Matthew16
1कुछ समय बाद कुछ फरीसी आउर सदूकी यीशु भीर आके उनका परखे ला उनका से पूछलन, कि हमरा स्वर्ग से एगो चिन्ह देखावऽ।2बाकि ऊ जबाब दे के कहलन, “साँझ के समय तूँ कहऽ हऽ कि ‘मौसम निमन रहत, काहेकि आसमान लाल हे।’3आउर भोर के कह हऽ, कि ‘आज अंधड़ आवत, काहेकि आसमान लाल आउर धुँधला हे।’ तोहनी आसमान के देखके ओकर भेद बतावे ला जानऽ हऽ बाकि समय के चिन्ह के तूँ लायक नऽ हऽ।”4“एगो दुष्ट आउर व्यभिचारी पीढ़ी एगो चिन्हासी खोजऽ हे, बाकि योना के चिन्हासी के छोड़ के कोई आउर चिन्हासी उनका नऽ देवल जायेत।” आउर ओखनी के छोड़ के यीशु चल गेलन।5आउर चेलवन, दोसरका तरफ गेलऽ पर, रोटी लेवे ला भूल गेलन।6बाकि यीशु ओखनी से कहलन, “गौर करऽ आउर फरीसियन आउर सदूकियन के खमीर से होशियार रहऽ।”7बाकि ओखनी आपस में ई विचार करे लगलन, “ऊ अईसन येहिगुने कह रहलन हे काहेकि हम रोटी नऽ लईली हे।”8बाकि यीशु ई जान के कहलन, “हे अल्पविश्वासियन लोग, तोहनी आपस में ई विचार काहे करऽ हऽ कि अईसन येहिगुने हे काहेकि तोहनी भीर रोटी नऽ हे?9का तूँ अखनी लागी नऽ समझ रहलऽ हे आउर नऽ ही ओखनी पाँच हजार के पाँचगो रोटियन के याद करऽ हथन, आउर तोहनी केतना दौरी रोटी जमा करल हल?10चाहे ओखनी चार हजार लोग के सातगो रोटियन, तोहनी केतना मौनी उठईलऽ हल?11तूँ कईसे नऽ समझलऽ कि हम तोहनी से रोटी के बारे में नऽ कहली हल? बाकि फरीसियन आउर सदूकियन के खमीर से सावधान रहिहऽ।”12तब चेलवन समझ गेलन कि यीशु ओखनी के रोटी के खमीर से नऽ, बाकि फरीसियन आउर सदूकियन के गलत शिक्षा से सावधान रहे ला कहलन हल।13अखनी यीशु कैसरिया फिलिप्पी के शहर जा के, अपन चेलवन से ई कह के पूछे लगलन, “लोग का कहऽ हथन, कि आदमी के बेटा कौन हथन?”14ओखनी कहलन, “कुछ लोग यूहन्ना बपतिस्मा देवे वाला; आउर कुछ एलिय्याह; आउर दोसर लोग, यिर्मयाह, चाहे भविष्यद्वक्तावन में से कोई एगो।”15यीशु उनका से पूछलन, “तूँ का कहऽ हऽ कि हम कौन ही?”16आउर शमौन पतरस उनका जबाब दे के कहलन, “तूँ मसीह हऽ, जिन्दा परमेश्वर के बेटा।”17अखनी यीशु जबाब दे के, उनका से कहलन, “हे शमौन, योना के बेटा, तूँ धन्य हऽ काहेकि मांस आउर लहू नऽ, बाकि हमर पिता जे स्वर्ग में हथन, ई बात तोरा पर प्रकट करलन हे।18आउर हमहूँ तोरा से कहऽ ही कि पतरस हऽ, आउर हम ई चट्टान पर अपन कलीसिया बनायेम, आउर अधोलोक के फाटक ओकरा पर प्रबल नऽ होत।19हम तोरा स्वर्ग के राज के कुँजी देम, आउर जे कुछ तूँ धरती पर बाँधवऽ, ओही स्वर्ग में बंधायेत, आउर जे कुछ तूँ धरती पर खोलवऽ ऊ स्वर्ग में खुलत।।”20तऽ ऊ चेलवन के आज्ञा देलन, कि ओखनी केकरो से मत कहतन कि हम मसीह ही।21ओही घड़ी से यीशु मसीह अपन चेलवन के ई समझावे ला शुरु कर देलन कि उनका यरूशलेम जाय ला आउर पुरनियन आउर महायाजक शास्त्रियन से बड़ी दुःख उठावल जायला आउर मार देवल जायला आउर तिसरका दिन जी उठेला जरुरी हे।22आउर पतरस यीशु के अलग ले जा के, ई कह के उनका डाँटे लगल, “हे प्रभु, तोरा पर दया होवे, आउर तोरा साथे अईसन कहियो नऽ होवे।”23बाकि ऊ, मुड़ के, पतरस से कहलन, “शैतान, हमरा से दूर हट जा! तूँ हमरा लागी ठोकर के कारण हऽ, काहेकि तूँ परमेश्वर के बात में नऽ, बाकि आदमी के बात पर मन लगा रहलऽ हे।”24तऽ यीशु अपन चेलवन से कहलन, “जदि कोई हमरा पीछे आवेला चाहऽ हे, तऽ अपना के इंकार करतन आउर अपन क्रूस उठ के हमरा पीछे हो लेतन।25काहेकि जौन कोई अपन प्राण बचावे ला चाहतन ऊ ओकरा खोतन, बाकि जे कोई हमरा ला अपन प्राण खोतन ऊ ओकरा पईतन।26काहेकि कोई आदमी के का फायदा होत जदि ऊ पूरा दुनियाँ के पा लेत, बाकि अपन जिनगी खो देत? चाहे एगो आदमी अपन जिनगी के बदले का दे सकलन हे?27काहेकि, आदमी के बेटा, अपन स्वर्गदूतवन के साथे अपन पिता के महिमा में वापस अईतन। आउर ऊ समय ऊ सभे कोई के ओकर काम के मुताबिक बदला देतन।28हम तोरा से सच कहऽ ही कि जेतना ईहाँ खड़ा हे, ओखनी में से केतना तऽ अईसन हे जे ऊ समय ला मौत के स्वाद नऽ चखतन, जब ला ऊ आदमी के बेटा के उनकर राज में अईते देख नऽ लेतन।”
Bridge Connectivity Solutions Pvt. Ltd.