Deuteronomy15
1मूसा इस्राएली से कहलन, हर सात साल के अन्त में तोरा कर्जा मांफ करे पड़त। 2मांफ करे के तरीका ई हे, कि सभे महाजन अपन पड़ोसी के जे कर्जा देवे, ओकरा मांफ कर देवे; ऊ अपन पड़ोसी से चाहे अपन भाई से एकर मांग नऽ करतन काहेकि यहोवा के कर्जादार के मांफ करे के प्रचार कईल गेल हे।3तूँ ओकरा परदेशी से मांग सकलऽ हे; बाकि जे कुछ तोर संगी इस्राएली भीर हे ओकरा से तूँ हाथ धो दऽ।4बाकि तोर बीच में कोई गरीब नऽ रहत काहेकि यहोवा ऊ देश में जौन तोरा निज अधिकार कर के देलन हे, जरुर तोरा आशीष देतन,5जदि तूँ अपन परमेश्वर यहोवा के बात मन लगा के सुनवऽ, आउर ई सभे आज्ञा के जौन हम आज तोरा सुनावऽ ही मानते रहऽ।6काहेकि तोर परमेश्वर यहोवा अपन वचन के मोताबिक तोरा आशीष देतन; तूँ बड़ी सा समाज के कर्जा देवऽ, बाकि तोरा कर्जा नऽ लेवे पड़त; तूँ बड़ी सा जाति पर राज करवऽ, बाकि ऊ तोरा पर राज नऽ करतन। 7जौन देश तोर परमेश्वर यहोवा तोरा दे हथन ओकर कोई फाटक के भीतर जदि तोर संगी इस्राएली में से कोई गरीब आदमी होवे, तऽ तूँ अपन मन कठोर नऽ करिहऽ, आउर अपन ऊ गरीब भाई लागी अपन मुट्ठी नऽ मोड़िहऽ;8बाकि तूँ अपन हाथ ओकरा दने खोल के ओकरा ओकर जरुरत के मोताबिक कर्जा जरुर दिहऽ।9सावधान रहिहऽ, कि तोर मन में ई बुरा विचार नऽ आवे, कि सातवाँ साल मतलब कि छुटकारा के साल नजदीक हे, कहीं अईसन नऽ होवे कि तूँ अपन गरीब इस्राएली के बारे में यहोवा के दोहाई दऽ, जे ई तोरा लागी पाप ठहरत।10तूँ ओकरा जरुर दिहऽ, आउर जखनी तूँ ओकरा देवऽ, तब तोर मन बुरा नऽ लगे, काहेकि एकर बदले में तोर परमेश्वर यहोवा तोर समूचे काम में, आउर जौन काम में तूँ अपन हाथ लगईवऽ ओकरा में तोरा आशीष देतन।11काहेकि देश में गरीबी जड़ से हमेशा ला न मिटत; येहिगुने हम तोरा आज्ञा दे ही, कि तूँ अपन गरीब भईवन, आउर दीन, आउर अपन देश के दुखियन के मदत लागी अपन मुट्ठी जरुर खोलिहऽ। 12जदि तोर कोई इब्री मरद चाहे इब्री औरत तोर हाथ से बेच देवल गेल हे, आउर छउ साल तक तोर सेवा करतन, तऽ सातवाँ साल में ओकरा अपना भीर से आजाद होके जाइ दिहऽ। 13जब तूँ ओकरा अपना भीर से आजाद होके जाय देवऽ, तऽ ओकरा खाली हाथ नऽ जाय दिहऽ।14तूँ अपन भेड़-बकरियन, खलिहान, आउर दाखमधु के कुण्ड में से खुला दिल से ओकरा ला इनतेजाम करिहऽ। जईसे तोर परमेश्वर यहोवा तोरा आशीष देलन हे, ओईसहीं तोरा ओकरा भी देवे के चाही।15आउर तूँ याद रखिहऽ, कि तूँ मिस्र में दास चाहे, आउर तोर परमेश्वर यहोवा तोरा छुड़ा लेलन; येहिसे हम आज तोरा अईसन करे के आज्ञा दे रहली हे।16आउर जदि ऊ तोरा से आउर तोर घराना से प्रेम रखऽ हे, आउर तोरा से खुश होवे, आउर तोरा से कहतन, हम तोर भीर से नऽ जायम,17तब तूँ सूआ लेके किवाड़ के दुआरी पर कान छेदिहऽ, आउर ऊ जीवन भर तोर दास बनल रहत। तूँ अपन दासी के साथे भी अईसहीं करिहऽ। 18ओकरा अपना भीर से जाय देवऽ तऽ तोरा ला कोई कड़ा नऽ होवत काहेकि ऊ छउ साल तक तोर सेवा कईलन, आउर एगो मजूर से दुगना दाम चुकईलन हे। यहोवा तोर परमेश्वर तोर सब काम में तोरा आशीष देतन।19मूसा इस्राएली से कहलन, तोर गाय-बैल आउर भेड़-बकरी सभे पहिलौठा नगर अपन परमेश्वर यहोवा लागी अलगे करिहऽ। तूँ अपन भेड़-बकरियन के पहिलौठा से कुछ काम नऽ करिहऽ, आउर नऽ अपन भेड़-बकरियन के पहिलौठा के ऊन कतरिहऽ। 20आउर तूँ आउर तोर घराना के पहिलौठ के हर साल ऊ जगह में जौन यहोवा चुन लेलन, अपन परमेश्वर यहोवा के सामने चारा खिलईहऽ।21बाकि ओकरा में कोई दोष होवे, मतलब कि लंगड़ा, चाहे आंधर, चाहे कोई तरह के कोई दोष होवे, तऽ ओकरा अपन परमेश्वर यहोवा लागी बलिदान नऽ करिहऽ।22तूँ ओकरा अपन फाटक के भीतरे खईहऽ; जईसे तूँ चिकारा चाहे हिरन के खईहऽ, आउर अशुद्ध आउर शुद्ध दुन्नो आदमी ओकरा खईतन।23बाकि ओकर खून नऽ खईहऽ; तोरा ओकर खून पानी के तरह जमीन पर बहा देवे के चाही।
Bridge Connectivity Solutions Pvt. Ltd.