Mark5
1หมู่เปิ้นมาตึ๋งแฮ๋มเพิ่งนึ่งของตะเลสาบ ซึ่งเป๋นตี้อยู่ของจาวเมิงเกราซา2ตอนพะเยซูลงจากเฮอก็มีป้อจายคนนึ่งตี้ถูกผีจั๋วสิงอยู่ล่นจากอุโมงค์ฝังซบต๋งเข้ามาหาพะอ๋งท้นเต้า3ป้อจายคนนี้อาศัยอยู่ตามอุโมงค์ฝังซบ บะมีไผยั๊บเปิ้นฮื็อได้ แม้แต่โซ่ก็ล่ามบะอยู่4เพาะว่าเปิ้นถูกล่ามโซ่ตี้มือและตี๋นอยู่บ่อยๆแต่เปิ้นก็กระชากมันขาดตุ๊กเตื้อ จนบะมีไผควบคุมเปิ้นได้แฮ๋ม5เปิ้นจะเตียวไป๋เตียวมาตามอุโมงค์ฝังซบและตามดอยทั้งวันทั้งคืน ฮ๊องเฮ็กซะอย่างบ้าคลั่งและเอาหินเฉือนตามเนื้อตั๋ว6ตอนเปิ้นหันพะเยซูแต่ไกลก็ล่นเข้ามาก้มกราบพะอ๋ง7แล้วฮ๊องเฮ็กซะซุ๊ดเสียงว่า “เยซู ลูกของพะเจ๊าสูงซุ๊ด มายุ่งกับข้าจะได๋ จ้วยสัญญาต่อพะเจ๊าหน่อยว่าจะบะทรมานข้า”8ผีอู้จะอี้เพาะพะเยซูอู้กับมันว่า “ไอ้ผีจั๋ว ออกจากคนอั่นซะ”9พะเยซูซอยมันว่า “เอ็งจื้อไอยั๋ง” มันอู้ว่า “จื้อกอง เพาะว่าเฮามีกั๋นหลายตนอยู่ในห้างนี้”10มันได้อ้อนวอนพะอ๋งเตื้อแล้วเตื้อเล่า บะฮื๊อพะอ๋งไล่มันไป๋จากบริเวณอั่น11มีหมูฝูงใหญ่ถูกปล่อยฮื๊อหากิ๋นอยู่ตามไหล่ดอยแถวๆอั่น12หมู่ผีจั๋วขอฮ๊องพะเยซูว่า “จ้วยส่งเฮาเข้าไป๋ในหมูฝูงอั่นเถอะ ขอฮื๊อเฮาไป๋สิงหมู่มันแตน”13พะอ๋งก็ยอมฮื๊อหมู่มันเยี๊ยะจะอั่น หมู่ผีจั๋วจึงออกจากห้างป้อจายคนนี้ไป๋เข้าสิงฝูงหมูแตน หมูทั้งฝูงซึ่งมีปะมาณสองพันตั๋วก็ล่นกรูกั๋นจากไหล่ดอยสูงชันลงสู่ตะเลสาบและจมน้ำต๋ายเมิ๊อด14หมู่คนเล่งหมูล่นเข้าไป๋เล่าเรื่องนี้ฮื๊อคนในเมิงและในชนบทฟัง หมู่เปิ้นออกมาพ้อว่าเกิดไอยั๋งขึ้น15เปิ้นพากั๋นมาหาพะเยซู และหันป้อจายคนตี้เคยถูกผีจั๋วสิงนั่งอยู่ตี้ฮั่น ใส่เสื้อเตี่ยวเรียบร้อยและสงบสติดี หมู่เปิ้นก็โก๊วจะนัก16คนตี้หันเหตุการณ์ได้เล่าฮื๊อหมู่อั่นฟังว่าเกิดไอยั๋งขึ้นกับคนตี้ถูกผีจั๋วสิงและกับฝูงหมู17หมู่อั่นจึงขอฮ๊องฮื๊อพะอ๋งไป๋จากเขตเมิงของเปิ้น18ในขณะตี้พะอ๋งลงเฮอ ป้อจายคนตี้เคยถูกผีจั๋วสิงก็ขอตามพะอ๋งไป๋ตวย19พะอ๋งบะยอมฮื๊อเปิ้นไป๋ตวย แต่อู้กับเปิ้นว่า “ปิ๊กเฮือนไป๋หาปี้น้องสู แล้วเล่าฮื๊อหมู่เปิ้นฟังว่าองค์เจ้าจีวิดเยี๊ยะไอยั๋งฮื๊อสูบ้าง และพะอ๋งดีกับสูจะได”20ป้อจายคนอั่นจากไป๋ และเริ่มเล่าฮื๊อไผต่อไผในแคว้นเดคาโปลิศ ฟังว่า พะเยซูได้เยี๊ยะไอหยังฮื๊อกับเปิ้นบ้าง และคนเหล่าอั่นก็แปกใจ๋จะนัก21พะเยซูลงเฮอข้ามปิ๊กไป๋แฮ๋มเพิ่งของตะเลสาบ หมู่คนจะนักมาห้อมล้อมพะอ๋งตี้ฮิมเพิ่งตะเลสาบอั่น22มีตัวป้อของตี้ปะชุมจาวยิวคนนึ่งจื้อ ไยรัส เข้ามากราบตี้ตี๋นของพะเยซู23อ้อนวอนพะอ๋งอย่างหนักว่า “ลูกหญิงน้อยๆของผมกำลังจะต๋าย จ้วยไป๋วางมือบนเปิ้นตวยเต๊อะ เปิ้นจะได้หายและมีจีวิดอยู่ต่อไป๋”24พะอ๋งจึงตามไยรัสไป๋ แล้วผู้คนก็เตียวเบียดเสียดตามพะเยซู25ในหมู่คนหลายอั่นมีแม่ยิ๋งคนนึ่งตี้ตุ๊กเพาะว่าต๋กเลือดมาซิบสองปีแล้ว26เปิ้นทนตุ๊กข์ทรมานจะนักจากการไป๋ฮักษากับหมอหลายตี้ และจ่ายก้าฮักษาจนเมิ๊อดตั๋ว แต่ก็ยังบะดีขึ้น ซ้ำฮ๊ายปิ๊กแย่ลงไป๋แฮ๋ม27ตอนเปิ้นได้ยินเรื่องของพะเยซู เปิ้นก็เบียดคนเข้ามาอยู่หลังพะอ๋ง และแตะเสื้อกุมของพะอ๋ง28เพาะว่าเปิ้นคึดในใจ๋ว่า “ถ้าเฮาแค่แตะเสื้อเตี่ยวของเปิ้นเต้าอั่น ก็จะหายจากโรค”29เลือดตี้ไหลอยู่ก็ยู๋ดท้นเต้า และเปิ้นก็ฮู๊ตั๋วว่าหายแล้ว30พะเยซูฮู๊ท้นเต้าว่าฤทธิ์ในตั๋วของพะอ๋งได้ไหลออกไป๋ จึงหันไป๋ซอยหมู่คนหลายว่า “ไผแตะเสื้อเฮา”31หมู่ลูกซิดก็อู้ว่า “อาจ๋าน พ้อสิ มีคนจะนักตี้เบียดเสียดอาจ๋านอยู่ แล้วอาจ๋านยังจะมาซอยแฮ๋มว่า ‘ไผแตะตั๋วเฮา’”32แต่พะอ๋งยังคงพ้อไป๋รอบๆฮื๊อจะหาคนเยี๊ยะ33ฝ่ายหญิงอั่นก็โก๊วจนตั๋วสั่น เพาะว่าเปิ้นฮู๊ว่าเกิดไอยั๋งขึ้นกับเปิ้น เปิ้นจึงออกมาก้มลงกราบพะอ๋งและเล่าความแต๊ตี้เกิดขึ้นตึงมดฮื๊อพะอ๋งฟัง34พะเยซูจึงอู้กับเปิ้นว่า “ลูกเอ๋ย ความเจื้อของเจ้าเยี๊ยะฮื๊อเจ้าหายแล้ว ไป๋เป๋นซุกเต๊อะ บะต้องทรมานแฮ๋มอีก”35ขณะตี้พะอ๋งยังอู้อยู่อั่นมีคนจากเฮือนของไยรัสมาอู้เปิ้นว่า “ลูกหญิงของตั้นต๋ายแล้ว บะต้องรบกวนอาจ๋านแฮ๋มอีก”36พะเยซูได้ยินตี้หมู่เปิ้นอู้กั๋นจึงอู้ไยรัสว่า “บะต้องโก๊ว ขอฮื๊อเจื้อเต้าอั่น”37พะอ๋งบะฮื๊อคนตามพะอ๋งไป๋นอกจากเปโตร ยากอบ และยอห์นน้องป้อจายของยากอบ38ตอนหมู่เปิ้นมาตึ๋งเฮือนของไยรัส พะอ๋งก็หันความวุ่นวายและผู้คนฮ๊องไห้คร่ำครวญดังลั่นไป๋เมิ๊อด39พะอ๋งเข้าไป๋ในเฮือนและอู้กับหมู่เปิ้นว่า “อะหยังโบ๋สูตึ๋งฮ๊องห่มฮ๊องไห้เสียงดังวุ่นวายกั๋นไป๋เมิ๊อด ละอ่อนคนอั่นยังบะต๋ายแต่กำลังนอนลับอยู่”40แต่หมู่เปิ้นก็ขำพะอ๋ง พะอ๋งจึงสั่งฮื๊อตุ๊กคนออกไป๋ แล้วพาป้อแม่ของละอ่อนกับลูกซิดตามพะอ๋งเข้าไป๋ในห้องตี้ละอ่อนคนอั่นอยู่41พะอ๋งยั๊บมือของละอ่อนแล้วอู้ว่า “ทาลิธา คูม” (เป๋ว่า “หนูจ๋า เฮาอู้ฮื๊อหนูฮุกขึ้น”)42ละอ่อนหญิงก็ฮุกขึ้นมาท้นเต้า และเตียวไป๋รอบๆห้อง (ละอ่อนหญิงคนนี้อายุซิบสองปี) ตุ๊กคนต่างต๋กตะลึง43พะเยซูสั่งหมู่เปิ้นบะฮื๊อเล่าเรื่องนี้ฮื๊อไผฟัง และอู้ฮื๊อหาข้าวมาฮื๊อละอ่อนกิ๋นตวย
Empower Asia Bible Translation Movement