2 Timothy2
1येहिसे, हे हमर लईकन, तूँ ऊ अनुग्रह से जौन मसीह यीशु में हे, बलवन्त हो जा।2आउर जे बात तूँ बड़ी सा गवाह के साथ हमरा से सुनलऽ हे, ओकरा विश्वासयोग्य आदमी के सौंप दऽ, जे दोसरा के भी सिखावे के काबिल रहे।3यीशु मसीह के एगो अच्छा सिपाही के रूप में एक साथे मिल के दुःख उठावऽ।4जौन कोई सिपाही के काम कर हे, ऊ रोजदिन के जिनगी के काम में नऽ फँस हे, कि अपन भर्ती करे वाला के खुश कर सकतन।5आउर जदि कोई प्रतियोगिता करऽ हे, तऽ जदि ऊ नियम से प्रतियोगिता नऽ करलन हे, तऽ उनका मुकुट नऽ पेहनावल जायेत। 6मेहनती किसान के फसल के फायदा सभे से पहिले मिले के चाही।7हम जौन कह रहली हे ओकर बारे में सोचऽ, काहेकि प्रभु तोरा सभे बात में समझ देतन।8यीशु मसीह के याद रखऽ जौन हमर शुभ समाचार के मुताबिक दाऊद के वंश से मरल में से जी उठलन,9जेकरा चलते हम अपराधी के जईसन सिकड़ में बंधक बन के दुःख उठा रहली हे। बाकि परमेश्वर के वचन बंधायेल नऽ हे!10काहेकि, हम परमेश्वर के चुनलकन लोग लागी सभे कुछ सहऽ ही, कि ओहू ऊ उद्धार के जौन मसीह यीशु में हे, अनन्त महिमा के साथे पा लेतन।11ई वचन विश्वासयोग्य हे: काहेकि जदि हम मसीह के जौरे मर गेली हे, तऽ उनका साथे जिन्दा भी रहम।12जदि हम दु:ख सहऽ ही, तऽ हम उनका साथे राज भी करम। जदि हम उनका इंकार करऽ ही, तऽ ऊ भी हमरा इंकार करतन।13जदि हम विश्वासघाती भी ही, तईयो मसीह विश्वासयोग्य बनल रहतन, काहेकि ऊ खुद के इंकार नऽ कर सकलन हे। 14आउर परमेश्वर के लोग के सभे बात के याद दिलावऽ, आउर परमेश्वर के सामने चेतौनी दऽ, कि ऊ शब्द पर झगड़ा नऽ करतन; ई बेकार हे, आउर सुने वालन के नाश लागी हे।15खुद के परमेश्वर के ग्रहण के लायक आउर लज्जित नऽ होवे वाला आउर सच के वचन आउर सच बोले वाला ठहरावे के कोशिश करे के चाही।16बाकि अशुद्ध बेकार के वाद विवाद से बचल रहिहऽ, काहेकि ऊ आउर भी अभक्ति दने बढ़ते जईतन।17आउर उनकर वचन सड़ल-घाव के जईसन फैल जायेत, ओकरा में से हुमिनयुस आउर फिलेतुस भी हे,18जौन सच से चूक गेल हे, आउर कहऽ हे कि पुनरुत्थान हो चुकल हे, ऊ आउर ढेर लोग के विश्वास के नाश करऽ हे।19तईयो, परमेश्वर के मजबूत नींव ई छाप के साथे बनल रहऽ हे: “प्रभु उनका जानऽ हथन जौन उनकर हथन” आउर "जौन कोई प्रभु के नाम ले हे ओकरा अन्याय से दूर रहे के चाही।" 20अब एगो बड़का घर में, नऽ खाली सोना आउर चाँदी के बरतन होवऽ हे, बाकि काठ आउर मट्टी के भी, आउर दूनो कुछ आदर लागी आउर कुछ अनादर लागी होवऽ हे।21येहिसे, जदि कोई एकरा से अपने आप के शुद्ध करलन हे, तऽ ऊ आदर के बरतन ठहरतन, आउर पवित्र ठहरतन, आउर मालिक के काम अईतन, आउर हर भलाई काम लागी तईयार करल जईतन।22येहिसे जवानी के वासना से दूर भागऽ, आउर जौन शुद्ध मन से प्रभु के पुकारऽ हे, ओकरा साथे धरम, विश्वास, प्रेम, शान्ति आउर मेल मिलाप के पीछा करऽ।23बाकि मूर्खता आउर अज्ञानता के सवाल से बचल रहऽ, ई जान के कि एकरा से झगड़ा के जनम होवऽ हे।24बाकि प्रभु के दास के झगड़ालू नऽ होवे के चाही, बाकि सभे पर कृपालु, शिक्षा देवे वाला, आउर सहनशील होवे के चाही।25नम्रता से ओखनी के शिक्षित करऽ जौन उनकर विरोध करऽ हे। परमेश्वर शायद उनका सच्चाई के ज्ञान लागी पछतावा देतन।26आउर ऊ फिन से शैतान के जाल के फन्दा से बचे लागी फिन सचेत हो जईतन, आउर उनकर इच्छा के मुताबिक शैतान के जाल के फन्दा से छूट जईतन।
Bridge Connectivity Solutions Pvt. Ltd.