1 Timothy6
1सभे विश्वासी जे दास जूआ के नीचे हे, अपन मालिक के सभे तरह से इज्जत करे के चाही। तब लोग परमेश्वर के आदर के निन्दा नऽ करतन, चाहे ऊ बात के, जेकर शिक्षा हम दे ही। 2जौन दास के मालिक मसीह में विश्वास करऽ हथन, ओकरा उनकर तिरस्कार नऽ करे के चाही, काहेकि उनकर मालिक विश्वासी भाई हथन। एकर जगह पर उनका अपन मालिक के सेवा सभे से बढ़ियाँ ढंग से करे के चाही, काहेकि ऊ जेकर सेवा करऽ हे, ऊ भी मसीह में विश्वास करऽ हथन आउर परमेश्वर उनका से प्रेम करऽ हथन। ई बात के सिखावऽ आउर अपन लोगवन के एकरा करे ला विनती करऽ।3कुछ लोग अईसन बात सिखावऽ हथन जौन सच्चा नऽ हे। ऊ हमनी के प्रभु यीशु मसीह के बारे में विश्वसनीय शिक्षा के नऽ मानऽ हे, आउर ऊ ई शिक्षा के स्वीकार नऽ करऽ हे कि अईसन जिनगी कईसे बितावल जा हे जौन परमेश्वर के खुश करऽ हे।4ई लोग घमण्ड तऽ करऽ हे, बाकि कुछ नऽ समझऽ हे। एकर बदले में, ओखनी असाधारण रूप से बेकार के बात आउर कुछ खास शब्द पर बहस करे के इच्छा रखऽ हे। ओखनी के व्यवहार ओकर ला दोसरा आदमी से जलन करे के कारण बनऽ हे। ओखनी दोसरा के साथे झगड़ा करऽ हे, दोसरा के बारे में गन्दा-गन्दा बात करऽ हे, आउर शंका आउर निन्दा करऽ हे कि दोसरा के मनसा गलत हे।5ऊ लगातार दोसर आदमी से झगड़ते रहऽ हे। ओकर सोचे के ढंग एकदम गलत हो गेल हे। ओखनी सच्चा शिक्षा के इंकार कर देलन हे। जेकर नतीजा, ऊ सोचऽ हे कि भक्तिपूर्ण ढंग से जिनगी जिये के मकसद सांसारिक चिजवन के पा लेवे ला हे।6बाकि जखनी हम भक्तिभाव के ढंग से जिनगी बितावऽ ही तब हम जादे फायदा पावऽ ही आउर जब हमनी भीर कुछ होवऽ हे तब हमनी ओकरा से संतोष करऽ ही।7हमनी दुनियाँ में कुछो भी नऽ लईली हे जहिया हमनी जनम लेली हल, आउर हमनी ई दुनियाँ में से कुछ भी साथे ले जाय के लायक नऽ ही जहिया हमनी मरम। 8येहिगुने जदि हमरा भीर भोजन आउर कपड़ा हे, तऽ ओकरे में हमनी के संतोष करे ला बड़ी बात हे।9बाकि कुछ लोग धनी बने के बड़ी चाहत रखऽ हे। जेकर नतीजा हे, कि ऊ पईसा के लोभ में गलत काम करऽ हे। फिन उनका जौरे गलत काम होवऽ हे, जेकर फन्दा से ऊ बच नऽ सकलन हे। ऊ मूर्खतापूर्ण ढंग से बड़ी सा चीज के इच्छा रखऽ हे, जौन ओखनी के नुकसान पहुँचावत आउर, अन्त में, ई सभे चीज ओखनी के नाश कर देत। 10सभे किसीम के बुराई के जड़ रुपईया हे, जब लोग बड़ी-मनी धन पावे के इच्छा रखऽ हे, तऽ ऊ सभे रगन के बुरा काम करऽ हे। पईसा लागी तरसे वाला कुछ लोगवन ऊ सच्चाई के कबूल करे लागी बंद कर देलन हे, जेकरा में हमनी सभे के विश्वास हे, आउर ऊ अपने आप के बड़ी दुःख से छलनी कर लेलन हे।11बाकि तूँ जे परमेश्वर के सेवा करऽ हऽ, ई सभे बुरा बात से बचऽ। एकर जगह पर, ई तय कर लऽ कि तूँ ओही करवऽ जौन सही हे, आउर एहु कि तूँ परमेश्वर के खुश करे लागी जिनगी निर्वाह करवऽ। परमेश्वर पर विश्वास रखऽ, आउर दोसरा से प्रेम करऽ। मुश्किल समय में धीरज से धार्मिकता धरऽ। हमेशा लोगवन के प्रति नम्र बनल रहऽ।12तूँ जेकरा में विश्वास करऽ हऽ ओकर मुताबिक अपन जिनगी बितावे लागी अपन पूरा कोशिश करऽ। तय करऽ कि तोरा भीर अनन्त जिनगी के वरदान हे जेकरा परमेश्वर तोरा लागी चुनलन हे जब तूँ ढेर गवाह के सामने खुलेआम केतना गवाह के सामने प्रचार करलन हल कि तूँ मसीह से जुड़ल हऽ।13हमनी ऊ परमेश्वर के मौजूदगी में ही जौन सभे चीज के जिनगी दे हथन। हम मसीह यीशु के गवाह करके जौन हिम्मतगर रीति से जौन सच हल ओकर प्रचार करलन, जखनी उनकर जाँच पुन्तियुस पिलातुस के सामने हो रहल हल। उनकर मौजूदगी में, हम ई आज्ञा तोरा दे ही।14मसीह हमरा जौन आज्ञा देलन हल, ओकर पालन करऽ। कुछ भी गलत नऽ करऽ। एकरा से कोई भी तोर शिकायत करे के योग्य नऽ होतन। हमेशा आज्ञा के पालन करऽ जखनी तक हमनी के प्रभु यीशु मसीह फिन से वापस नऽ आ जईतन।15परमेश्वर सही समय पर यीशु के फिन से वापस भेजतन। हम परमेश्वर के स्तुति करऽ ही। ओही एगो खाली शासक हथन! ऊ दोसर सभे राजा के ऊपरे राजा हथन आउर दोसर सभे शासक के प्रभु हथन!16परमेश्वर ही एगो अईसन हथन जौन कहियो नऽ मरतन, आउर ऊ स्वर्ग में इंजोर में रहऽ हथन जौन एतना जादे चमकदार हे कि कोई भी ओकरा तक नऽ पहुँच सकल हे! ऊ अईसन हथन जिनका कोई आदमी कहियो नऽ देखलक हे आउर ओकरा कोई भी आदमी देखे के लायक नऽ हे! हमर इच्छा ई हे कि सभे लोग उनकर आदर करतन आउर ऊ अनन्तकाल लागी सामर्थ के साथ शासन करतन! हमर प्रार्थना हे कि आमीन! 17ऊ विश्वासियन के कहऽ जौन ई अभी के संसार में धनी हे कि ओखनी के घमण्डी नऽ होवे के चाही। ओखनी के अपन सभे किसीम के धन-दौलत पर उम्मीद नऽ करे के चाही, काहेकि ऊ पक्का नऽ कर सकलन हे कि ई उनका भीर केतना दिन तक रहत। एकर जगह पर, ओखनी के परमेश्वर पर भरोसा रखे के चाही। काहेकि ई ओही हथन जौन हमनी के भरपूर मात्रा में ऊ सभे कुछ दे हथन जौन हमनी भीर हे, आउर ऊ चाहऽ हथन कि हमनी ओकर आनन्द ले सकऽ ही। 18ई सभे धनी विश्वासियन के अच्छा काम के करे ला कहऽ। ओखनी के ढेर जादे धन जमा करे के जगह पर ढेर जादे अच्छा काम करे के इच्छा रखे के चाही। ओखनी के अपन संपत्ति के साथ खुला मन के होवे के चाही, आउर जे कुछ उनका भीर हे एकरा दोसरा के साथे बाँटे ला तईयार रहे के चाही।19आउर आवे वाला समय लागी एगो अच्छा नींव डालते रहऽ, ताकि सच्चा जिनगी के प्राप्त कर पईवऽ20हे तीमुथियुस, ऊ सच्चा संदेश के रक्षा करऽ जौन परमेश्वर तोरा देलन हे। ऊ लोग से बचऽ, जौन ऊ काम के बारे में बात करे ला चाहऽ हे जौन परमेश्वर लागी जरुरी नऽ हे। अईसन लोग से भी बचऽ, जौन झूठा दावा करऽ हे कि उनका भीर सच्चा ज्ञान हे बाकि अईसन बात कहऽ हे जौन हमरा द्वारा सिखावल गेल सच बात के विरोधी हे।21कुछ खास लोग ई बात में अंगीकार करऽ हे आउर ओखनी परमेश्वर के बारे में सच्चाई पर विश्वास करे ला बंद कर देलन हे। परमेश्वर तोहनी सभे के ऊपर दया करतन।
Bridge Connectivity Solutions Pvt. Ltd.