Exodus37
1तऽ बसलेल बबूल के लकड़ी के पवित्र सन्दूक बनईलन। ऊ एकरा 125 सेंटीमीटर लम्बा, 75 सेंटीमीटर चौड़ा आउर 75 सेंटीमीटर ऊँचा बनईलन।2आउर ऊ सन्दूक के भीतर आउर बाहर शुद्ध सोना से मढ़लन, आउर ओकर चारो तरप सोना के बाड़ बनईलन। 3आउर ऊ सोना के चार काड़ा बनवा के सन्दूक के चारो पाया पर बाँध देलन। ऊ सन्दूक के दूनो ओर दू-दूगो अंगूठियन डाल देलन।4आउर ऊ बबूल के लकड़ी के दूगो डंडा बनवईलन, आउर ओकरा सोना से मढ़लन।5आउर ऊ डंडवन के सन्दूक के बगल के कड़वन में डालतन, कि लेवीय ऊ उठा सकत।6आउर ऊ सन्दूक के लागी शुद्ध सोना के ढक्कन बनईलन। ई 125 सेंटीमीटर लम्बा आउर 75 सेंटीमीटर चौड़ा हल।7आउर ऊ सोना के एक बड़का टुकड़ा के हथौड़ी ठोक कर के दूगो करुब का रूप देलन, आउर ढक्कन के दूनो कोनमन पर पंख लगल हल। 8आउर ऊ पवित्र सन्दूक के ढक्कन के दूनो कोनमन पर सोना के पंखधारी करुब बनईलन, एगो के एक सिरा पर आउर दोसरा के दूसरका सिरका पर।9पंखधारी करुब के पंख फैल गेल आउर ढक्कन के ढके लागी ऊपरे बनावल गेल। ओकरा एक-दोसरा के का सामने कईलन, संदूक के ढक्कन के ओर मुँह कईलन जे ओकर उनके बीच हल। 10ऊ बबूल के लकड़ी के एगो मेज बनईलन। ई एक मीटर लम्बा, आधा मीटर चौड़ा आउर तीन-चौथाई मीटर ऊँचा हल।11आउर ऊ मेज के चोखा सोना से मढ़लन, आउर ओकर चारो तरप सोने के बाड़ा लगईलन।12आउर ऊ ओकर चारो तरप आठ सेंटीमीटर चौड़ा एगो किनारा बनईलन, आउर किनारा के चारो तरप सोने के एक बाड़ बनईलन। 13आउर ऊ सोना के चारगो कड़ा ढलबईलन। ऊ ओकरा मेज के चारो कोनमा पर बाँध देलन। सभे कड़ा सभे टेबुल के पाया भीर हल।14करीब रिम भीर हल। ओखनी मेज उठावे लागी डंडा पकड़ के रखलन हल।15आउर ऊ बबूल के लकड़ी के दू डंडा बनवईलन, आउर ओकरा सोना से मढ़ईलन। ऊ मेज भीर जाय लागी हल।16ऊ मेज लागी सभे बर्तन चोखा सोना से बनईलन परात, प्याला, कटोरा, आउर याजकवन के इस्तेमाल लागी यहोवा के चढ़ावे लागी दाखमधु रखे लागी घड़ा।17ऊ दीवट के बढ़ियाँ चोखा सोना से बनईलन। ऊ सोना के एगो बड़का गांठ के हथौड़ा से पीट के ओकर आधार आउर डंडा बनवईलन। ऊ ओही गांठ फूल के कली आउर पंखुड़ियन जे ओकरा सजावऽ हे, से कप बनवईलन।18दीवट पर छौगो डाली आउर डंडा के दूनो तरप तीन-तीन गो डाली हल।19सभे डाली पर तीन सोना के प्याला हल जे बादाम के फूल के समान दिखाय दे हल। फूल में कली आउर पंखुड़ी हल। दीवट के सभे छौगो डाली लागी भी अईसहीं हल।20दीवट के डंडा पर बादाम के फूल जईसन चारगो फूल के गुच्छा हल, सभे में कलियन आउर पंखुड़ियन हल।21ऊ हर दूगो डालियन के नीचे एगो फूल के कली बनईलन। ऊ ई सभे जोड़ा डालियन से जोड़ देलन मानऽ कि ऊ ओकरा से बढ़ रहलन होत। ऊ दीवट के सभे छौगो डालियन ई प्रकार बनईलन।22आउर ऊ ई सभे कलियन आउर डालियन के डंडवन समेत पीट के चोखा सोना के एगो बड़का दीवट बनईलन।23ऊ चोखा सोना के सात दीपक, जलल बत्तियन निकाले लागी चिमटा, आउर जलल बत्तियन रखे लागी थालियन बनईलन।24ऊ दीवट, चिमटा आउर प्याला बनावे में 33 किलोग्राम चोखा सोना के इस्तेमाल कईलन। 25ऊ धूप जलावे ला वेदी बबूल के लकड़ी से बनईलन। ई चौकोर हल, दूनो तरप से डेढ़ मीटर आउर ऊँचाई एक मीटर हल। वेदी के जईसन लकड़ी के टुकड़वा पर सिंगवन जईसन देखावे वाला नक्शा हल।26आउर ऊ ऊपरे वाला पल्लवन आउर उभार समेत चारो तरप के बाजुअन चोखा सोना से मढ़लन। ऊ एकर चारो तरप सोना के बाड़ा लगवईलन।27आउर ऊ सोना के दूगो कड़ा बनवईलन आउर ओकरा वेदी पर साँचे के नीचे से जोड़लन, वेदी के दूनो तरप एक एक गो। ई छल्लवन वेदी के ले जाय वाला डंडा के पकड़े लागी हल।28ऊ ऊ दूनो डंडा के बबूल के लकड़ी से बनईलन, आउर ओकरा सोना से मढ़लन।29ऊ अभिषेक के पवित्र तेल आउर शुद्ध सुगन्धित धूप बनईलन। एगो इत्र बेचे वाला धूप मिलईलन।
Bridge Connectivity Solutions Pvt. Ltd.