Deuteronomy14
1मूसा इस्राएल के लोग से कहलन, तूँ अपन परमेश्वर यहोवा के प्रजा हऽ। अपन देह के मत चिरिहऽ, आउर नऽ मरलकन लागी अपन चेहरा के भाँव के बाल मुड़ईहऽ। 2काहेकि तूँ अपन परमेश्वर लागी पवित्र कईल गेल समाज हऽ, आउर यहोवा धरती भर के सभे देश के लोग से जादे तोरा अपन निज प्रजा होवे ला चुनलन हे। 3मूसा कहलन तोरा कोई घिनामन चीज नऽ खाइ के चाही। 4ई जनावर हे जेकरा तूँ खा सकलऽ हे: बैल, भेड़, आउर बकरी,5हिरन, चिकारा, हिरन, जंगली बकरी, साब, मृग, आउर पहाड़ी भेड़-बकरियन।6तूँ ऊ सभे जनावरवन के खा सकल हे जेकर खुर फटल हे, आउर जो पागुर करऽ हे।7तईयो तोरा ऊ सभे जनावर के नऽ खाय के चाही जौन पागुर करऽ हे चाहे जेकर खुर दू भाग में फटल होवऽ हे, मतलब कि ऊँट, खरगोश, आउर बिज्जू; काहेकि ऊ पागुर करऽ हे बाकि चिरल खुर के नऽ, ई चलते ऊ तोरा ला अशुद्ध हे।8सूअर भी तोरा ला अशुद्ध हे, काहेकि ओकर खुर तऽ फटल हे, बाकि पागुर नऽ करऽ हे; ऊ तोरा ला अशुद्ध हे। सुअर के मांस मत खईहऽ, आउर ओकर लाश के मत छूईहऽ।9जे पानी में रह हे ओकरा में से तूँ खा सकलऽ हे, मतलब कि जेकर पंख आउर छिलका हे;10बाकि जौन जीव के पंख आउर छिलका नऽ हे, ओकरा तूँ नऽ खईहऽ; ऊ तोरा ला अशुद्ध हे।11तूँ सभे शुद्ध चिरईंयन के खा सकल हे।12बाकि ई ऊ चिरईंयन हे जेकरा तूँ नऽ खईहऽ: उकाब, गिद्ध, सारस,13लाल पतंग, आउर करिया पतंग, चाहे कोई भी तरह के बाज।14तूँ कोई तरह के कौआ,15आउर शुतुरमुर्ग, चाहे बिच्छू, चाहे समुद्री चिरईंयन, चाहे कोई तरह के बाज, चाहे सीगल नऽ खईहऽ।16छोटका उल्लू, बड़का उल्लू सफेद उल्लू, आउर सभे तरह के बाज।17एक तरह के बड़कागो बतख, गिद्ध, जलकाग खईहऽ।18तोरा सारस, कोई तरह के बगुला, हूप, आउर चमगादड़ नऽ खाय के चाही।19सभे पंख वाला, आउर झुण्ड में घूमेवाला प्राणी तोरा ला अशुद्ध हे; ओकरा नऽ खाय के चाही।20तूँ सभे शुद्ध उड़ेवाला चीजवन खा सकलऽ हे।21जौन चीजवन अपने आप मर जा हे ओकरा तूँ नऽ खईहऽ; तूँ ओकरा अपन नगर में रहेवालन परदेशी के दे दिहऽ, कि ऊ ओकरा खईतन; चाहे तूँ ओकरा कोई परदेशी के बेच सकल हे। काहेकि तूँ एगो अईसन जाति हऽ जौन अपन परमेश्वर यहोवा लागी पवित्र कईल गेल हे। तोरा बकरी के बच्चा के ओकर माय के दूध में नऽ पकावे के चाही।22आउर जौन बीज हरेक साल खेत में से निकसऽ हे, ओकर समूचे उपज के दशमांश जरुर दिहऽ।23आउर जौन जगह तोर परमेश्वर यहोवा अपना पवित्र जगह लागी चुन लेलन ओकरे में अपन अनाज, आउर नया दाखमधु, आउर टटका तेल के दशमांश आउर गाय-बैल, आउर भेड़-बकरी के पहिलौठा के दशमांश, अपन परमेश्वर यहोवा के सामने खईहऽ; कि तूँ हर घड़ी अपन परमेश्वर यहोवा के भय मानेला सिखिहऽ।24जदि तोर यात्रा एतना लम्बा होवे कि तूँ ओकरा ले जा नऽ सकवऽ, आउर जौन तोर जगह तोर परमेश्वर यहोवा अपन पवित्र जगह लागी चुन लेतन ऊ तोरा से बड़ी दूर होवे, तब जखनी यहोवा परमेश्वर तोरा आशीष देतन,25आउर तूँ दान के पईसा में बदल दिहऽ, आउर रूपईया अपन हाथ में बाँध, आउर ऊ जगह पर जईहऽ जौन तोर परमेश्वर यहोवा चुन लेतन।26उहाँ तूँ जे कुछ चाहऽ हऽ ओकरा ला पईसा खर्चा करिहऽ, मतलब कि बैल लागी, चाहे भेड़-बकरियन लागी, चाहे दाखमधु, चाहे मदिरा, चाहे जौन कोई चीज लागी तूँ चाहऽ; उहाँ तूँ अपन परमेश्वर यहोवा के सामने भोजन खईहऽ, आउर तूँ अपन घराना के साथे आनन्द मनईहऽ।27जौन लेवी तोर फाटक के भीतर हे, ओकरा नऽ छोड़िहऽ, काहेकि तोरा साथे ओकर कोई हिस्सा चाहे निज भाग नऽ हे।28आउर तीन-तीन साल के अन्त में तूँ अपन उपज के समूचे दशमांश ओही साल में एक कर के अपन फाटक के भीतर रखिहऽ।29आउर जौन लेवियन तोरा साथे अपन निज हिस्सा चाहे निज अंश नऽ पईतन, आउर जौन परदेशी, आउर अनाथ, आउर विधवा तोर फाटक के भीतरे रहतन, ऊ आके भर पेट खईतन, आउर अघा जईतन। अईसन करिहऽ कि तोर परमेश्वर यहोवा तोरा सभे काम में जौन तूँ करऽ हऽ, तोरा आशीष देतन।
Bridge Connectivity Solutions Pvt. Ltd.