2 Timothy1
1हम पौलुस, जौन परमेश्वर के इच्छा से मसीह यीशु के प्रेरित ही, आउर जिनगी के ऊ प्रतिज्ञा के मुताबिक जौन मसीह यीशु में हे।2लिखित चिट्ठी हमर प्रिय बेटा तीमुथियुस के नाम: परमेश्वर पिता आउर हमर प्रभु मसीह यीशु के तरफ से कृपा, दया, आउर शान्ति।3हम परमेश्वर के प्रति आभारी ही, जिनकर हम अपन पुरखा से शुद्ध विवेक से सेवा करते अईली हे, काहेकि हम रात-दिन प्रार्थना में तोरा याद करते रहऽ ही,4हम तोरा दर्शन के ललसा करऽ ही, आउर तोर आँख के आँसू के याद कर के हम खुशी से भर जा ही।5आउर हमरा ऊ सच्चा विश्वास याद आवऽ हे जौन पहिले तोर नानी लोइस आउर तोर माय यूनीके में हल, आउर हम विश्वास करऽ ही, कि ऊ तोरा में भी हे।6येही चलते हम तोरा याद दिलावऽ ही, कि हमर हाथ रखे घड़ी परमेश्वर के जौन वरदान तोरा में हे, ऊ फिन से परकट हो जाय। 7काहेकि परमेश्वर हमरा डर के नऽ, बाकि सामर्थ आउर प्रेम आउर संयम के आत्मा देलन हे।8येहिसे, नऽ तऽ हमर प्रभु के बारे में देवल गेल गवाही से लज्जित होवऽ, आउर नऽ ही हमरा से, जौन मसीह के कैदी ही, बाकि परमेश्वर के सामर्थ के मुताबिक एक साथे शुभ समाचार के लागी दु:ख उठावऽ,9जौन हमरा उद्धार करलन हे, आउर हमरा पवित्र बोलाहट के साथ बोलईलन हे हमर काम के मुताबिक नऽ, बाकि अपन मकसद आउर अनुग्रह के मुताबिक, जौन हमरा मसीह यीशु में अनन्तकाल से पहिले देवल गेल हल,10आउर जे अखनी हमनी के उद्धारकर्ता मसीह यीशु के प्रकट होवे के द्वारा परकट होल हे जौन दूनो मौत के नाश करलन आउर ऊ शुभ समाचार के द्वारा जिनगी आउर अमरता के प्रकाश में लईलन हे।11जेकरा लागी हम एगो प्रचारक आउर एगो प्रेरित आउर एगो उपदेशक नियुक्त करल गेली हे,12येही चलते हम भी ई सभे दुःख उठावऽ ही। बाकि हम लजा नऽ ही, काहेकि हम जानऽ ही कि हम केकरा पर विश्वास करली हे, आउर हमरा विश्वास हे कि ऊ न्याय के दिन तक हमर जमा करल पूँजी के रक्षा करे के लायक हथन।13जौन खरा बात के हमरा से सुनलऽ हे, ऊ विश्वास आउर प्रेम के साथे जौन मसीह यीशु में हे, ऊ नमूना के बना के रखऽ।14पवित्र आत्मा के द्वारा जौन हमनी में वास करऽ हे, अच्छा धरोहर के सुरक्षा करऽ।15तूँ ई जानऽ हऽ, कि आसिया प्रान्त के सभे लोग हमरा से मुड़ गेलन हे, उनका में से फूगिलुस आउर हिरमुगिनेस भी हथन। 16प्रभु उनेसिफुरुस के घराना पर दया करतन, काहेकि ऊ हमरा हर बार तरोताजा करलन, आउर हमर सिकड़ से लज्जित नऽ होलन,17बाकि जहिया ऊ रोम शहर में हलन ऊ हमरा बड़ी मन से खोजे लगलन, आउर हमरा से भेंट करलन।18यहोवा ऊ दिन उनका पर प्रभु दया करतन आउर ऊ इफिसुस शहर में केतना सेवा करलन ई तूँ बड़ी बढ़ियाँ से जानऽ हऽ।
Bridge Connectivity Solutions Pvt. Ltd.