे।” तऽ ऊ उनकर बात मान लेलन।16फिन बपतिस्मा लेके, यीशु तुरन्त पानी से बाहरसी अईलन, आउर देखऽ, उनका लागी स्वर्ग खुल गेल; आउर यीशु परमेश्वर के आत्मा के कबूतर के जईसन उतरते आउर अपना ऊपर अईते देखलन।17आउर देखऽ, स्वर्ग से एगो आवाज आयेल, जे कहलक, “ई हमर प्यारा बेटा हे। हम एकरा से बड़ी खुश ही।”
Bridge Connectivity Solutions Pvt. Ltd.