Exodus38
1ओकर बाद बसलेल बबूल के लकड़ी से होमबलि के बेदी बनईलन। ई चौकोर हल, दूनो दने से ढाई मीटर लम्बा आउर डेढ़ मीटर ऊँचा हल।2ऊ वेदी के जईसन लकड़ी के टुकड़ा से सभे ऊपरका कोना पर एगो सींग जईसन देखाय देवेवाला नक्शा बनईलन। ऊ पूरा वेदी के काँसा से झाँक देलन।3ऊ वेदी लागी सभे औजार बनईलन: तावा, चपड़ा, कटोरा, मांस पकावे लागी काँटा, आउर गरम कोयला ले जाय लागी बाल्टी। ओखनी सभे औजार काँसा के बनईलन।4ऊ लकड़ी आउर जरते कोयला के पकड़े लागी पीतल के एगो जाली बनईलन। ऊ जाली के वेदी के चारो दने के गोलाकार के नीचे रख देलन। ऊ एकरा अईसे बनईलन कि ई वेदी के भीतर, आधा नीचे हल।5आउर ऊ जाली के खम्भा में लगावे लागी पित्तर के चारगो चूड़ी बनईलन, आउर ओकरा ओकर चारो कोना पर लगईलन।6आउर डंडा के ऊ बबूल के लकड़ी से बनईलन आउर ओकरा पित्तर से मेढ़ईलन।7आउर ऊ वेदी के उठावे लागी वेदी के दूनो किनारी कड़ा में से लगईलन। ऊ वेदी के पटरा से बनईलन; जेकर बीच में खोखला हल।8ऊ पित्तर के हौद आउर ओकरा ला पित्तर के आधार बनईलन। काँसा ऊ दर्पणमन से हल जे पवित्र तम्बू के दुआरी पर काम करे वाली औरतियन के हल।9ऊ पवित्र तम्बू के चारो दने एगो आँगन बनईलन। दक्खिन पट्टी, ऊ 20 गो काँसा खम्भवन से 50 मीटर लम्बा एगो बढ़ियाँ सनी के परदा लटकईलन जेकरा में खम्भवन लागी।1020 गो काँसा खम्भा से जेकरा में खम्भवन लागी 20 गो काँसा के आधार आउर ओकरा पर हूक के जईसन हँसुआ आउर चाँदी के जोड़े वाला जोड़ हल।11आँगन के उत्तर पट्टी ला ऊ 20 गो खम्भा में 50 मीटर लम्बा परदा लटकईलन, आउर हर एगो के आधार पित्तर के, कुण्डियन आउर चाँदी के जोड़ हल।12आँगन के पच्छिम पट्टी ला ऊ सदगो खम्भा पर 25 मीटर लम्बा परदा आउर, हर एगो के आधार आउर कुण्डियन जोड़े वाला छड़वन चाँदी के हल।13पूरुब पट्टी भी 25 मीटर चौड़ा हल।14ऊ ढूक्के वाला दुआरी के एक तरप साढ़े सात मीटर लम्बा परदा बनईलन, आउर ओकर 3 गो आउर आधार बनईलन।15दूसरका तरप आँगन के ढूक्के वाला दुआरी के सामने, ऊ साढ़े सात मीटर लम्बा परदा बनईलन, आउर ओकर 3 गो खम्भवन आउर कुर्सियन भी बनईलन।16आँगन के चारो तरप बढ़ियाँ मलमल के परदा लगल हल।17सभे खम्भवन के आधार पित्तर के हल आउर ऊ सभे से ऊँचा जगह के चाँदी से झाँक देलन। खम्भवन के बंसी के जईसन हूक आउर फंदा चाँदी के हल।18आँगन के ढूक्के वाला दुआरी लागी ऊ सभे छोटा-छोटा बटल सनी के कपड़ा के एगो परदा बनईलन आउर एगो कुशल कारीगर ओकरा पर नीला, बैंगनी आउर लाल धागा से कढ़ाय कईलन।19एकरा में चारगो खम्भा हल, हर एगो के आधार पित्तर के हल ऊ सभे खम्भवन के सभे से ऊँचा जगहियन आउर उनकर बंसी के जईसन हूकवन के चाँदी से मेढ़लन। आँगन के लेप चाँदी के हल।20ऊ सभे पवित्र तम्बू के पकड़े लागी तम्बू के सभे खूँटियन आउर आँगन के चारो तरप के परदा पित्तर के बनईलन।21ई ऊ सभे सामान के सूची हे, जेकर इस्तेमाल मिस्त्रियन पवित्र तम्बू के बनावे लागी कईलन हल जेकरा पर 10 गो आज्ञा हल। मूसा लेवी के गोत्र के कुछ लोगवन के सूची लिखे के आज्ञा देलन। हारून याजक के बेटा ईतामार, ई लिखे वाला के देख रेख करऽ हलन।22यहूदा के गोत्र के बसलेल, जौन ऊरी के बेटा आउर हूर के पोता हल, ऊ सभे चीजवन के बनईलन जेकरा बनावे के आज्ञा यहोवा मूसा के देलन हल।23दान के गोत्र में से अहीसामाक के बेटा ओहोलीआब बसलेल के साथे काम करऽ हलन। ओहोलीआब एगो बड़ी बढ़ियाँ बूटीदार हल जे कलात्मक चीज बनावऽ हल। ऊ सभे नीला, बैंगनी आउर लाल ऊन के धागा आउर लैलून के इस्तेमाल कर के खूबसूरती के कढ़ाय कईलन।24पवित्र तम्बू के बनावे में भेंट के सोना के इस्तेमाल कईलन ओकर वजन 965 किलो हल। लोगवन के द्वारा यहोवा के समर्पित कईल गेल सोना के तौलते घड़ी ऊ सभे आधिकारिक वजन के इस्तेमाल कईलन। 25ऊ सभे चाँदी के वजन 3, 420 किलो हल जौन लोगवन जखनी अगुवन जनगणना कईलन हल, तऽ योगदान देलन हल। चाँदी के वजन करते घड़ी ऊ सभे आधिकारिक वजन के भी इस्तेमाल कईलन। 26ऊ सभे ऊ समूचे मरदवन के गिनती कईलन जे बीस बरस के हलन आउर सभे आदमी के एगो चाँदी के सिक्का देल गेल हल, जेकर वजन आधिकारिक तौल के अनुसार लगभग 5 ग्राम हल। ऊ कुल 603, 550 गो मरदमन हलन। 27पवित्र तम्बू के परदावन के सहारा देवे वाला खम्भवन के नीचे आधार बनावे लागी 3, 400 किलो चाँदी लगल। ऊ सभे 100 गो आधारवन में से सभे लागी 34 किलो चाँदी के इस्तेमाल कईलन। 28आउर बचल 20 किलो चाँदी से ऊ सभे खम्भवन लागी कुण्डियन बनईलन, आउर खम्भवन के सभे से ऊँचा वाला जगह के चाँदी से झाँक देलन, आउर गोल कोना बनईलन। 29लोगवन लगभग 2, 400 किलो काँसा के भेंट देलन हल। 30ऊ पित्तर से पवित्र तम्बू के दुआरी पर खम्भवन के सहारा लागी कुर्सियन, आउर झंझरी आउर औजारवन समेंत वेदी बनईलन,31परदा के संभाले लागी खम्भवन ला कुर्सियन बनईलन। जौन आँगन के घेराल हल, आउर आँगन में ढूक्के करे लागी कुर्सियन, पवित्र तम्बू लागी खूँटियन, आउर आँगन के चारो दने के परदा।
Bridge Connectivity Solutions Pvt. Ltd.