Exodus39
1बसलेल, ओहोलीआब आउर दोसरा बढ़ियां कारीगरवन हारून के पहिने लागी सुन्दर पवित्र पोशाक बनईलन जखनी ऊ पवित्रस्थान में याजक के रूप में यहोवा के सेवा कर रहलन हल। ऊ उनका ला नीला, बैंगनी आउर लाल ऊनी कपड़ा से बनईलन, जईसन यहोवा मूसा के आदेश देलन हल।2ऊ पवित्र एपोद के सूक्ष्म बटल सनी के कपड़ा के, नीला, बैंगनी, आउर लाल धागवन, आउर बारीक सोना के तार से बनईलन।3आउर ऊ सोना के कुछ पतला चादर बनईलन कि हथौड़ा से ठोकतन, आउर ओकरा पतला पट्टियन में काटलन, आउर ओकरा पर पतला सनी के कपड़ा पर कढ़ाई कर के नीला, बैंगनी आउर लाल कपड़ा से कढ़ाय कर के बनावट कर के रूप देलन।4आउर एपोद के दूनो बगलवन के जोड़े लागी कंधवन पर पट्टियन बनईलन।5ऊ एगो बढ़ियाँ से कढ़ाय करल पटुका बनईलन जे पवित्र सीनाबंद से मेल खा हल। ओखनी एकरा सीनाबंद के जईसन कपड़ा के टुकड़ा से बनईलन। ऊ कपड़ा नीले, बैंगनी, लाल धागा आउर बारीक सोना के धागा से बारीक बटल सनी के कपड़ा हल। ओखनी ओकरा सीनाबंद पर सिल दिहऽ, ठीक ओईसहीं जईसे यहोवा मूसा के आज्ञा देलन।6आउर ऊ दूगो सुलैमानी मणि काट के ओकरा सोना के सजावे वाला खाना में जड़लन। ओखनी याकूब के बारहो बेटवन के नाम पत्थरवन पर अईसन खोदलन जईसे कोई अंगूठी खोद हथन।7ओखनी इस्राएली के 12 गोत्रवन के नाम याद दिलावे लागी पवित्र एपोद के कंधवन के पट्टियन पर पत्थर जड़ देलन, ठीक ओईसहीं जईसे यहोवा मूसा के आज्ञा देलन हल।8आउर ऊ पवित्र सीनाबंद के पवित्र एपोद के समान सामग्री से बनईलन, आउर ओकरा पर सोना के नीले, बैंगनी, आउर लाल मेहीन बटल सनी के कपड़ा के समान कुशलतापूर्वक कढ़ाई कईलन।9ओखनी सामान के दोहरा मोड़लन, जेकरा से ओखनी सीनाबंद के 23 सेंटीमीटर लम्बा आउर 23 सेंटीमीटर चौड़ा दोगुना वर्गाकार आकार देलन।10ओखनी थैली में बेसकीमती मणि कि चारगो धारी बाँधलन। पहलका धारी में ओखनी एक लाल माणिक्य, एक पीला पोखराज आउर एक लालड़ी रखलन।11ओखनी दूसरका धारी में एगो हरा पन्ना, एगो नीला नीलमणि आउर एक सफेद हीरा रखलन।12आउर ओखनी तिसरका धारी में लाल गोमेद, सफेद सुलैमानी पत्थर, आउर बैंगनी नीलम रखलन।13आउर चौथा धारी में ओखनी पीला फिरोजा, सुलैमान मणि, आउर हरा यशब रखलन। ओखनी सभे पत्थल के चारो तरप छोटा-छोटा सोना के मेढ़ देलन।14ऊ याकूब के बारह बेटवन में से सभे के नाम ई सभे पत्थर पर ई तरह से खोदलन कि जईसे ऊ अंगूठी बना रहलन हे। ई नाम पत्थर इस्राएल के 12 गोत्रवन का प्रतिनिधित्व करऽ हे।15ऊ पवित्र सीनाबंद में दूगो जंजीर जोड़लन जे ओखनी शुद्ध सोना से बनईलन आउर रस्सियन के जईसन गूंथलन।16ओखनी सोना के दू सजावट के खाना आउर दूगो सोना के अंगूठियन बनईलन आउर ओकरा पवित्र सीनाबंद के ऊपरे कोनमन पर लगईलन।17ओखनी सभे सोना के डोरी के एक कोना सीनाबंद के ऊपरे कोना के एगो कड़ियन में लगईलन।18ऊ सभे डोरी के दूसरका छोर के ऊ दूनो सजावटी खानमन से जोड़लन जे पत्थरवन के घेराल हल। तऽ ओखनी ऊ पवित्र एपोद के कंधवन के पट्टियन के सामने के तरप रखलन।19फिरू ऊ सोना के दूगो आउर कड़ियन के बनईलन, आउर ऊ पवित्र सीनाबंद के निचलका कोनमन पर पवित्र एपोद के भीर भीतरी किनरवन पर लगईलन।20ओखनी सोना के दूगो आउर अंगूठियन बनईलन आउर ओकरा कंधवन के पट्टियन के सामने के निचला हिस्सा में, जहाँ कंधा के पट्टियन एपोद के ठीक ऊपर पवित्र पटुका से जुड़ऽ हे, लगईलन।21आउर ऊ पवित्र सीनाबंद के कड़ियन के पवित्र एपोद के कड़ियन के साथे नीला डोरी से बान्ध देलन, जेकरा से पवित्र सीनाबंद एपोद के ऊपर रहे, आउर पवित्र सीनाबंद एपोद से अलग नऽ होवे पावे। ओखनी ई काम एकदम ओईसहीं कईलन जईसन यहोवा मूसा के करे के निर्देश देलन हल।22बसलेल एगो जुलाहे से नीला रंग का ऊ बागा बनवईलन जेकरा हारून अपन पवित्र एपोद के नीचे पहनतन।23दोसरा कपड़वन के जईसन एकरा में भी बीच में एगो छेद हल। सामान के फटे से बचावे लागी ओखनी ई छेद के चारो तरप एगो कोर बना देलन।24ओखनी बागा के निचला छोर पर अनार के फल के समान सजावट कईलन। ओखनी नीला, बैंगनी आउर लाल ऊनी धागवन से सजावट कईलन।25ओखनी शुद्ध सोना के घंटियन बनईलन आउर ऊ बागा के नीचे चारो तरप सजावटी लिनेन के अनार सभे के बीच में लगईलन।26ई प्रकार से बागा के नीचे चारो पट्टी घंटी, अनार, घंटी, अनार, अईसन रुपरेखा बनईलन। ई बागा हारून लागी याजक के रूप में काम करते बखत पहनावे लागी हल, ठीक ओईसहीं जईसे यहोवा मूसा के आदेश देलन हल।27हारून आउर उनकर बेटवन लागी एगो कुशल जुलाहा बढ़ियाँ सनी के कपड़ा से लम्बा बाँह वाला पोशाक बनईलन।28पगड़ी आउर टोपियन महीन सनी के कपड़ा से, जांघिया बड़ी सूक्ष्म बाँटल गेल सनी के कपड़ा से,29आउर नीला, बैंगनी आउर लाल ऊनी कढ़ाई वाला सूक्ष्म सनी के कपड़ा के पटुका दऽ, जईसन यहोवा मूसा के आज्ञा देलन हल।30ओखनी शुद्ध सोना से एक पवित्र मुकुट के सजावट बनईलन आउर ओकरा में एगो अंगूठी के जईसन, 'यहोवा के समर्पित' शब्द खोदलन। 31आउर ओखनी मुकुट के ऊपर बाँधे लागी एकरा में एगो नीला डोरी लगईलन, ठीक ओईसहीं जईसे यहोवा मूसा के आज्ञा देलन हल।32एकर बाद ओखनी पवित्र तम्बू के सभे काम पूरा कईलन, जहाँ उनका यहोवा से मिले के हल। इस्राएलियन सभे कुछ ठीक ओईसहीं कईलन जईसन यहोवा मूसा आज्ञा देलन हल।33कारीगर मूसा लागी पवित्र तम्बू के पूरा ढाँचा ले अईलन: तम्बू आउर ओकर सभे सामान, कुण्डियन, पटरवन, बेंड़वन, खम्भवन, कुर्सियन,34पवित्र तम्बू के लागी लाल मेढ़वन के खाल आउर बढ़ियाँ चमड़ा के खाल के ओढ़ना। छिपे के परदा पवित्रस्थान,35पवित्र सन्दूक, डण्डवन, सन्दूक के ढक्कन,36मेज आउर उसका सभे सामान, परमेश्वर के साम्हने चढ़ावे लागी पवित्र रोटी,37आउर ओकर सभे दीपक समेत एक धारी में रखल शुद्ध सोना के दीवट, आउर ओकर सभे सामान, आउर इंजोर करे लागी तेल,38धूप जलावे लागी सोना के वेदी, अभिषेक लागी तेल, आउर सुगन्धित धूप, पवित्र तम्बू के ढूक्के के द्वार का परदा39पीतल के वेदी आउर ओकरा पर पीतल के जाली, डण्डा आउर ओकर सभे औजार, हौदी आउर ओकर पाया,40आँगन आउर ओकर चारो तरप परदा, खम्भा आउर कुर्सियन, आँगन के ढूक्के द्वार के परदा, रस्सियन, खूँटियन आउर पवित्र तम्बू में सेवा करे लागी सभे सामान जहाँ ऊ यहोवा से भेंट करतन,41आउर हारून आउर उनकर बेटवन के पहनावे लागी सुन्दर, पवित्र कपड़ा ऊ पवित्रस्थान में याजक के रूप में काम करऽ हथन।42इस्राएलियन सभे काम ठीक ओईसहीं कईलन जईसे यहोवा मूसा के आज्ञा देलन हल।43तऽ मूसा ऊ सभे चीज के कईलन जे ओखनी बनईलन हल। सचमुच, ओखनी सच में सभे कुछ ठीक ओईसहीं कईलन जईसन यहोवा ओखनी के करे के आज्ञा देलन हल। तब मूसा मजदूर लोग के आशीर्वाद देलन।
Bridge Connectivity Solutions Pvt. Ltd.