Deuteronomy16
1मूसा इस्राएली से कहलन, अबीब के महीना के मनईहऽ, आउर अपन परमेश्वर यहोवा लागी फसह मनईहऽ, काहेकि अबीब के महीना में तोर परमेश्वर यहोवा तोरा रात ही में मिस्र से निकास ले अईलन। 2तूँ अपन परमेश्वर यहोवा लागी भेड़-बकरी आउर गाय-बैल में से कुछ फसह कर के ओही जगहिया में बलिदान करऽ जेकरा यहोवा अपन पवित्रस्थान लागी चुन लेतन। 3ओकरा साथे तूँ खमीरी रोटी नऽ खईहऽ; सात दिन तक तूँ अखमीरी रोटी मतलब कि दुःख के रोटी खइते रहिहऽ; काहेकि तूँ मिस्र देश से उबियाके निकस अईलऽ हल। अपन जीवन भर अईसहीं करते रहिहऽ, जेकरा से तूँ ऊ दिन के याद करिहऽ जहिया तूँ मिस्र देश से निकसलऽ हल। 4सात दिन तक तोर सभे सिवाना में तोरा बीच में कोई खमीर नजर नऽ आवे; आउर जौन मांस तूँ पहिले दिन सांझ के बलि करिहऽ, ओकरा में से कुछ बिहान तक बचल नऽ रखिहऽ।5तूँ अपन नगर के कोई फाटक के भीतरे जेकरा तोर परमेश्वर यहोवा तोरा दे हथन, फसह के बलिदान नऽ करिहऽ।6एकर बदले, ऊ जगहिया पर बलिदान करिहऽ जेकरा तोर परमेश्वर यहोवा अपन पवित्रस्थान के रूप में चुन लेतन। जौन साल तूँ मिस्र से निकसलऽ हल ओही साल के सांझ के सूरज डूबे घड़ी तूँ फसह के बलिदान ऊहें कहिहऽ। 7आउर जौन जगह तोर परमेश्वर यहोवा चुन लेतन ओकरे में तूँ ओकरा भूंज के खईहऽ; बिहान तूँ लौट अपन डेरा में चल जईहऽ।8छउ दिन तक तूँ अखमीरी रोटी खइते रहिहऽ; सातवाँ दिन तोर परमेश्वर यहोवा लागी महासभा होत; ऊ दिन तोरा कोई काम नऽ करे के चाही। 9मूसा इस्राएली से कहलन, तूँ अपना ला सात सप्ताह गिनिहऽ; जौन घड़ी से तूँ खड़ा अनाज पर हंसिया चलावे ला शुरू करवऽ, ऊ घड़ी से तोरा सात सप्ताह गिनेला शुरू करे के चाही।10आउर जईसे तोर परमेश्वर यहोवा तोरा आशीर्वाद देलन हे, ओकरे मोताबिक स्वेच्छाबलि दे के तूँ अपन परमेश्वर यहोवा लागी सप्ताह के परब मनईहऽ, आउर अपन आमदनी में से अपन स्वेच्छाबलि कर के दिहऽ।11तूँ अपन परमेश्वर यहोवा के सामने आनन्द करिहऽ, तूँ अपन बेटा-बेटी, दास-दासी, आउर तोर नगर के फाटक के भीतरे रहे वाला लेवी, आउर परदेशी, अनाथ, आउर विधवा भी जौन तोर बीच में होवत। ऊ जगह जेकरा तोर परमेश्वर यहोवा अपना पवित्रस्थान लागी चुन लेलन हे।12आउर तोरा याद आवत, कि तूँ मिस्र में दास हलऽ; तोरा ई विधि के पालन करे के चाही।13मूसा इस्राएली से कहलन, जब तूँ अपन खलिहान आउर दाखमधु के कुण्ड से उपज जमा कर लिहऽ, तब सात दिन तक झोपड़ी के परब मनईहऽ। 14आउर अपन परब में तूँ, अपन बेटा-बेटी, दास-दासी लेवी, परदेशी, आउर अनाथ, आउर विधवा सहिंत जौन तोर फाटक के भीतरे होवे, आनन्द करिहऽ।15आउर जौन जगह यहोवा चुन लेतन ओकरा में तूँ अपन परमेश्वर यहोवा लागी सात दिन तक परब मनईहऽ, काहेकि तोर परमेश्वर यहोवा तोर समूचे उपज, आउर तोर हाथ के समूचे काम में तोरा आशीर्वाद देतन, आउर तूँ बड़ी जादे आनन्द करवऽ। 16साल में तीन बेरा तोर सकल समाज के तोर परमेश्वर यहोवा के सामने ऊ जगह पर जेकरा ऊ चुनतन, मौजूद होवे के चाही: अखमीरी रोटी के परब में, सप्ताह के परब में, आउर झोपड़ी के परब में, यहोवा के सामने कोई खाली हाथ नऽ जइतन;17बाकि हर एक आदमी अपन शक्ति के मोताबिक दान देतन, जेकरा से तूँ जान लेवऽ कि तोर परमेश्वर यहोवा तोरा का आशीष देलन हे।18आउर जेतना नगर के फाटक तोर परमेश्वर यहोवा तोरा दे हथिन ऊ सभे के भीतरे न्यायी सरदार ठहरईहऽ; ऊ तोर सभे गोत्र से लेवल जायत, आउर उनका लोगवन के फैसला धार्मिकता के न्याय से करतन।19तूँ न्याय के बलजोड़ी छीन नऽ लिहऽ; तोरा पक्षपात नऽ करे के चाही आउर नऽ ही घूंस लेवे के चाही, काहेकि घूंस बुद्धिमान आदमी के आँख के आंधर कर दे हे, आउर धर्मियन के बात के पलट दे हे।20आउर तूँ न्याय के पीछे चलिहऽ, आउर खाली न्याय ही के पीछे चलिहऽ, जेकरा से तूँ जीवित रहवऽ, आउर जौन देश तोर परमेश्वर यहोवा तोरा दे हथन ओकर अधिकारी हो जईवऽ।21आउर अपन परमेश्वर यहोवा के जौन वेदी तूँ अपना ला बनईवऽ ओकरा भीर अशेरा चाहे कोई तरह के खम्भा खड़ी नऽ करिहऽ।22आउर अपना ला कोई मूर्ति के पवित्र पत्थर के खम्भा खड़ा नऽ करिहऽ जेकरा से तोर परमेश्वर यहोवा बैर रखऽ हथन।
Bridge Connectivity Solutions Pvt. Ltd.